Micah 7:11 - Tedim Bible Revision 2017

¹¹ Jerusalem khua mite aw, na khuapi kulh uh a kiciankik ding hun hong tung dinga, tua hun ciangin na gamgi uh nakpi takin kikhan ding hi.

Tedim Bible

¹¹ Jerusalem khuamite aw, na khuapi kulh uh a kician’ kik ding hun hong tung ding a, tua hun ciangin na gamgi uh nakpi takin kikhan’ ding hi.

Micah 7:11 Referans Kwoze

Nehemiah 2:8

le biakinn hutna ding mun muanhuai kongpi ding, khuapi kulh ding le ka om nading inn lam nadingin sing hong piak theih nadingin kumpipaʼ tulak a kem Asafʼ tungah piak ding laikhak zong, kei tungah hong pia in,” ka ci hi. A dik ka Pasian in kei hong ompih ahih manin kumpipa in ka ngette hong pia hi.

Isaiah 54:11

“Gimna a thuak, huihpiʼ nawk gawp, hehnepna a ngah lo khuapi aw, en in, na suangte, suangvui hoih tawh ka ciang dinga, na bulpite suangmanpha tawh ka hih ding hi.

Nehemiah 4:6

Tua ahih ciangin kulh ka ciang uh a, nasep a kimciang bang kizo hi. Mite in utna lungsim tawh sem uh hi.

Nehemiah 4:3

Ama kiangah a om Ammon mi Tobiah in, “Amaute in bangbang ciang taleh amauʼ kulh cian tungah ngia khat kah leh kicim lel ding hi,” ci hi.

Nehemiah 2:17

Tua ciangin amaute kiangah, “I lungkhamna thu na thei uh hi. Jerusalem a siasa-in omin, a kongpite mei in kaang tum hi. Hong pai un, zahkona i ngah nawn loh nadingin Jerusalem kulh ciang pha ni,” ka ci hi.

Daniel 9:25

Hih thu ciamteh inla thei in: Jerusalem lamkikna ding thu a kipiak hun a kipan sathau kinilh pa hong pai dong kum sagih mun sagih sung hi ding hi. Jerusalem kongzing lampi nei le kulhpi nei-in kilamkik dinga, kum sawm guk le nih mun sagih sung kip dinga, ahih hangin buai hunsung ahi ding hi.

Isaiah 54:2

Na bukmun khan inla, na teenna puanbukte kizalsak in. Cil bawl kei in. Na khaute sausak inla, na khetphimte khenkip in.

Isaiah 58:12

Tanglai-in a kisia na munte uh na lamkik ding uh a, khang tampi sung a kisia bulpite na ding tosakkik ding uh hi. Note pen a sia a puahkik, ten nadingin mun siate a ngei a bangsakkikte hong kici ding hi.

Isaiah 61:4

Amaute in tanglai-a a sia sate, lamphakik ding uh a, a kisia-mai sate ding kiksak ding uh hi. Amaute in khang tampi sung a kisia-mai sa khuapite puahkik ding uh hi.