Micah 6:9 - Tedim Bible Revision 2017

⁹ Topa, zahtak ding kilawm hi. Khua sungah amah hong kiko a, “Ngai un, khuapi sungah a hong kikhawm mite aw.

Tedim Bible

⁹ Khuapi lamah Topa kiko hi; mipil in ama min a zahtak ding ahi hi: Aw, minamte leh khuapi-a kikhawm mite in za un!

Micah 6:9 Referans Kwoze

Mangmuhna 3:19

Ka it mite thuhilhin ka taii hi. Tua ahih manin lungsim tak tawh na mawhna panun kisikkik un.

Zefaniah 3:2

Topaʼ thu ngai nuam lo a, a thuhilhna sang nuam lo hi. Topa muang nuam lo a, a Pasian naih nuam lo hi.

Hosea 14:9

Mipil, thu ngaihsun theite in hih thute thei telin limtakin ciamteh tahen. Topaʼ lampi tang mahmah a, a thutang mite in tua lampi a tawn uh hi. Mawhneite in tua lampi tawn lo ahih manin a puk uh hi.

Isaiah 30:27

En un, Topa’ vangliatna le a minthanna vang, gamlapi panin kimu thei hi. Meikuang le meikhu in ama hehna hong kilangsak a, ama kampaunate, mei bangin a kuang hi.

Micah 3:12

Tua ahih manin noteʼ hangin lo khawh bangin Zion kikho-in, Jerusalem, nin kipaihna phualpi hong suak dinga, biakinn omna mual, gamlak a suak ding hi.

Amos 6:1

Israel minamte in muanin a hong neih, i minam lakah ulian ahi, Zion ah nuam takin a om hithiat, Samaria ah lungmuang takin a om note adingin zumhuai mahmah hi.

Amos 2:5

Tua ahih ciangin Judah gam sungteng ka kaang tumsak dinga, Jerusalem mun muanhuai teng a kaang tum ding hi.

Hosea 13:16

Israel-te in a Pasian uh lehdo uh ahih manin a mawhna uh thuak ding uh hi. Gal sungah amaute si ding uh a, a naungekte uh lei kidenna dinga, a nupi naupaiite uh kikui kham ding hi, a ci hi.

Jeremiah 26:18

“Judah kumpipa Hezekiah in a uk laitakin Moresheth khuami Mikah in Judah mi khempeuhteʼ kiangah, ‘Lo dingin Zion mual a kikho ding hi. Jerusalem khua kisia zan dinga, biakinn mual, gamlak a suak ding hi, ci-in Vanglian Topa in gen hi,’ ci hi.

Jeremiah 26:6

hih Jerusalem biakinnpi Shiloh khua-a biakinn ka bawl bangin ka bawl dinga, hih khuapi pen leitung gam khempeuhteʼ kihamsiatna-in ka zangsak ding hi,’ na ci ding hi,” a ci hi.

Isaiah 66:6

Ngai un, khuapi sunga gamlumna! Biakinn sunga awging! Topa in a galte gim a piakna huging ahi hi.

Isaiah 27:10

Bang hang hiam cih leh a muanhuai khuapi pen gamlak bangin amah guakin omin, miʼ teenna mun pen kitaisanin kinusia hi. Tua lai ah bawng no gamta-in lum a, sing hiangte a kheuh hi.

Isaiah 26:11

Topa aw, amaute gim na piak ding lamtak na galte in thei lo uh hi. Amaute maizumna thuaksak inla, amaute adingin na geel sa gimnate amaute thuaksak in. Na mite na itna thu na galte tungah kilangsak in.

Isaiah 9:13

Amaute a sat paʼ lamah Israel mite kihei lo a, Vanglian Topa zong lo uh hi.

Paunak 22:3

Mipilte in a lauhuai thu mu thei-in pelh uh a, mi mawkmawkte in phusuakin thuak uh hi.

Late 107:43

A pil peuhmah in hih thute don henla, Topaʼ itna kip lung ngaingai tahen.

Late 83:18

Topa a kici min nei nangmah bek leitung khempeuh ah a Sangpen pa na hihna amaute theisak in.

Late 48:10

Pasian aw, na min in leimong dong a zelh bangin, nangmah hong kiphatna in zong a zel hi. Na taklam khut gualzawhna tawh a kidim hi.

Late 9:16

Topa in thu hong khenin migilote amauʼ nasepna mahah awksakna tawh amah hong kilang hi.

JOB (Job) 10:2

Pasian kiangah hih bangin ka ci ding hi: Kei hong mawhsak kei in. Kei nong langpanna thu hong gen in.

JOB (Job) 5:17

“Pasian in a taii mite mi nuamsa hizaw ahih manin, Vanglian paʼ taiina thupi san in.

2 SAMUEL NIHNA 21:1

Tu-in kum khat khit kum khat, Davidʼ hun sungin kum thum sung kialpi tung hi. Tua ciangin David in Topaʼ kiangah thu dong hi. Topa in, “Amah in Gibeon mite that ahih manin Saul le a innkuan tungah mi thahna hanga mawhna om hi,” a ci hi.

Jeremiah 47:7

Topa in ka sawl nakleh bangci-in khawl dide thei ding ahi hiam? Ashkelon khua le tuipi geiteng a sim dingin ka sawl sa ahi hi,” a hong ci hi.

Micah 6:8

Mun khempeuh ah a om no mihingte aw, Topa in a hoih nate hong gen khinzo hi. Topa in note tung panin hong kalh thu in: Thuman thutang sem dinga, itna kip nei tawntungin, kiniamkhiatna tawh Pasianʼ thu man ding ahi hi.

Micah 6:10

Thuman lopi-in a ngah uh, migiloteʼ inn sunga van omte, keima deih loh tawitehna man lo zatnate, mangngilh thei ding ka hi hiam?

JOB (Job) 23:14

Tua ahih manin kei adingin a geel sate tungsak ding hi. Amah in hih bangin geelna tampi tak a nei ahi hi.

Ezekiel 7:9

Note kong zah kei dinga, zong kong khasiat kei ding hi. A muhdahhuai na gamtatna sate uh hangin gim a hong pia ding ka hi hi. Tua ciangin Topa ka hihna le note tungah gim a hong pia pa ka hihna na thei ding uh hi.