Micah 6:3 - Tedim Bible Revision 2017

³ Topa in hih bangin thu sung a, “Ka mite aw, note bang hong cih kha ka hi hiam? Tu-in hong dawng dih un!

Tedim Bible

³ Topa in hih bangin thu sung a, “Ka mite aw, note bang hong cih kha ka hi hiam? Bang thu-ah note hong lunggimsak ka hi hiam? Tu-in hong dawng dih un!

Micah 6:3 Referans Kwoze

Jeremiah 2:5

Topa in hih bangin ci hi: “Na pute na pate uh kei kiang panin gamlapi ah pai khia-in, bangmahin a kimang lo milim peuh bia-in, amau mahmah zong bangmahin a kimang lo a suah khit nadingun kei tungah bang mawhna hong mu uh ahi hiam?

Late 81:13

Ka mite in ka thu hong ngai-in, keima deih bangin Israel a gamta hileh!

Jeremiah 2:31

No Israel mite aw, Topaʼ kammal limtakin ngai dih un. Israel-te adingin gamlak tawh kibang ngei ka hi hiam? A mial mahmah gam tawh kibang ngei ka hi hiam? Tua ahihleh bang hangin ka mite in, ‘Ko ka suakta uh hi; nang kiangah kong pai nawn kei ding uh hi,’ ci uh ahi hiam?

Late 50:7

“Ka mite aw, ngai un; thu kong gen ding hi. Israel-te aw, noteʼ lang khat ah teci ka pang ding hi. Kei pen Pasian ka hi a, nomauʼ Pasian ka hi hi.

ROM (Romans) 3:19

Tua ahih manin kuamah in paulap a zon theih loh nading le mi khempeuh in Pasianʼ thukhenna a thuak theih nadingin Thukham a nei mite khempeuh in tua Thukham a zuih ding uh ahihna thu i thei hi.

Micah 6:5

Ka mite aw, Moab Kumpi Balak in note sukna ding a vaihawmna teng, Beorʼ tapa Balaam in ama nget bangin a sepna teng limtakin phawkkik un. Note hotkhiat nadingin ka sepna thu na theih nadingun Shittim le Gilgal kikal a thupiangte ngaihsunkik un,” a ci hi.

Late 81:8

Ka mite aw, note kong thuhilh laitakin limtakin hong ngai un. Israel-te aw, keima thu a hong ngai hi hoh le-uhcin!

Late 51:4

Nangma tungah khialin, nangma muhna ah a sia ka gamta khin hi. Tua ahih ciangin na thugenna ah nang na thutang a, thu na hong khenna ah pauna ding bangmah om lo hi.

Isaiah 5:4

Ka leenggui lo adingin ka hih nai loh ka hih ding a kilawm bang om lai ahi hiam? Leenggah hoih gah ding ka lamet laitakin bang hangin gam leenggah hong gah mawk ahi hiam?