Micah 5:6 - Tedim Bible Revision 2017

⁶ A namsau uh tawh Nimrodʼ gam ahi, Assiria gam zo ding uh a, Assiria mite in i gam hong sim ciangin amauteʼ kiang panin eite hong hon khia ding uh hi.

Tedim Bible

⁶ A namsau uh tawh Assiria gam zo-in Nimrod gam zo ding uh a, Assiria mite in i gamgi dong hong sim ciangin amaute’ kiang panin eite hong honkhia ding uh hi.

Micah 5:6 Referans Kwoze

Isaiah 14:25

Keimah in ka gam sungah Assiria mite ka susia dinga, ka mual tungah ka sikcip ding hi. Ka miteʼ tung panin Assiria-teʼ hakkol amauteʼ liangko panin Assiria-teʼ van gik kia khia ding hi,” a ci hi.

Luka 1:74

i galte kiang panin eite hong hotkhiat nading le launa om loin amah bia-in,

Luka 1:71

i galte kiang panin hong hotkhiat nading le hong mudahteʼ khut sung panin hong hotkhiat nading thu a hong ciam hi.

Zefaniah 2:13

Topa in leilu lamah a khut hong zanin Assiria gam susia dinga, Nineveh khuapi susia gawpin sehnel gam a suaksak ding hi.

Nahum 2:11

Humpinelkai note an a kivakna mun, humpinelkai le a note lungmuang a a omna mun, humpi-nelkaiteʼ kua tawh a kibang koi ah om ta ahi hiam?

Isaiah 33:1

Hong kisusia nai lo, mi a susia pa aw, tu-in gimna a ngah ding na hi ta hi. Kuamah in hong khem nai loh, mi khem pa aw, tu-in gimna a ngah ding na hi ta hi. Na suksiat nawn loh ciangin nang hong kisusia dinga, na khem nawn loh ciangin nang hong kikhem ding hi.

Isaiah 14:2

Israel mite in amaute manin amauʼ gamah ciahpih ding uh a, Topaʼ gam sungah amaute pen sila numei sila pasal dingin nei ding uh hi. Amaute a man ngei mite pen tu-in amaute in leh mat ding uh a, amaute a nengniam ngei mite tungah tu-in ukna nei ding uh hi.

2 KHANG TANGTHU NIHNATE 33:11

Tua ahih ciangin Topa in Assiria kumpipaʼ galkap ukte amauʼ kiangah paipih a, amaute in sikkawite tawh Manasseh manin sumngo khau tawh khihin Babylon ah a paipih uh hi.

2 KUMPI NIHNATE 15:29

Israel kumpi Pekahʼ hun laitakin Assiria kumpi Tiglath-pileser hong pai-in Ijon, Abelbeth-maakah, Janoah, Kedesh, Hazor, Gilead le Galilee le Naftali gam khempeuh la a, amah in galmatin mite Assiria ah a ciahpih hi.

Luka 24:27

Tua ciangin Jesu in Lai Siangtho sungah ama thu a kigennate khempeuh, Moses laibu a kipanin kamsangteʼ laibu khempeuh a khiatna a gen hi.

Isaiah 37:36

Tua ciangin Topa’ vantungmi kuan khia-in Assiria miteʼ giahphual ah mihing tul za le tul sawm giat le tul nga a that hi. Zingsangin mite a thawh ciangin hihte khempeuh misi luang bekbek na hi hi.

Isaiah 37:37

Tua ciangin Assiria kumpipa Sennakherib tai khia a, a inn ah ciahin Nineveh khua ah a teeng hi.

Thu-hilhkikna 32:2

Ka thuhilhte guah mal bangin zu-in, ka thugente daitui bangin kia henla, lo ngeek tunga guah phin leh ankung tunga guahzu bang tahen.

1 KHANG TANGTHU MASATE 1:10

Kush in Nimrod kici tapa khat nei a, leitungah amah a vanglian masa pen ahi hi.

JOB (Job) 29:22

Thu ka gen khit ciangin a gen thuah ding uh bangmah thei nawn lo uh a, ka thugente khempeuh hoihtakin na sang pah uh hi.

Late 72:6

Amah pen pawn lak lopa tungah a kia guah, lei a kawtsak guahzu tawh kibang tahen.

Late 110:3

Nangma mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsangin na khangnona nangma tungah hong tung ding hi.

Isaiah 6:13

Mi sawm-ah-khat bang a om lai tei hangin, taak kung le tawsaw kungte a kiphuk khit ciangin a bulsum a omlaite mei tawh a kihalkik bangin amaute zong kisusia ding hi,” hong ci hi. (A bulsum pen Pasianʼ mite a kipat thakna ding lahna lim ahi hi.)

Jeremiah 14:22

Gamdang pasian zuauteʼ lakah guah a zusak thei om ahi hiam? Tua ahih kei leh zong vantungmi in ama thu-in guah zu tawmsak thei ahi hiam? Tua bang a hih thei nang bek hi lo na hi hiam? Topa koteʼ Pasian aw, nangmah in tuate khempeuh hih na hih manin nangma sungah lametna kong nei uh hi.

Zefaniah 3:12

Note lakah a kiniamkhiat, mi neute bek, ka suaktasak lai dinga, keima tungah huhna hong ngen ding uh hi.