Micah 7:18 - Tedim Bible Revision 2017

¹⁸ Topa aw, nang tawh a kibang Pasian dang om lo a, a om lai na miteʼ mawhna nangmah in na maisak hi. Nang na heh paisuak kei a, na itna kip nong lak hi.

Tedim Bible

¹⁸ Topa aw, nang tawh a kibang Pasian dang om lo a, a om lai na gamluah mite’ mawhna na maisak hi. Nang na heh paisuak kei a, na itna kip nong lak hi.

Micah 7:18 Referans Kwoze

Isaiah 43:25

Na thupalsatnate hong paih khiatsak pa pen keimah ka hi a, kei ka hih manin na khialhnate ka ciamteh kei ding hi.

Isaiah 44:22

Na thupalsatnate meiipi bangin na khialhnate meii lum bangin ka phiat khia khinzo hi. Hong hon khia khin ka hih manin kei kiangah hong ciahkik in.

Jeremiah 50:20

Tua ni hun ciangin, Topa in kong cih in ah, Israel gamah khialhna kizong dinga, a kimu kei ding hi. Judah gamah mawhna kizong dinga, a kimu tuan kei ding hi. Bang hang hiam cih leh ka nuntaksak, ka nusiat lai mite a mawhna uh ka maisak ding hi.

Jeremiah 32:41

Amaute tungah hoihna ka bawl manin ka lungdam dinga, ka lungsim khempeuh tawh thuman takin hih gamah amaute ka phut ding hi.

Jeremiah 3:12

Pai inla leilu lam Israel gamah hih bangin va taangko in: ‘Hong kilehkik in, a zulhzau Israel aw, Topa in kong ci hi. Hehna tawh nang kong en kei ding hi; bang hang hiam cih leh a hehpih thei pa ka hi hi, Topa in kong ci hi. Ka heh tawntung kei ding hi.

Paikhiatna 15:11

“Topa aw, pasian-teʼ lakah kua, nang tawh kibang ahi hiam? Kua, nang tawh kibangin, sianthona ah lianin, minthang nasepna ah kihtakhuai-in, nalamdang sem ahi hiam?

Late 89:8

Vanglian Topa Pasian aw, na khempeuh ah na thutak a, nangmah bangin a vanglian kua om ahi hiam, Topa aw.

Late 86:15

Ahih hangin Topa aw, nang pen a hehpih thei, a dik Pasian na hi a, heh hak mahmah in, itna kip le thumanna tawh a kidim na hi hi.

Late 65:3

Ka mawhnate un kote hong zawh ciangin, nangmah in tuate na hong maisak hi.

Late 89:6

Bang hang hiam cih leh Topa pen vantung a kua tawh kiteh thei ding ahi hiam? Mi siangthoteʼ kikhopna sungah a kizahtak Pasian, a kiim a omte khempeuh tungah lianin a zahtakhuai Topa pen van miteʼ lakah kua pen tawh kibang ahi hiam?

Luka 24:47

Jerusalem khua a kipan minam khempeuh tungah a mawhna uh kisikin a kimaisak nading thu, ama min tawh kihilh ding hi, ci-in kigelh hi.

Micah 4:7

Amaute, a cimawhin gamlapi ah om uh a, ahi zongin keimah in amaute pansa kikin, minam vanglian khatin ka bawlkik ding hi. Tua hun a kipan a tawntungin Zion mual panin amaute ka uk paisuak ding hi.

Micah 2:12

Ahi zongin no Israel mi a omlaite khempeuh pel het loin kong kaikhawmkik ding hi. Tuubuk sunga tuu khum bangin, gankhawk sungah tuu hon kaihkhop bangin note kong kaikhawmkik dinga, na gam sung uh, mi tampiteʼ husa tawh kidimkik ding hi, ci hi.

Ezekiel 33:11

Amaute kiangah hih bangin gen in: Kei pen a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deih hizaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

1 KUMPI MASATE 8:23

Amah in, “Israel Pasian, Topa aw, tunga om vantung ahi a, nuai-a om leitungah ahi zongin, nangma mai ah a lungsim khempeuh uh tawh a gamta na nasemte tungah thuciamna lenin itna kip a lak, nang tawh a kibang pasian om lo hi.

Thu-hilhkikna 33:26

“Israel aw, nangmah huh dingin vantungah a tuang a liatna tawh vanpi ah a om, Pasian tawh a kibang kuamah dang om lo hi.

Jeim 2:13

Bang hang hiam cih leh hehpihna lungsim a nei lote tungah Pasian in thu a khen ciangin hehpih lo dinga, hehpihna lungsim a neite tungah Pasian in thu a khen ciangin a hehpihna in zo zaw ding hi.

Zefaniah 3:17

Topa na Pasian un note hong ompih a, ama vangliatna in hong gualzosak hi. Note tungah Topa lungkim dinga, ama hong itna tawh hong thakbawl ding hi. Noteʼ hangin Topa lungdamin la sa dinga,

Micah 7:14

Topa aw, nangma tuu ahi na mite hong cing in. Gam nuam lei hoihna sungah amau guakin om uh hi. Tanglai huna mah bangin, Bashan le Gilead gam nuamah amaute gamtasak in.

Jonah 4:2

Topaʼ kiangah thu ngen a, “Kong thum hi, Topa aw; ka gam sungah ka om lai pekin hici mah in teh, ci hi lo ka hi hiam? Hanciamin Tarshish khua ah ka tai simna zong tua hang mah ahi hi; bang hang hiam cih leh nang pen a hehpih thei Pasian, a heh hak, a migi mahmah, siatna tunsak ding a kisik nuam Pasian na hihna kong thei hi.

Joel 2:32

Ahi zongin Topaʼ tungah huhna a ngen khempeuh in hotkhiatna a ngah ding uh hi. Topaʼ gen sa bangmahin Zion Mual le Jerusalem khua sungah a suakta mi om ding uh hi. Topa in a teel mite, suakta ding uh hi.

Isaiah 57:16

Ka mite tungah nuntakna ka pia hi. Amaute ka mawhsak paisuak kei dinga, amaute tungah ka heh tawntung kei ding hi.

Late 86:5

Bang hang hiam cih leh Topa aw, nangmah hoihin mawhna na maisak a, hong ngente khempeuh tungah itna kip tampi na nei hi.

Daniel 9:9

Nang pen hehpihna tawh kidimin mawhna na maisak a, ahih hangin kote in nang ka hong langpan uh hi.

Jeremiah 3:5

nang keima tungah heh tawntung ding na hi hiam? A tawp dongin lungham den ding na hi hiam?’ na hong ci hi. En in, tua bang na cih hangin, siatna na hih theih khempeuh na hih khinzo hi,” a ci hi.

Isaiah 65:19

Jerusalemʼ hangin ka lungdam dinga, ka miteʼ hangin ka kipak ding hi. Tua khua sungah kahna aw le cimawhin kikona aw om nawn lo ding hi.

Isaiah 55:7

Migilo in ama gitlohna nusia henla, thuman lo mi in ama ngaihsutna nusia hen. Amah in a hehpih theih nadingin Topa eiteʼ Pasianʼ kiangah amah paisak un. Bang hang hiam cih leh a mawhna maisiangsak ding hi.

Isaiah 1:18

Topa in hih bangin ci hi: “Tu-in hong pai unla, thu kikum khawm ni. Na mawhnate uh puansan a bat hangin vuk bangin hong ngo ding hi. Na mawhnate uh si bangin a san hangin tuumul bangin hong kang ding hi.

Late 130:4

Ahih hangin nangmah hong kizahtak theih nadingin nangmah in mawhna na maisak hi.

Late 71:19

Pasian aw, na vangliatna le na thumanna in van sangpite ban to hi. Pasian aw, na lian pipi na sem khinzo hi. Nang tawh a kibang kua om ahi hiam?

Nehemiah 9:17

Amaute in thu mang nuam lo uh a, amaute lakah na bawl nalamdangte ngaihsun kha lo uh hi. Amaute lungkhauh niloh uh a, a salsuahna uh Egypt ah a paipihkik dingin makai khat seh uh hi. Ahi zongin nang pen mawhna a maisak nuam, dikin hehpihna a nei, lungduai-in itna kip a nei Pasian na hi a, amaute na nusia tuan kei hi.

Paikhiatna 34:9

Amah in, “Tu-in na muhna ah maipha ka muh leh, Topa aw, kong thum hi; lungkhauh mite ka hi ta uh zongin koteʼ kiangah Topa hong pai in. Koteʼ mawhna le koteʼ khialhna hong maisak inla, nangma mi dingin kote hong sang in,” a ci hi.

ROM (Romans) 11:4

Ahi zongin Pasian in, “Baal milim a bia nai lo mihing tul sagih ka nei lai hi,” ci-in a dawng hi.

Luka 15:32

Tu-in na naupa a si sa hong hingkik a, a mang sa hong tungkik ahih manin lungdamin pawi i bawl ding ahi hi,’ ci-in a pa in a dawng hi,” a ci hi.

Micah 5:3

Tua ahih ciangin, numei naupaii nu, a nau a suah khit mateng, amauʼ galteʼ khut sungah Topa in a mite a pia phot hi. Ama hong khan ciangin sal a a om a gam mite a mipihte uh tawh hong kigawmkik ding hi.

Amos 8:2

Topa in, “Amos aw, bang na mu hiam?” hong ci hi. “Seeng sunga kikoih singgah min ka mu hi,” ci-in kei zong ka dawng hi. Tua ciangin Topa in, “Ka mi Israel-te adingin a bei hun uh tung ta hi. Amaute gim ka piak ding ka khawl nawn kei ding hi.

Amos 7:8

Tua ciangin Topa in kei kiangah, “Amos aw, bang na mu hiam?” hong ci hi. Kei zong dawngin, “Khaukhai khat mu ing,” ka ci hi. Tua ciangin Topa in, “En in, ka mi Israel-te a khialhna uh a kitheih nadingin hih khaukhai tawh ka en hi. Amaute gim ka piak ding ka khiakik nawn kei ding hi.

Jeremiah 31:34

Kuamah in midangte le a sanggamte uh kiangah, ‘Topa thei in,’ ci-in a kihilh nawn kei ding uh hi; bang hang hiam cih leh Topa in kong cih in ah, amaute in a neu pen panin a lian pen dongin, a vekpi-un kei a hong thei ding uh hi. Bang hang hiam cih leh amauʼ khialhnate ka maisak dinga, amauteʼ mawhnate zong phawkin ka nei nawn kei ding hi,” a ci hi.

Isaiah 57:10

A gamla na khualzinna hangin nang na gim mahmah a, ahih hangin nangmah in, “Lametna om kei,” na ci kei hi.

Isaiah 40:25

Tua ahih ciangin kei kua tawh hong genteh ding na hi uh hiam, Siangtho Pa in ci hi.

Isaiah 40:18

Tua ahih ciangin Pasian pen kua tawh tehkak dinga, amah pen bang lim tawh kibang ci ding na hi uh hiam?

Late 103:13

Pa in tate a hehpih bangin Topa in amah a zahtakte hong hehpih hi.

Late 35:10

Ka lungsim khempeuh tawh, “Topa aw, ama adingin a hat luate kiang panin a thahat lo mi a hon khia, a bawlsiateʼ kiang panin mizawngte a hon khia, nang tawh a kibang kua om ahi hiam?” ka ci ding hi.

Gamlak-vakna 23:21

Amah in Jakob mite tungah mawhna mu lo a, Israel mite tungah gamtat siatna mu lo hi. Topa amauʼ Pasian, amaute tawh om a, kumpipa phatna awging amauteʼ lakah om hi.

Jeremiah 38:8

Ebedmelek zong kumpi inn panin hong pai khia-in kumpipa kiangah,

Isaiah 62:5

Bang hang hiam cih leh tangval in nungak khat a teenpih mah bangin nang hong lam pa in nang hong teenpih dinga, zipi pa mothak nu tungah a lungdam mah bangin nang tungah na Pasian lungdam ding hi.

Piancilna 4:7

Limtakin hih lecin, nang hong kisang lo ding ahi hiam? Limtakin na hih kei leh nang hong hih nuamin mawhna in hong buk a, nang hong uk nuam hi. Ahih hangin nang in tua mawhna na zawh ding ahi hi,” a ci hi.

2 KHANG TANGTHU NIHNATE 6:21

Amaute in hih mun lam nga-in thu hong nget uh ciangin na nasem pa le na mi Israel-teʼ hong thumnate nangmah in ngai in. Na teenna mun vantung panin hong za takpi inla, na zak ciangin hong maisak in.

2 KHANG TANGTHU NIHNATE 30:9

Bang hang hiam na cih uh leh Topaʼ lamah note na kilehkik uh leh, na sanggamte uh le na tate un amau a manteʼ tung panin hehpihna ngahin hih gamah hong ciahkik ding uh hi. Bang hang hiam cih leh Topa na Pasian uh dikna le hehpihna a nei hi a, ama lamah na kiheikik nak uh leh note kiang panin a maitang hei khia lo ding hi,” ci-in a gen uh hi.

Isaiah 33:24

I gamah a teeng mite kuamah in, “Ka ci na hi,” ci nawn lo ding uh a, mawhna khempeuh kimaisak ding hi.

Isaiah 64:9

Topa aw, nakpi takin sin so kei inla, mawhna ciam tehteh kei in. Kote khempeuh nangma mi ka hihna uh hong ngaihsun in.

Jeremiah 9:24

A kisatheite in, keimah, leitungah migitna, thuman le thutang a zang ka hihna le tuate sungah nuam a sa pa ka hihna thu hong theihna uh ah kisathei uh hen. Topa in hih thu kong gen khin hi,” a ci hi.

Jeremiah 31:20

“Efraim, ka it ka tapa hi lo ahi hiam? Amah keima ngaihno hi lo ahi hiam? Bang hang hiam cih leh ama thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

Jeremiah 33:8

Kei tungah hong bawl uh mawhna khempeuh panin amaute ka siangsak dinga, kei tungah a hong mawhnate uh le a hong langpanna khempeuhte uh ka maisak ding hi.

Ezekiel 18:23

Migilo khat a si ka muh ciangin a lungdam dingin hong ngaihsun na hi uh hiam? Ka lung dam het lo hi. Amah hong kisikin a nuntak ding pen keima deih ahi zaw hi.

Hosea 14:2

Topaʼ lamah kihei unla, “Ka mawhna khempeuh uh hong maisak inla, kong thumna uh hong ngai in. Ka kampauna bangun kong gamta ding uh hi.

Amos 1:11

Topa in hih bangin ci hi: Edom mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in a sanggam uh Israel-te namsau tawh delh uh a, hehpihna lungsim nei lo uh hi. A hehna uh damsak ngei lo uh a, a tawntungin heh niloh uh hi.

Thukhente 10:16

Tua ahih ciangin amaute in amauʼ lak panin gamdang pasian-te koih khia-in Topa a bia uh hi. Tua ahih ciangin Israel-teʼ gentheihna ah amah a dah hi.

Late 65:4

Nangma inn ah a om dingin na teel na lakte mi nuamsa ahi hi. Nangma biakinn siangtho, na inn sunga hoihna tawh kote ka lungkim ding uh hi.

Isaiah 38:17

Gimna lianpi ka thuakna pen keima lungnopna hong suak ding hi. Lauhuaina khempeuh panin kei nong hon khia a, ka mawhna khempeuh na hong maisak hi.

Ezekiel 33:16

Ama gamtatna sa mawhnate kimaisak ding hi. A man a hoihin amah gamta ahih manin nungta ding hi.

Hosea 14:5

Gam keuna mun a guahzu bangin Israel mite tungah nuntakna guah ka hi ding hi. Paak bangin amaute palh ding uh a, Lebanon gam a singkungte bangin zung thuk khakin a kip ding uh hi.