Micah 7:15 - Tedim Bible Revision 2017

¹⁵ Egypt gam pan na paikhiat hun lai uh bangin, amau adingin a lamdang nate ka bawl ding hi.

Tedim Bible

¹⁵ Izipt gam pan na paikhiat hun lai uh mah bangin, amau’ adingin a lamdang nate ka bawl ding hi.

Micah 7:15 Referans Kwoze

Paikhiatna 3:20

Tua ahih ciangin keimah in ka khut zanin nalamdangte tawh Egypt ka vat gawp ding hi.

Isaiah 51:9

Khanglo in, khanglo in; thakhauh in, Topa aw. Khang sawtpi, hun lui lai-a bangin na vangliatna zangin hong huh in. Rahab a satzan gawp pa, gulpi a sun pa, nangmah hi lo na hi hiam?

Isaiah 11:16

Egypt gam panin Israel-te hong pai toh ciangin amau adingin lam lianpi khat a om mah bangin, ama mi a omlaite adingin Assiria gam panin zong lam lianpi khat om ding hi.

Late 68:22

Topa in hih bangin ci hi: “Note in sisan sungah na khe uh silin, na uite un galteʼ sisan a liak theih nadingin Bashan mual panin galte la khiakikin, tuipi thuk sung panin ka kai khiakik ding hi,” a ci hi.

Paikhiatna 34:10

Topa in Moses kiangah, “En in, keimah in thuciamna khat ka bawl hi. Nangma mi khempeuhʼ muhna ah, leitung khempeuh hitaleh minam khatpeuh sungah hitaleh cikmahin tua bang a kibawl ngei lo nalamdangte ka bawl dinga, noteʼ lakah a om mite khempeuh in Topaʼ nasepna mu ding uh hi. Bang hang hiam cih leh noteʼ tungah kong bawl ding na pen a kihtakhuai thu ahi hi.

Isaiah 51:10

Tuipi, tui thukpite a keusak, a kihon khia miteʼ kantan dingin tui thukpite lampi-in a bawlpa nangmah hi lo na hi hiam?