Micah 5:7 - Tedim Bible Revision 2017

⁷ Tua ciangin a om lai Israel mite pen Topa in minam tampite adingin a piak, lopate a nosak zing daitui, lopate a khangsak guahtui, a bang ding uh hi. Amaute in mihingte muanin nei loin Pasian bek a muang ding uh hi.

Tedim Bible

⁷ Tua ciangin a om lai Israel mite pen, Topa in minam tampite’ adingin a piak, zing daitui, lopate a khangsak guahtui bang ding uh hi. Amaute in mihing muanin nei loin Pasian bek muang ding uh hi.

Micah 5:7 Referans Kwoze

Micah 5:3

Tua ahih ciangin, numei naupaii nu, a nau a suah khit mateng, amauʼ galteʼ khut sungah Topa in a mite a pia phot hi. Ama hong khan ciangin sal a a om a gam mite a mipihte uh tawh hong kigawmkik ding hi.

Isaiah 44:3

“Bang hang hiam cih leh a dangtak leitang tungah tui ka sung dinga, lei keu tungah luitui ka luangsak ding hi. Na suanlekhakte tungah ka kha ka sung dinga, na tu na tate tungah ka thupha ka pia ding hi.

Thu-hilhkikna 32:2

Ka thuhilhte guah mal bangin zu-in, ka thugente daitui bangin kia henla, lo ngeek tunga guah phin leh ankung tunga guahzu bang tahen.

Hosea 14:5

Gam keuna mun a guahzu bangin Israel mite tungah nuntakna guah ka hi ding hi. Paak bangin amaute palh ding uh a, Lebanon gam a singkungte bangin zung thuk khakin a kip ding uh hi.

Late 72:6

Amah pen pawn lak lopa tungah a kia guah, lei a kawtsak guahzu tawh kibang tahen.

ROM (Romans) 10:20

Tua banah Isaiah in Pasianʼ min tawh hang takin thu na gen a, “Kei hong zong lo mite in kei hong mu uh a, kei hong kan lo mite tungah ka kilak hi,” ci-in na gen hi.

Zekhariah 14:8

Tua ni hong tun ciangin Jerusalem khua panin tuicim hong luang khia dinga, kim khat, nisuahna lamah a om Si Tuipi ah luang dinga, kim khat, nitumna lamah a om Mediterranean Tuipi ah luang ding hi. Tua tui in kan hun cih nei loin luang tawntung ding hi.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai dinga, lei a kawtsak khuapi guah pel loin hong zuk bangin eite kiangah amah hong pai hamtang ding hi,” a ci ding uh hi.

Jeremiah 14:22

Gamdang pasian zuauteʼ lakah guah a zusak thei om ahi hiam? Tua ahih kei leh zong vantungmi in ama thu-in guah zu tawmsak thei ahi hiam? Tua bang a hih thei nang bek hi lo na hi hiam? Topa koteʼ Pasian aw, nangmah in tuate khempeuh hih na hih manin nangma sungah lametna kong nei uh hi.

Late 110:3

Nangma mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsangin na khangnona nangma tungah hong tung ding hi.

1 KORIN MASA 3:6

Keima nasep pen khaici vawh hi a, Apollosʼ nasep pen tuibuah hi a, ahi zongin a khangsak pa ahihleh Pasian ahi hi.

ROM (Romans) 11:12

Jew miteʼ mawhna pen leitung khempeuh thupha ngahna suak a, amauʼ gitnat lohna pen Gentail miteʼ hamphatna suak ahihleh Jew mi khempeuh in hotkhiatna a ngah kim uh ciangin bangzahin hoih kan ding ahi hiam?

ROM (Romans) 9:30

Tua ahihleh Pasian tawh kipawl theih nading hanciamna a nei lo Gentail mite pen upna hangin Pasian tawh kipawl thei a,

Sawltak 16:9

Troas khua ah a tun ni zanin Paul in maang mu a, Masedonia gam mi khat in ama kiangah, “Masedonia gamah hong pai inla, kote hong huh in,” ci-in a thum hi.

Sawltak 13:46

Tua ciangin Paul le Barnabas in hang takin thu gen uh a, “No Jew mite tungah Pasianʼ thu kong gen masak ding mah uh ahi hi. Ahi zongin note in Pasianʼ thu nialin, nuntak tawntungna a ngah dingin kilawm zo kisa lo na hih manun, note kiang panin pai khia-in Gentail mite kiangah ka pai ding uh hi.

Sawltak 11:15

Tua thu gen dingin ka kipat laitakin eite in Kha Siangtho i ngah cil huna mah bangin amaute tungah Kha Siangtho hong tung hi.

Mattiu 28:19

Tua ahih ciangin note pai unla, midang khempeuh, keima nungzui mi suaksakin, Pa min, Tapa min le Kha Siangtho min tawh tui sungah na phum un.

Micah 2:12

Ahi zongin no Israel mi a omlaite khempeuh pel het loin kong kaikhawmkik ding hi. Tuubuk sunga tuu khum bangin, gankhawk sungah tuu hon kaihkhop bangin note kong kaikhawmkik dinga, na gam sung uh, mi tampiteʼ husa tawh kidimkik ding hi, ci hi.

Amos 5:15

Thusia mudahin thupha deih unla, thukhen zumah a manin thu khen un. Tua hileh Josef minam a suakta sunte tungah Topa, Vanglian Pasian hong thunuam kha thei ding hi.

Joel 2:32

Ahi zongin Topaʼ tungah huhna a ngen khempeuh in hotkhiatna a ngah ding uh hi. Topaʼ gen sa bangmahin Zion Mual le Jerusalem khua sungah a suakta mi om ding uh hi. Topa in a teel mite, suakta ding uh hi.

Ezekiel 47:1

Tua ciangin biakinn lutna kongkhak ah hong paipihkik hi. Biakinn kongkhak sangkil nuai panin tui luang a, biakinn ngatna nisuahna lamah luang sukin, biakna tau leitaw lam pang tawn suk hi.

Isaiah 66:19

amauteʼ lakah lim khat ka khai ding hi. Amauʼ sung panin, minamte tung, Tarshish mite tung, Put mi le Lud mite tung, Meshek mite tung, Tubal mi le Javan mite tung, ka min hoihna a za ngei lo, ka minthanna a mu ngei lo tuipi gei-a om gam mite tungah a suakta lai mite ka sawl ding hi. Amaute in minamte lakah ka minthanna genthang ding uh hi.

Isaiah 55:10

Bang hang hiam cih leh vantung panin guahtui le vuk hong pai-in, amaute ciahkik loin leitung kawtsakin, kungnote mengin sel khiasak a, khai vawhpa khaici pia-in a ne pa tungah an a piak mah bangin,

Isaiah 32:15

Ahi zongin Pasian in ama kha hong puak ding hi. Leitang siate leihoih suakkik dinga, lo-a ante hoih mahmah in tulak bang ding hi.

Thukhente 6:36

Tua ciangin Gideon in Pasian kiangah, “Na gen sa bangin keima tha tawh Israel-te na hotkhiat ding leh,

Sawltak 9:15

Ahi zongin Topa in Ananias kiangah, “Gentail mite, kumpite le Israel mite tungah keima min a kitheisak ding, keima na a sem dingin teel khin ka hih manin ama kiangah va pai in.

Zefaniah 3:13

Israel mi a om lai sunte, midangte tungah gilo nawn lo ding uh a, zuau thu gen nawn loin, mi khem ding zong ngaihsun nawn lo ding uh hi. Amaute cithei-in lungmuangin om ding uh a, kuamah kihta nawn loin om ding uh hi,” a ci hi.

Micah 5:8

A om lai Israel mite pen minam dangteʼ lakah, gamlak ah sa a beng, tuute a tuah ciangin manin balnen gawp a, a kam sung pan a hon khia zo a om lo, humpinelkai a bang ding uh hi.

Ezekiel 14:22

A tanute a tapate a paikhiatpih dingin mi khat peuhpeuh a suakta zo kha a om a, nang kiangah hong pai leh, amauteʼ om zia na en in. Amauteʼ gitlohna zia na mu dinga, Jerusalem gim ka piakna a kilawm a thuman mah ahihna na phawk ding hi.

2 SAMUEL NIHNA 17:12

Tua ciangin amah i muhna mun khat peuhpeuh ah theih kholh lohin i hih gawp ding hi. Amah le amah tawh a om mi khempeuh khat zong kisiit lo ding hi.

Late 133:3

Tua pen Zion mualte tungah a kia, Hermon mual pan a hong piang daitui tawh kibang hi. Bang hang hiam cih leh Topa in nuntak tawntungna thupha tua munah a pia hi.

Paunak 19:12

Kumpipaʼ hehna humpinelkai hawk bangin lauhuai a, ama pahtakna lopa tunga daitui taak bangin deihhuai hi.

Daniel 11:32

Kumpipa in tua biakna a nusia mite a thu zawh theih nadingin zuaugen siamna a zang ding hi. Ahih hangin Pasianʼ nung a zui mite ahih uh leh thahatin a gualzo ding uh hi.

Micah 4:7

Amaute, a cimawhin gamlapi ah om uh a, ahi zongin keimah in amaute pansa kikin, minam vanglian khatin ka bawlkik ding hi. Tua hun a kipan a tawntungin Zion mual panin amaute ka uk paisuak ding hi.

Micah 7:18

Topa aw, nang tawh a kibang Pasian dang om lo a, a om lai na miteʼ mawhna nangmah in na maisak hi. Nang na heh paisuak kei a, na itna kip nong lak hi.

Ezekiel 5:5

Tua ciangin Topa Pasian in, “Hih Jerusalem khuapi lim en in. Leitung laizang ah ka koih a, a kimkot ah gamdang khempeuh ka omsak hi.

Micah 4:13

Topa in hih bangin ci hi: Jerusalem khua mite aw, kipan unla, na galte uh su gawp un. Sumngo khe le sik ki a nei bawngtal bangin note kong thahatsak ding hi. Minam tampite na su gawp zo ding uh a, amauʼ neihsa teng keima-aʼ na suaksak ding uh a, amauʼ hauhna teng leitung buppiʼ Topaʼ neihsa na suaksak ding uh hi.

Zekhariah 9:13

Grik mite, sim nadingin Judah, thal bangin keekin, Israel thaltangin ka zang dinga, Zion mite, namsau-in ka zang ding hi.