Micah 7:10 - Tedim Bible Revision 2017

¹⁰ Tua hun ciangin ka galte in hih thu hong mu ding uh a, “Na Topa Pasian, koi ah om ahi hiam?” ci-in a hong tawng ka galte a maizum ding uh hi. Amaute guallel ding uh a, kongzing buannawng bangin a kisik gawp mu-in, kei ka nuam ding hi.

Tedim Bible

¹⁰ Tua hun ciangin ka galte in hih thu mu ding uh a, “Na Topa Pasian koi-ah om hiam? ci-in hong tawng ka galte maizum ding uh hi. Amaute guallel ding a, kongzing buan bangin a kisik gawp mu-in kei ka nuam ding hi.

Micah 7:10 Referans Kwoze

Zekhariah 10:5

Kongzing buannawng lakah a galte uh a tuancil gawp galkapte bangin amaute gualzo ding uh a, Topa in a ompih manin amaute in gal a sim uh ciangin a galteʼ sakol galkapte zo gawp ding uh hi.

Late 42:10

Ka langte in kei tungah, “Na Pasian koi ah om ahi hiam?” hong cihcih sungteng, ka sungah meima nai tawm bangin hong tum ngangngang hi.

Mangmuhna 18:20

Vantung aw, ama siatna hangin lungdam in. Mi siangthote, sawltakte le kamsangte aw, note tungah hong gamtatna hangin Pasian in ama tungah thukhenna pia khinta ahih manin lungdam ta un,” a ci uh hi.

Joel 2:17

Topaʼ na a sem siampite, biakinn sung innliim le biakna tau kikalah kapin thu ngen uh henla, “Topa aw, na mite hong hehpih in. Minam dangte in, ‘Na Pasian uh koi ah om ahi hiam,’ ci-in kote hong simmawhsak kei in. Amauteʼ nuihsatin kote hong omsak kei in,” ci uh hen.

Late 35:26

Keiʼ kamsiatna ah a lungdamte maizumsak inla, zahhuai gawpsak in! Kei tungah a hong kiliansakte maizumna le mindaina thuaksak in!

Late 18:42

Huihpi mai ah leivui bangin amaute ka satvui a, kongzing buante bangin amaute ka lawn khia hi.

2 SAMUEL NIHNA 22:43

“Leivui bangin amaute ka satvui a, kongzing buante bangin amaute tuan khamin ka sikcip suk hi.

Micah 4:11

Note a hong sim dingin minam tampi hong kikhawm uh hi. Amaute in, “Jerusalem kisusia dinga, i mit in hih khuapi a siasa-in mu ding hi,” a ci uh hi.

Jeremiah 51:51

Note in, ‘Kote in maizumna ka thuak uh a, simmawhna kam ka za khin uh hi. Min siatna in ka maitang uh hong tuam khin hi. Bang hang hiam cih leh Topaʼ biakinn siangtho gamdang mite in a hong laksak uh hi,’ na ci uh hi.

Late 79:10

“Amauteʼ Pasian koi ah om ahi hiam?” minam dangte in a cih ding kilawm ding ahi hiam? Na nasemteʼ sisan luang khia a phulakna pen, minam dangteʼ lak, komauʼ muhna ah kitheisak in.

Mattiu 27:43

Amah in, ‘Kei, Pasianʼ Tapa ka hi hi,’ ci ahih manin, amah in Pasian muanin a nei hi. Pasian in a hot nop leh tu-in hon khia tahen,” a ci uh hi.

Malakhi 4:3

Keimah in na kong sep ni ciangin note in migilote nuaisiahin leivui bangin na tuancil ding uh hi.

Malakhi 1:5

Noteʼ mit mahmah tawh hih thupiang na mu ding uh a, “Israel gam pualam nangawn ah Topa in vangliatna nei hi,” na ci ding uh hi.

Obadiah 1:10

Bang hang hiam cih leh na sanggampa Jakob bawlsia-in na thahna hangin maizumna in nang hong khuh dinga, na khantawnin na mangthang ding hi.

Daniel 3:15

Tua ahih ciangin tu-in peengkulte, tamngaite, laiza lasakna gingte, harp lasakna gingte, gawsem le tum theih dang a gingte na zak khit phet uh ciangin kunin milim na bia ding uh hi. Na biak kei uh leh thakhatin mei phualpi sungah hong kikhul ding ahih ciangin a hong hon khia zo ding pasian omin um na hi uh hiam?” a ci hi.

Jeremiah 51:24

“Topa in kong cih in ah, Babylon khua le Khaldea gamah a teengte khempeuh in Zion khua ah siatna a bawl manun noteʼ muhna ah ka thuk ding hi.

Late 115:2

Bang hangin minam dangte in, “Amauteʼ Pasian koi ah om ahi hiam?” ci laizang ding ahi uh hiam?

Late 109:29

Kei hong mawhsakte in mindaina silh uh henla, puanza silh bangin amauʼ maizumna tawh kituamcip ta uh hen.

Late 58:10

Heh thukna a muh ciangin thuman mipa lungdam dinga, migiloteʼ sisan sungah amah in a khete sil ding hi.

Late 42:3

Mite in keima tungah, “Na Pasian koi ah om ahi hiam?” hong cihcih sungteng, sun le zanin ka khitui an-in ka ne hi.

Ezekiel 7:18

Amaute in dahna limin puanhampi silh ding uh a, pumlin gawp ding uh hi. A sam uh kimettolsak dinga, a mindai ding uh hi.

Isaiah 41:25

Leilu lam gam panin mi khat ka hanthawn a, amah hong kuan khin hi. Nisuahna lam panin amah in ka min hong lo ding hi. Beelseek pa in buan a cil bang, sum sunga a kisu gawp bangin, amah in gam ukte tuancil gawp ding hi.

Obadiah 1:12

Na sanggamte uh a tuahsiat ni-in mu nuam dah hoh un. Judah mite a kisiat ni-in lungdamin nuam kei un. A kisiat ni-in lungdam kei un. A cihmawh ni-in nuihsan kei un.

Micah 7:8

Ka galte aw, kei tungah lungdam kei un. Ka puk hangin ka thokik veve ding hi. Khuamial sungah ka om hangin Topa in khuavak hong pia ding hi.

Joshua 7:9

Bang hang hiam cih leh Kanaan mite le hih gam a teeng mi khempeuh in hih thu za ding uh a, kote hong umcihin leitung panin kote hong phiat khia mang ding uh hi. Tua ciangin a lian mahmah nangma min bang cih ding na hi hiam?” a ci hi.

Late 92:12

Nisuh kung bangin thuman mi palh a, Lebanon mual tunga om taamtak kung bangin a khang hi.

Isaiah 26:11

Topa aw, amaute gim na piak ding lamtak na galte in thei lo uh hi. Amaute maizumna thuaksak inla, amaute adingin na geel sa gimnate amaute thuaksak in. Na mite na itna thu na galte tungah kilangsak in.

Jeremiah 49:15

Bang hang hiam cih leh keimah in gamdangte sangin nang hong neusak zaw-in mite kong simmawhsak ding hi.

Zefaniah 3:15

Topa in na galte hong phiatkhiatsak khin a, hong langpang khempeuh hong hawl khiatsak khin hi. Topa ahi Israel kumpipa nang tawh hong om a, na launa ding bangmah om nawn lo hi.