Micah 6:10 - Tedim Bible Revision 2017

¹⁰ Thuman lopi-in a ngah uh, migiloteʼ inn sunga van omte, keima deih loh tawitehna man lo zatnate, mangngilh thei ding ka hi hiam?

Tedim Bible

¹⁰ Thuman lopi-in a ngah uh, migilote’ inn sunga van omte, leh ka deih loh tawitehna man lo zatnate, mangngilh thei ding ka hi hiam?

Micah 6:10 Referans Kwoze

Amos 3:10

Topa in hih bangin ci hi: Hih mite in a manin gamtat ding thei lo uh a, gilo mahmah uh a, miʼ na a suh uh vante tawh a inn lianpipite uh kidimsak uh hi.

Paunak 20:10

Tawisuang nam nih le piciang nam nih zangin mi khemna pen Topa in a deih lohna kibang hi.

Paunak 21:6

Zuaugenna tawh hauhnate bei mang pak a, sihna khuk sung hong tunpih hi.

Paunak 20:23

Tawisuang nam nih a zangte Topa in mudah a, amah in tawikhaina man lote hoih sa lo hi.

Paunak 11:1

Tawikhaina man lo a zangte Topa in mudah a, tawikhaina man a zangte tungah Topa lungkim hi.

Paunak 10:2

Thuman loin ngahna ah phattuamna om lo a, thumanna in sih nading pan hong hon hi.

Joshua 7:1

Ahih hangin a ki-ap nate tawh kisai-in Israel mite zuau tat uh hi. Bang hang hiam cih leh Judah minam Zerah tapa Zabdi, a tapa Karmi, a tapa Akhan in a ki-ap nate pawl khat la ahih manin Israel mite tungah Topa heh mahmah hi.

Zefaniah 1:9

Lawki mite bangin biakinn sungah a lamte, khemna le thahna tawh a ngah uh vante tawh, a topa uhʼ inn a dimsakte khempeuh, tua ni mahin gim ka pia ding hi,” a ci hi.

Micah 6:9

Topa, zahtak ding kilawm hi. Khua sungah amah hong kiko a, “Ngai un, khuapi sungah a hong kikhawm mite aw.

Amos 3:9

Samaria gam munmuanhuai ah a om mite le Egypt gam munmuanhuai ah a om mite tungah thu zasak unla, “Samaria ah hong kikhawm unla, tua lai-a buaina lianpite le kinenniamnate hong mu un,” ci un.

Zekhariah 5:6

Kei zong, “Bang ahi hiam?” ci-in ka dong hi. Amah in hong dawng a, “Tua pen ciangpi hi a, gam sung khempeuhʼ mawhna lim ahi hi,” hong ci hi.