Micah 6:8 - Tedim Bible Revision 2017

⁸ Mun khempeuh ah a om no mihingte aw, Topa in a hoih nate hong gen khinzo hi. Topa in note tung panin hong kalh thu in: Thuman thutang sem dinga, itna kip nei tawntungin, kiniamkhiatna tawh Pasianʼ thu man ding ahi hi.

Tedim Bible

⁸ Mun khempeuh-a om no mihingte aw, Topa in a hoih nate hong gen khin zo hi. Topa in note tung panin hong kalh nate in: thuman thute sem ding a, itna kip nei tawntungin, kiniamkhiatna tawh Pasian’ thu man’ ding ahi hi.

Micah 6:8 Referans Kwoze

Paunak 21:3

Topa in biakpiakna sangin thuman thutang deih zaw hi.

Kolose 3:12

Pasian in note hong itin, hong teelin, ama mi siangthote hi khin na hih manun note pen hehpihna nei-in, migi-in, kiniamkhiatin, dikin, na lungduai ding uh ahi hi.

Jeremiah 22:3

Topa in a cih in ah, thumanin dik tat unla, a bawlsiateʼ khut sung panin bawlsiatna a thuak mite hon khia un. Minam dangte, pa nei lote le meigongte simmawh bawl kha loin amauʼ tungah ngongtat kei unla, hih munah zong mawhna nei lo mite that kei un.

Hosea 6:6

Keima deih pen nong it tawntung ding uh hizaw a, gan tawh nong biakna uh ka deih pen hi lo zaw hi. Gan tawh nong biakna uh sangin kei nong theih ding uh ka deih zaw hi.

1 SAMUEL MASA 15:22

Tua ciangin Samuel in, “Topa in meihal biaknate le biakpiaknate Topaʼ thu man ding zahin deih ahi hiam? En in, biakpiakna sangin thu man ding hoih zaw a, tuutal thaute sangin thu ngaih ding hoih zaw hi.

Isaiah 66:2

Hih nate khempeuh keima bawl sa ahih manin hih nate khempeuh keima-aʼ ahi hi, Topa in ci hi. Ahih hangin kiniamkhiatin, lungsim a kitamzan mipa, keima thu ah lau-in a liing kelkel pa, keima deih mipa ahi hi.

1 PETER MASA 3:8

A tawpna ah kong gen nop thu in: Lungsim le ngaihsutna kikhat nei-in unau ki-itna lungsim nei unla, migi-in kiniamkhiat un.

Luka 6:36

Tua ahih manin na Pa un hehpihna a neih bangin note in zong hehpihna lungsim nei ta un.

Luka 11:42

“No Farisi mite in gimna na thuak ding uh hi. Note in Pasian tungah lengmasel, thuambuak a kipan anteh theipuam dongin sawm-ah-khat pia napi-in, mite tungah thuman ding le Pasian it ding na don kha kei uh hi. Hihte khempeuh na hih kim ding uh hi a, paih khiatna neih ding uh hi lo hi.

Amos 5:24

Thutang, tui bangin luang khiasak unla, thuman, a kang ngei lo tui bangin luangsak un.

Mattiu 5:7

Midang a hehpih mite tungah Pasian in hehpihna pia ding ahih manin thupha ngah mi ahi uh hi.

Efesa 4:32

khatlekhat kihehpihin, lungsim nem tawh na kiho zaw unla, Khrisʼ hangin Pasian in noteʼ mawhna hong maisak mah bangin khatlekhat na mawhna uh na kimaisak ta un.

Piancilna 18:19

Im kei ning. Bang hang hiam cih leh Topa in Abrahamʼ tunga a ciam sa thu a tunsak theih nadingin ama khit a a tate le a innkuanpihte in thuman le thutangin nasepna tawh Topaʼ thupiakte a zuih theih nadingun a hilh dingin amah ka teel khin hi,” a ci hi.

Thuhilh-sia 12:13

Hih thute khempeuh banah gen ding thu khat bek om hi. Mihing hong kipiansakna a thu bulpi pen in: Pasian zahtakna le a thupiakte manna ahi hi.

Hosea 12:6

Pasianʼ huhna tawh note khempeuh kiheikik unla, thuman thutangin gamta un. Pasian muang tawntung un.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahi pa in hih bangin ci hi: “Kei pen a sangna mun le a siangtho munah ka om a, a kiniamkhiat miteʼ lungsim le a kisik miteʼ lungsim a thakhauhsakkik dingin kisikna le kiniamkhiatna lungsim a neite tawh zong kei ka om khawm hi.

Mattiu 5:3

“Kha thu lamah zawngkhal a kisate sungah vantung ki-ukna thu om ahih manin thupha ngah mi ahi uh hi.

Zefaniah 2:3

Kiniamkhiatin, Topaʼ thupiakna a mang Judah gam mi khempeuh aw, Topaʼ kiang zuan un. A manin gamta unla, kiniamkhiat un. Tua hileh Topaʼ hehna hong kilat ciangin, tua hehna hangin gimna panin na peng kha thei ding uh hi.

Daniel 4:37

Tu-in keimah Nebukhadnezzar in Vantung Kumpipa phatin, zahtakin a min ka thangsak hi. Ama bawlna khempeuh a man hi. Amah a tawntungin thuman a, a kiphasakin a gamtate a neusak hi,” a ci hi.

Late 37:26

Amah in mi citpiak ngitngetin, mi tungah leitawi pia khia a, a suanlekhakte zong thupha ngah mi a suak hi.

Nehemiah 9:13

Sinai Mual tungah kum sukin, vantung panin amaute hopihin, amaute tungah a man thukhenna, thukham taktak, a hoih ngeinate le thupiaknate na pia a,

Late 112:4

Lungsim thutangte adingin khuamial sung panin khuavak hong taang khia hi. Topa dik a, hehpihna nei-in, amah thuman hi.

Kah la 3:26

Tua ahih ciangin thuak zawhna tawh ngak kenkan zo lehang a hoih pen ahi hi. A hong hotkhiat ding amah ngak ni.

Late 112:9

Amah in hawm khia zuahzuah a, mizawngte tungah a pia khia hi. Ama migitna kip tawntung a, amah vanglianin kipahtawi ding hi.

Late 73:28

Ahih hangin kei adingin Pasianʼ kiangah om ding a hoih ahi hi. Na sepnate khempeuh ka gen theih nadingin Topa Pasian kong bel hi.

2 KHANG TANGTHU NIHNATE 34:27

hih mun le a tunga teengte langpanna ama kammal na zak ciangin na lungsim kisikin Pasianʼ mai ah na kiniamkhiat a, keima mai ah nang kiniamkhiatin na puante bal kekin ka mai ah kap na hih manin, kei zong nang kong za hi, Topa in ci hi.

Jeim 2:20

Lawmte aw, gamtatna in a zui lo upna pen a hawmpi ahihna thu kong lak ding hi.

ROM (Romans) 7:16

Ka hih nop loh teng ka hih veve ciangin Thukham a deihhuai khat hi, ci-in ka ngaihsutna hong langsak hi.

2 KHANG TANGTHU NIHNATE 32:26

Ahi zongin a nung ciangin Hezekiah a lungsim kiphatsakna thu ah amah le Jerusalem-a teeng mite tawh kiniamkhiat uh ahih manin amauteʼ tungah Topaʼ hehna hong tung lo hi.

1 SAMUEL MASA 12:23

Tua tham loin kei zong, note adingin Topaʼ tungah thunget lohna tawh ka na khial het kei dinga, keimah in a hoih a man lampite note kong hilh ding hi.

ROM (Romans) 9:20

Lawmte aw, ahi zongin kua in Pasianʼ thu nial ngam ding na hi uh hiam? Beel in amah a seek pa kiangah, “Bang hangin tua bangin hong seek na hi hiam?” ci ngei lo hi.

Luka 10:42

Ahi zongin a kisam taktak khat bek om a, Mary in tua a kisam na pen a semsem ahih manin, a nasep kikhawlsak lo ding hi,” ci-in a dawng hi.

Ezekiel 16:63

Na gamtatna sa khempeuh kong maisak khit ciangin na gamtatna sa khempeuh na phawkkik dinga, maizum lua-in cih nading mel thei loin na om ding hi, Topa Pasian in ci hi,” a hong ci hi.

2 KHANG TANGTHU NIHNATE 33:23

A pa Manasseh a kiniamkhiat bangin Topaʼ mai ah amah kiniamkhiat lo a, hih Amon in mawhna tam piangsak semsem hi.

2 THESALONIKA NIHNA 2:16

I Topa Jesu Khris mahmah leh, eite hong itin, a hong hehpihna tawh thakhauhna le lametna a hong pia tawntung eiteʼ Pa Pasian in

Piancilna 5:22

Methuselahʼ suah khit ciangin kum za thum sung Enok le Pasian kikhawl a, tanu le tapa dang nei lai hi.

2 KHANG TANGTHU NIHNATE 33:19

Tua ciangin ama thungetna le ama kutna Pasian in a sanna le ama khialhna le a cihtak lohna khempeuh le amah a kiniamkhiat ma-in mual dawna biakpiaknate bawlin Asherah-te le milim dangte a koihna munte thu, Thumuteʼ Khang Tangthu sungah kigelh hi.

1 KORIN MASA 7:16

Thu um zi in, “Ka pasal hon khia zo kei ning,” bangci-in cithei dinga, thu um pasal in, “Ka zi hon khia zo kei ning,” bangci-in cithei zenzen ding ahi hiam?

2 KHANG TANGTHU NIHNATE 30:11

Asher mi, Manasseh le Zebulun mi tawm khat bek kiniamkhiatin Jerusalem ah hong pai uh hi.

Luka 12:14

Ahi zongin Jesu in a mipa kiangah, “No unauʼ gamh a hawm dingin kua in kei hong seh ahi hiam?” ci-in a dawng hi.

Thu-hilhkikna 30:15

“Tu ni-in na teel dingun noteʼ mai ah nuntakna le a hoih na, sihna le siatna ka koih khinzo hi.

Isaiah 56:1

Topa in hih bangin ci hi: “A sawt loin note ka hong hon khia dinga, hong khah khia ding ka hih manin thutang thumanin gamta un.

Ezekiel 33:14

Migilo khat kiangah, na si taktak ding hi, ci-in ka hilhkholh hangin, a mawh gamtatna khawlin a man a hoihin hong gamtakik henla,

Micah 6:9

Topa, zahtak ding kilawm hi. Khua sungah amah hong kiko a, “Ngai un, khuapi sungah a hong kikhawm mite aw.

Zekhariah 7:9

“Note in thu a tangin khenin, khatlekhat tungah itna le hehpihna kilakin,

Thu-hilhkikna 27:10

Tua ahih ciangin Topa noteʼ Pasianʼ thu mangin, tu ni-a kong gen uh ama thupiaknate le ama thukhamte na zui ding uh hi,” a ci uh hi.

Joshua 24:14

“Tua ahih ciangin tu-in Topa zahtak unla, lungsim tak le thumanna tawh ama na sem un. Na pu na pate un Gun gal le Egypt gam sungah a biak uh pasian-te koih khia unla, Topaʼ na sem un.

Late 101:1

Keima la pen thumanna le thutanna la ahi hi. Nang ka hong sak ding hi; Topa aw, kong sak ding hi.

Jeremiah 9:23

Tua ciangin Topa in, “Mipilte in a pilna uh kisaktheih pih kei uh henla, mihatte in a hatna uh kisaktheih pih kei uh hen. Mihaute in zong a hauhna uh kisaktheih pih kei uh hen.

Jeremiah 22:16

Amah in mizawngte le mi cimawhte thuman tawh thu khen a, na khempeuh a hoih a suak pah hi. Tu-a banga hihna pen kei nong theihna uh hi lo ahi hiam, Topa in kong ci hi.