Micah 5:8 - Tedim Bible Revision 2017

⁸ A om lai Israel mite pen minam dangteʼ lakah, gamlak ah sa a beng, tuute a tuah ciangin manin balnen gawp a, a kam sung pan a hon khia zo a om lo, humpinelkai a bang ding uh hi.

Tedim Bible

⁸ A om lai Israel mite pen minam dangte lakah, gamlakah sa a beng, tuute a tuah ciangin manin balnen gawp a, a kam sung pan a honkhia zo a om lo, humpinelkai bang ding uh hi.

Micah 5:8 Referans Kwoze

Zekhariah 10:5

Kongzing buannawng lakah a galte uh a tuancil gawp galkapte bangin amaute gualzo ding uh a, Topa in a ompih manin amaute in gal a sim uh ciangin a galteʼ sakol galkapte zo gawp ding uh hi.

Micah 4:13

Topa in hih bangin ci hi: Jerusalem khua mite aw, kipan unla, na galte uh su gawp un. Sumngo khe le sik ki a nei bawngtal bangin note kong thahatsak ding hi. Minam tampite na su gawp zo ding uh a, amauʼ neihsa teng keima-aʼ na suaksak ding uh a, amauʼ hauhna teng leitung buppiʼ Topaʼ neihsa na suaksak ding uh hi.

Zekhariah 12:3

Tua hun hong tun ciangin suangtumpi gik mahmah bangin Jerusalem khuapi ka bawl dinga, likkhiat a sawm minam khat peuhpeuh in liamlawh ding hi. Leitung minamdang khempeuh kipawlin Jerusalem a sim ding uh hi.

Zekhariah 9:15

Vanglian Topa in ama mite hu dinga, ama mite in a galte uh susia ding hi. Galdona sungah zukham bangin awng gawp ding uh a, a galte uhʼ sisan luangsak gawp ding uh hi. Biakna site, biakna tau tungah hai a sun tawh kibangin a luangsak ding uh hi.

Hosea 5:14

Humpinelkaiʼ suk gawp bangin Israel le Judah ka su gawp ding hi. Keimah teekteek in amaute bal gawpin ka paisan ding hi. Amaute ka tal kaih gawp dinga, kuamah in hon zo lo ding hi, a ci hi.

Late 50:22

“Tua ahih ciangin Pasian a mangngilh mite aw, hih thuciamteh un. Tua hikeileh note kong bal gawp ding hi. Note hong hon khia ding kuamah om lo hi.

Hebru 12:25

Tua ahih manin note tungah thu a hong gen paʼ thugen na ngaih loh khak ding uh kidawm un. Hih leitungah thu a gen paʼ thu a ngai lote suakta lo ahih manin vantung panin thu a hong gen paʼ thugen ngai kei lehang i suakta kei zaw kan lai ding hi.

Sawltak 18:6

Jew mite in ama thuhilhna nialin a gensiat uh ciangin Paul in a puan tunga leivui baangte sinsanin, “Pasian tawh kikhenin siatna na tuah uh leh nomau khialhna hi a, kei nong ngawh nading uh om lo hi. Tu a kipanin Gentail mite kiangah thu ka hilh ding hi,” a ci hi.

Mattiu 10:14

Inn khat peuhpeuh in ahi a, khua khat peuhpeuh in ahi zongin note hong tunsak nop kei a, na thugen uh hong ngaih nop kei leh tua lai panin paikhia unla, na khe uh a leivui baangte sinkhiat un.

Piancilna 49:9

Judah pen humpinelkai tawh kibang a, a sa mat sa a nek khit ciangin a kua ah a ciahkik tawh kibang hi. Humpinelkai bangin kizia-in a lum suk hi. Kua in amah phawng ngam ding hiam?

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

Gamlak-vakna 24:9

Amaute bok a, humpinelkai pa bangin lum suk uh hi. Humpi-nelkaipi bangin lum suk uh hi. Kua in amaute phong ngam ding ahi hiam? Note thupha hong piate in thupha ngah henla, note hong samsiate in samsiatna ngah tahen,” a ci hi.

Late 44:5

Nangma huhna tawh ka galte uh ka sawn pai uh a, ko a hong do mite na min suangin ka tuancil uh hi.

Late 104:20

Nangmah in khuamial na bawl a, gamlak ganhing khempeuh a vak khiat hun pen zan hunsung ahi hi.

Paunak 30:30

Humpinelkai: Ganhing lak pan a hat pen kuamah a kihta lo.

Isaiah 5:29

Amauteʼ kikona pen humpinelkai hawk bang a, humpinelkai khanglaite bangin amaute a hawk uh hi. Amaute humhamin a sa nek ding uh man uh a, amaute in pua khia-in kuamah in hon khia zo lo hi.

Ezekiel 39:10

Amaute in mei cih dingin a kinusia galhiamte nei uh ahih manin gamlak ah sing tom kul lo dinga, tulak ah sing phuk ding zong kisam lo ding hi. Amaute in amauʼ na a sutteʼ na sutin, a suksiatsakteʼ na suksiatsak ding uh hi. Topa Pasian in hih thu ka gen khin hi,” hong ci hi.

Micah 2:12

Ahi zongin no Israel mi a omlaite khempeuh pel het loin kong kaikhawmkik ding hi. Tuubuk sunga tuu khum bangin, gankhawk sungah tuu hon kaihkhop bangin note kong kaikhawmkik dinga, na gam sung uh, mi tampiteʼ husa tawh kidimkik ding hi, ci hi.

Micah 4:7

Amaute, a cimawhin gamlapi ah om uh a, ahi zongin keimah in amaute pansa kikin, minam vanglian khatin ka bawlkik ding hi. Tua hun a kipan a tawntungin Zion mual panin amaute ka uk paisuak ding hi.

Micah 5:3

Tua ahih ciangin, numei naupaii nu, a nau a suah khit mateng, amauʼ galteʼ khut sungah Topa in a mite a pia phot hi. Ama hong khan ciangin sal a a om a gam mite a mipihte uh tawh hong kigawmkik ding hi.

Micah 7:18

Topa aw, nang tawh a kibang Pasian dang om lo a, a om lai na miteʼ mawhna nangmah in na maisak hi. Nang na heh paisuak kei a, na itna kip nong lak hi.

Zekhariah 11:6

Tua ahih ciangin hih gamah a teeng mite ka hehpih nawn kei ding hi. Amaute a ukpa le a kumpipaʼ khutnuai ah mi khempeuh ka koih ding hi. Gam uk mite in gam sungteng susia gawp dinga, amauʼ suksiatna panin kuamah ka hon khia kei ding hi,” hong ci hi.

Malakhi 4:3

Keimah in na kong sep ni ciangin note in migilote nuaisiahin leivui bangin na tuancil ding uh hi.

Zekhariah 14:18

Tua gualzawhna pawi a bawl dingin Egypt mite a painop kei leh, tua bangin a pai nuam lo minamteʼ thuak ding gimnate mah, amauʼ tungah a tung ding hi.