Micah 6:16 - Tedim Bible Revision 2017

¹⁶ Bang hang hiam cih leh Kumpi Omriʼ gamtatna zui-in, ama tapa Kumpi Ahabʼ sep khempeuh na sem uh a, amauʼ gamtat khempeuh na zui uh hi. Tua ahih manin note kong susia ding hi. Minam dangte in note hong nuihsanin, amauteʼ simmawhna na thuak ding uh hi.

Tedim Bible

¹⁶ Bang hang hiam cih leh Kumpi Omri’ gamtatna teng zui-in, ama tapa Kumpi Ahab’ sep khempeuh na sem uh a, amau’ gamtat khempeuh na zui uh hi. Tua ahih manin note kong susia ding hi. Minam dangte in note hong nuihsanin, amaute’ simmawhna na thuak ding uh hi.

Micah 6:16 Referans Kwoze

Jeremiah 51:51

Note in, ‘Kote in maizumna ka thuak uh a, simmawhna kam ka za khin uh hi. Min siatna in ka maitang uh hong tuam khin hi. Bang hang hiam cih leh Topaʼ biakinn siangtho gamdang mite in a hong laksak uh hi,’ na ci uh hi.

Jeremiah 7:24

Ahih hangin amaute in ka thu hong mang lo uh a, a bil uh hong ngat lo uh hi. Amauʼ gitlohna lungsim uh zui-in amauʼ thuthu-in a om zaw uh a, mainawt loin a nungkin zaw uh hi.

Jeremiah 19:8

Hih khuapi a mulkimhuai le a simmawhhuai ka suaksak dinga, a kantan mi khempeuh in khuapi siatna hangin lamdang sa-in zahpihin a phitsan ding uh hi.

Isaiah 25:8

Amah in sihna beisak mang dinga, maitang khempeuh panin khitui nul ding hi. Leitung khempeuh panin ama mite a kizahkona la khia ding hi. Bang hang hiam cih leh Topa in hih thu gen khinzo hi.

Late 44:13

Ka veengte uhʼ zahko, ka kiim uh a omteʼ nuihsat leh thusim lohin kote na hong bawl khin hi.

Mangmuhna 2:20

Ahi zongin note ka hong mawhsak nading thu khat om hi. Kamsang numei ka hi, ci-in thu a gen Jezebel na nial kei uh hi. Ama thuhilhna hangin ka nasemte in numei pasal paktatna gamta-in milim biakna ante a ne uh hi.

Hosea 5:11

Israel in zong gimna thuakin a cimawh hi ta hi; bang hang hiam cih le kei kiangah hong pai nuam loin piak ding bangmah a nei lote kiangah huhna ngen dingin pai hamtang hi.

Daniel 9:16

Nang na siangtho hi. Tua ahih ciangin Jerusalem tungah hong heh nawn peuhmah kei in. Tua pen na khuapi hi a, na mual siangtho ahi hi. Kote le ka pate uh khialhna le gitlohna hangin, ka kiim ka pam uh a mite khempeuh in Jerusalem le na mite a hong simmawh uh hi.

Ezekiel 39:26

Amauteʼ gam sungah kuamah in su loin lungmuangin a omkik uh hun ciangin, kei hong leh bawlnate uh le a mindainate uh mangngilh thei ta ding uh hi.

Kah la 5:1

Topa aw, kote tunga thupiangte hong phawk in. Hong en inla, ka maizumna uh hong mu in.

Jeremiah 25:9

en un, leilu lam a om minam khempeuhte le ka nasem pa ahi Babylon kumpipa Nebukhadnezzar ka vaikhak dinga, hih gam le a sunga a teeng mi khempeuh le hih kiim a om gam khempeuh a sim dingin ka va la ding hi. Keimah in amaute ka susia mangkhin dinga, amaute a tawntungin siacipin simmawhna ka thuaksak ding hi, ci-in Topa in kong gen hi.

Isaiah 9:16

Bang hang hiam cih leh hih minam a makaihte in lam khialsak a, amauʼ makaih mite in siatna ngah uh hi.

Late 1:1

Mi nuamsa i cihte pen migiloteʼ thu a zui lo mi, mimawhteʼ gamtat bangin a gamta lo mi, mi a thusim lote tawh a kipawl lo mi ahi hi.

2 KHANG TANGTHU NIHNATE 34:25

Amaute in amauʼ gamtatna tawh kei hong hehsak theih nadingun amaute in kei hong nusia-in pasian dangte tungah paknamtui hal uh ahih manin hih mun tungah ka hehna kisungin dai lo ding hi.

2 KUMPI NIHNATE 21:3

Bang hang hiam cih leh amah in a pa Hezekiahʼ suksiat sa mual tunga biaknate lamkik hi. Tua ciangin amah in Baal adingin biakna taute phut a, Israel kumpi Ahabʼ bawl bangin Asherah milim khat bawl a, vantung a om nate khempeuh bia-in tuateʼ na a sem hi.

2 KUMPI NIHNATE 16:3

Israel kumpi dangteʼ khekhap mah zui hi. Topa in Israel miteʼ mai ah a hawlkhiat minamteʼ zat a kihhuai a gamtatte mah uh bangin biakna-in ama tapa nangawn a hal hi.

1 KUMPI MASATE 18:4

Jezebel in Topaʼ kamsangte a hon thah lai-in Obadiah in kamsang za khat la-in sawm nga sawm nga-in leihawm sungah seel a, amaute anletui tawh a vak hi.)

1 KUMPI MASATE 9:8

Tua ciangin hih biakinn pen ninbu lomtang suak dinga, a nawk kha mi khempeuh in lamdang sa-in, eh! ci ding uh hi. Amaute in, ‘Bang hangin Topa in hih leitang le hih biakinn hih bangin hih ahi hiam?’ ci ding uh hi.

Jeremiah 25:18

Jerusalem le Judah gam a khuapite, a kumpite uh le a gam uliante uh ka dawnsak a, tu ni dongin gam simtham suakin, miteʼ simmawhna thuakin, a min uh hamsiat nadingin a kizang hi. Tua hai panin a dawn a dangte:

Jeremiah 29:18

Amaute, namsau, kialpi le pulnatna tawh ka nung delh dinga, ka hawlkhiat nading mun khempeuh ah mite in kihamsiatna-in a zat dingun simmawhna le zahkonate ka thuaksak dinga, amauteʼ thuakna hangin leitung gam khempeuh ka lausak ding hi.

Hosea 12:14

Heh mahmah theih nadingin Israel mite gamta uh ahih manin amauteʼ Topa in amauʼ tung mahah a mawhna uh tungsak dinga, amauteʼ mawhna mah a thuaksak ding hi.

Micah 2:6

Amaute in kei kiangah, “Tua bang thu hong gen kei in. Tua bang thu gen dingin kilawm lo hi. Tua bangin Pasian in hong minsiasak lo ding hi,” hong ci uh hi.

Micah 6:13

Tua ahih ciangin na mawhna hangun note suksiat ding ka kipan ta hi.

2 KHANG TANGTHU NIHNATE 22:4

Ahab innkuan dangte mah bangin Topaʼ muhna ah a sia gamta hi; bang hang hiam cih leh a paʼ sih khit ciangin ama siat nading ah thulamlakte pen Ahabʼ innkuante ahi uh hi.

Late 44:14

Minam dangte lakah a sia lam a gentehna, mite lakah ciamnuih a neihin kote na hong bawl khin hi.