Micah 6:7 - Tedim Bible Revision 2017

⁷ Topa kiangah tuu a tultulin va puakin, gun tui bangin sathau va luangsak leng, tuate tawh amah lungdam ding ahi hiam? Ka mawhnate maisak nadingin ka ta upa pen tawh va bia ding ka hi hiam?

Tedim Bible

⁷ Topa kiangah, tuu a tul tulin va puakin, gun tui bangin sathau va luangsak leng, tuate tawh amah lungdam ding ahi hiam? Ka mawhnate maisak nadingin ka ta upa pen tawh va bia ding ka hi hiam?

Micah 6:7 Referans Kwoze

2 KUMPI NIHNATE 16:3

Israel kumpi dangteʼ khekhap mah zui hi. Topa in Israel miteʼ mai ah a hawlkhiat minamteʼ zat a kihhuai a gamtatte mah uh bangin biakna-in ama tapa nangawn a hal hi.

Late 51:16

Bang hang hiam cih leh ganhing tawh biakna na deih kei hi. Meihal biakna hong pia hi taleng zong, na lungdam kei ding hi.

1 SAMUEL MASA 15:22

Tua ciangin Samuel in, “Topa in meihal biaknate le biakpiaknate Topaʼ thu man ding zahin deih ahi hiam? En in, biakpiakna sangin thu man ding hoih zaw a, tuutal thaute sangin thu ngaih ding hoih zaw hi.

Hosea 6:6

Keima deih pen nong it tawntung ding uh hizaw a, gan tawh nong biakna uh ka deih pen hi lo zaw hi. Gan tawh nong biakna uh sangin kei nong theih ding uh ka deih zaw hi.

Jeremiah 7:31

Hinnom Kuam ah a tapate a tanute uh mei sungah a hal lupna ding uh Tofeth a kici biakna tau khat a bawl uh hi. Tua pen keiʼ sawl lah hi loin, zong ka ngaihsun kha ngei beek kei hi.

Late 50:9

Ahi zongin na inn pan uh a bawngtal hitaleh na ganbuk pan uh a keeltal hitaleh ka hong sang kei ding hi.

2 KUMPI NIHNATE 23:10

Tua ciangin kuamah in Molek pasian tungah a tanu ahi a, a tapa ahi zongin biakna-in a hal theih nawn loh nadingin Hinnom Kuam sunga om Tofeth kici milim biakna mun a susia hi.

2 KUMPI NIHNATE 21:6

Tua ciangin amah in biakna-in a tapa hal a, aisanna le mailam thugen kholhnate semin, vankah theite le aisante tawh nasem khawm hi. Topaʼ muhna ah amah a sia tampi gamta a, amah hehsak hi.

2 KUMPI NIHNATE 3:27

Tua ciangin amah in ama tangin a uk ding a ta upa pen la-in kulh tungah meihal biakna-in a pia hi. Israel mite in tua bangin a gamtatna a muh uh ciangin a lungsim uh su kha mahmah a, amauʼ kiang panin nungkikin a gamah a ciahkik uh hi.

Isaiah 40:16

I Topa biak nadingin Lebanon sing kicing lo dinga, a ganhingte zong meihal biak nadingin kicing lo ding hi.

Siampi Laibu 18:21

Nangmah in Molek tungah meihal biakna-a piak dingin na tate khat peuhpeuh na pia kei dinga, tua bangin na Pasianʼ min na daisak kei ding hi; keimah pen Topa ka hi hi.

Filemon 1:12

Keima pumpi zahin ngaihsutna tawh nang kiangah amah ka hong puakkik hi.

Amos 5:22

Meihal biakna le an tawh biakna nong paipih uh hangin tuate kong sang kei ding hi. Thunuam a biakpiak nadingin na hong paipih uh a thau mahmah ganhingte zong et-in ka nei vet kei ding hi.

Ezekiel 23:37

Amaute in milim biakna tawh nulepa mawhna bawlin mi zong that lai uh hi. Milimte tawh mawhna gamta-in, kei tawh a neih a tapate uh that uh hi. A tapate uh milim biakna-in go uh hi.

Jeremiah 19:5

ka thupiak ahi lo, ka ngaihsut khak beek zong ahi lo, a tate uh meihal biakna tawh Baal biak nadingin Baal biakna tausangte a lam khinzo uh hi.

JOB (Job) 29:6

Ka bawngte le ka keelte in nawi deih zahzah hong pia uh a, suang tam penna nangawn ah ka oliv kungte hoih mahmah hi.

Thukhente 11:39

Kha nih a cin ciangin a pa kiangah amah ciahkik a, amah in ama bawl sa a thuciamna bangin a tanu tungah hih hi. Tua nu pen pasal tawh a lum khawm nai lo, nungakin khansih hi. Tua ciangin Israel-te sungah ngeina khat suak a,

Thukhente 11:31

Ammon mite kiang panin gualzo-in ka ciah ciangin keimah a dawn dingin ka inn sung pan a hong pai peuhpeuh Topa aʼ hi dinga, meihal biak nadingin kong pia ding hi,” a ci hi.

Siampi Laibu 20:1

Topa in Moses kiangah,

Paunak 15:8

Topa in migiloteʼ biakpiakna kihhuai sa a, thuman miteʼ thungetna ah lungdam hi.

Paunak 21:3

Topa in biakpiakna sangin thuman thutang deih zaw hi.

Isaiah 1:1

Judah gam kumpi ahi Uzziah, Jotham, Ahaz le Hezekiah-teʼ hun lai-in Amozʼ tapa Isaiah in Judah gam le Jerusalem khua tawh kisai a maangmuhnate:

Hosea 5:6

Topa tungah biakna-in piak dingin a tuute uh le a bawngte uh paipih ding uh a, ahi zongin a mawkna suak ding hi. Topa in amaute nusia khin ahih manin amah mu zo lo ding uh hi.

Late 51:18

Na lungkimna pha tawh Zion tungah a pha bawl inla, Jerusalem kulhpite ciangkik ta in.

Jeremiah 6:20

Bang deihna tawh Sheba gam panin paknamtuite hong pai a, gamlapi panin sing namtuite hong tung ahi hiam? Na meihal biaknate uh ka sang thei kei a, nong biaknate uh deihhuai ka sa kei hi.