Micah 6:6 - Tedim Bible Revision 2017

⁶ Vantung Pasian, Topa biak nadingin bang va keng ding ka hi hiam? Amah biakna-in hal dingin bawng no thaute va paipih ding ka hi hiam?

Tedim Bible

⁶ Vantung Pasian ahi Topa mai-ah bang va keng ding ka hi hiam? Amah biakna-in hal dingin kum khat a pha bawngno thaute paipih ding ka hi hiam?

Micah 6:6 Referans Kwoze

Sawltak 2:37

Amaute in hih thu a zak uh ciangin a lungsim uh nakpi takin su kha a, Peter le sawltak dangte kiangah, “Sanggamte aw, bangci gamtat ding ka hi uh hiam?” ci-in a dong uh hi.

Marka 5:7

nakpi takin kiko-in, “A Lianpen Pasianʼ Tapa Jesu aw, kei bang hong nuammawh na hi hiam? Kei, gim hong pia kei in, ci-in Pasianʼ min tawh kong thum hi,” a ci hi.

Mattiu 19:16

Khat vei, Jesu kiangah mi khat hong pai a, “Sia aw, nuntak tawntungna ka ngah nadingin bang gamtat hoih gamta ding ka hi hiam?” ci-in a hong dong hi.

Daniel 3:26

Tua ahih ciangin Nebukhadnezzar zong mei phualpi kong gei ah pai to a, “Shadrak! Meshak! Abednego! A lianpen Pasianʼ nasemte hong paikhia un,” ci-in a sam hi. Tua ciangin amaute zong thakhatin a hong paikhia pah uh hi.

Sawltak 16:30

Tua ciangin amaute pusuah pih a, “Tote aw, hotkhiatna ka ngah nadingin bangci gamtat ding ka hi hiam?” ci-in a dong hi.

Sawltak 16:17

Tua numei in Paul le kote hong zui-in, “Hih mite, A Lianpen Pasianʼ nasemte ahi uh hi. Note a hong kihotkhiat theih nading thu a hong gen uh ahi hi,” ci-in a kiko hi.

Johan 6:26

Jesu in, “A mantakin ci lehang: Ka nalamdang bawlte na muh uh ciangin kei hong umin a hong zong na hi kei uh a, an na kham takun na nek uh manin a hong zong na hi bek uh hi.

Luka 10:25

Jesu a ze-et dingin Thukham hilh siate khat hong dinga, “Sia aw, nuntak tawntungna ka ngah theih nadingin bang sem ding ka hi hiam?” ci-in a dong hi.

Daniel 5:21

Mihingte lak panin amah kihawl khia a, ganhing lungsim a nei hi. Gam sakolte tawh teeng khawmin, bawngtal bangin lopa ne a, daitui dal ding nei loin a pua lamah a lum hi. A tawpkhakna ah a Lianpen Pasian in mihingteʼ kumpi gamte uk a, a teel peuhpeuh kumpi suak hi, ci-in a phawk thei hi.

Daniel 5:18

A Lianpen Pasian in na pa Nebukhadnezzar kumpi lianin koih a, zahtakna le vangliatna a pia hi.

Daniel 4:9

Ama kiangah, aisan theite lak a a lian pen Belteshazzar aw, Pasianʼ kha na sungah om ahih manin thuthuk khempeuh na theihtheih lam ka thei hi. Hih ka mang a khiatna hong gen in, ka ci hi.

Late 95:6

Hong pai un, amah bia-in kun ni. Eite hong Bawl Topaʼ mai ah khukdin ni.

Late 22:29

Hi hi, a kiphasak mi khempeuh ama mai ah kun suk ding uh a, a si thei mihing khempeuh ama mai ah kun ding uh hi.

2 SAMUEL NIHNA 21:3

Tua ciangin David in Gibeon mite kiangah, “Note adingin bang hong hihsak ding ka hi hiam? Note in Topaʼ mite thupha na piak theih nadingun bangci bangin kilemna hong bawl ding ka hi hiam?” a ci hi.

Paikhiatna 12:5

Na gan no uh a sitbaang lo hi dinga, kum khat a pha a pa hi ding hi. Tua pen tuu ahi a, keel ahi zongin, khat peuhpeuh hi thei ding hi.

Efesa 3:14

Hih ama geelna teng ka ngaihsut ciangin, vantung a tung khin sa mite le leitungah a om lai mite khempeuhʼ pianna i Pa Pasianʼ mai ah ka khukdin a,

Marka 12:33

Mite in a lungsim khempeuh, a pilna khempeuh le a hatna khempeuh uh tawh Pasian itin, amau pumpi a it bangin a veengte a it ding uh ahi hi. Pasian biak nadingin biakna tau tunga gan gawhnate le biakna dang khempeuh sangin hih thukham nihte zuih ding thupi zaw takpi hi,” a ci hi.

Hebru 10:11

Jew siampite nisimin a nasepna uh munah dingin a kibang biakpiakna mah pia niloh uh a, ahi zongin tua a piak uh biakpiaknate in mawhna maisak thei lo hi.

Gamlak-vakna 7:51

meihal biak nadingin bawngtalno khat, tuutal khat, kum khat a pha tuuno a pa khat;

1 SAMUEL MASA 15:22

Tua ciangin Samuel in, “Topa in meihal biaknate le biakpiaknate Topaʼ thu man ding zahin deih ahi hiam? En in, biakpiakna sangin thu man ding hoih zaw a, tuutal thaute sangin thu ngaih ding hoih zaw hi.

Late 95:2

Ama omna ah lungdamna ko-in pai ni. Phatna late, ama tungah lungdam takin sa ni.

Isaiah 40:16

I Topa biak nadingin Lebanon sing kicing lo dinga, a ganhingte zong meihal biak nadingin kicing lo ding hi.

Jeremiah 6:20

Bang deihna tawh Sheba gam panin paknamtuite hong pai a, gamlapi panin sing namtuite hong tung ahi hiam? Na meihal biaknate uh ka sang thei kei a, nong biaknate uh deihhuai ka sa kei hi.

Ezekiel 46:9

“A kiseh pawi hunte ah Topa a bia dingin a hong pai mite khempeuh pen a hong lutna kongpi zui-in kilehkik lo ding uh a, tangtakin paisuak ding uh hi. Leilu lam kongpi panin a lutte, leitaw lam kongpi ah ciah ding uh a, leitaw lam kongpi panin a lutte, leilu lam kongpi ah ciah ding uh hi.

Hosea 5:6

Topa tungah biakna-in piak dingin a tuute uh le a bawngte uh paipih ding uh a, ahi zongin a mawkna suak ding hi. Topa in amaute nusia khin ahih manin amah mu zo lo ding uh hi.

Amos 5:22

Meihal biakna le an tawh biakna nong paipih uh hangin tuate kong sang kei ding hi. Thunuam a biakpiak nadingin na hong paipih uh a thau mahmah ganhingte zong et-in ka nei vet kei ding hi.

Paikhiatna 23:15

Silngo sawh loh anlum pawi na bawl ding uh hi. Keimah in note kong thupiak bangin Abib kha sung a kiseh sa hun ciangin ni sagih sung silngo sawh loh anlum na ne ding uh hi. Bang hang hiam cih leh tua kha sungin Egypt panin note na paikhia uh hi. Khut hawmguak tawh keima mai ah kuamah hong kilak lo ding hi.

Late 116:12

Kei tunga ama thupha tampite Topaʼ tungah bangci thuk ding ka hi hiam?

Paunak 15:8

Topa in migiloteʼ biakpiakna kihhuai sa a, thuman miteʼ thungetna ah lungdam hi.

Paunak 21:3

Topa in biakpiakna sangin thuman thutang deih zaw hi.