Micah 6:13 - Tedim Bible Revision 2017

¹³ Tua ahih ciangin na mawhna hangun note suksiat ding ka kipan ta hi.

Tedim Bible

¹³ Tua ahih ciangin na mawhna hangun, note kong suksiat ding ka kipan ta hi.

Micah 6:13 Referans Kwoze

Sawltak 12:23

Herod in mite, Pasian phatsak loin amah phatsak ahih manin thakhatin Topaʼ vantungmi in Herod cinasak a, a hut in amah netumin a si hi.

Hosea 13:16

Israel-te in a Pasian uh lehdo uh ahih manin a mawhna uh thuak ding uh hi. Gal sungah amaute si ding uh a, a naungekte uh lei kidenna dinga, a nupi naupaiite uh kikui kham ding hi, a ci hi.

Siampi Laibu 26:16

keimah in note tungah hih bangin kong hih ding hi: Noteʼ tungah hong tung dingin keimah in thakhat thu a dipkuatna, zawngkhalna le mite siasakin nuntakna a kiamsak ding cisa natna kong tungsak ding hi. Noteʼ lo pawi zong a mawkna hi ding hi; bang hang hiam cih leh na galte un tuate ne ding hi.

Hosea 5:9

Gimthuak ni hun hong tun ciangin Israel mite in siatna thuak ding uh hi. A tung taktak ding thu, Israel mite lakah a gen ka hi hi.

Kah la 3:11

Amah in lam pam ah hong delh khia a, a hong balnen khit ciangin a hong nusia hi.

Kah la 1:13

Amah in vantung panin meikuang hong khia suk a, ka sung lam a hong kang hi. Amah in thang hong siah a, awkin leilak ah ka kipuk hi. Tua bangin natna ka thuak tawntung hi.

Jeremiah 14:18

Lo lai ah paikhia leng, namsau tawh a kithat mi bekbek ka mu a, khuapi sungah lut leng, kialin a puksite bekbek ka mu hi. Kamsangte le siampite in koi ah pai ding cih thei lopi-in gam sungah an ngenin a vak kawikawi uh hi,’ ci-in va gen in,” hong ci hi.

Isaiah 6:11

Tua ciangin keimah in, “Topa aw, bang tanvei sawt ding ahi hiam?” ka ci hi. Amah in, “Khuapi ah a teeng kuamah om loin hawm suakin, innte ah kuamah om loin, leitang pen gamkhing suak kiuhkeuhin,

Micah 1:9

Bang hang hiam cih leh Samariaʼ meima kidamsak thei lo hi; Judah in zong tua bangmah a thuak ding ahi ta hi. Ka miteʼ teenna Jerusalem khua mahmah, tua siatna in hong ban ta hi.

Micah 6:16

Bang hang hiam cih leh Kumpi Omriʼ gamtatna zui-in, ama tapa Kumpi Ahabʼ sep khempeuh na sem uh a, amauʼ gamtat khempeuh na zui uh hi. Tua ahih manin note kong susia ding hi. Minam dangte in note hong nuihsanin, amauteʼ simmawhna na thuak ding uh hi.

Micah 7:13

Ahi zongin a tungah a teeng miteʼ gitlohna hangin, leitung pen sehnel gamkhing a suak ding hi.

Kah la 5:16

Kisaktheih nading bangmah om nawn lo a, mawh ihih manin gimna a thuak ihi hi.