Micah 5:5 - Tedim Bible Revision 2017

⁵ Amah in lungnopna hong omsak ding hi. Assiria mite in i gam hong simin i galdalna teng hong suk ciangin, amaute a do dingin i makai hat pen teng i sawl ding hi.

Tedim Bible

⁵ Amah in lungnopna hong omsak ding hi. Assiria mite in i gam hong simin, i gal dalna teng hong suk ciangin amaute a do dingin, i makai hatpen teng i sawl ding hi.

Micah 5:5 Referans Kwoze

Luka 2:14

“Van a sang belna ah a om Pasianʼ min thang henla, ama pahtak leitung mite tungah nopna om tahen,” a ci uh hi.

Zekhariah 10:3

Ka mi a makaite tungah ka heh suak mahmah a, amaute gim ka pia ding hi. Judah mite pen Vanglian Topa ahi keima aʼ hi a, amaute limtakin kemin, ka sakol galkap thahatte a suak ding uh hi.

Johan 14:27

Note tungah keima neih bang lungnopna kong pia ding hi. Tua ka hong piak ding lungnopna pen leitung mite in a piak theih a kip lo lungnopnate pawl hi lo hi. Tua ahih manin lau kei unla, zong lungkham kei un.

Zekhariah 9:10

Gal kidona leengte Israel gam pan beisakin, sakol galkapte, Judah gam pan ka la khia dinga, galdona a kizang thalte kisusia ding hi. Na kumpipa un minam dangte lakah kilemna thu gen dinga, amah in tuipi mong khat pan tuipi mong khat dong, Eufratis Gunpi panin leimong dongin a uk ding hi.

Thuhilh-sia 11:2

Na sumbuk vante mun sagih ah ahi a, mun giat ah ahi zongin khen kawikawi in. Hih leitungah bang thusia hong piang ding cih na thei khol kei hi.

JOB (Job) 5:19

Lungkhamna guk vei dong na tuahna ah amah in nang hong hon dinga, a sagih veina dingah siatna in nang hong su nawn lo ding hi.

Mangmuhna 19:14

Vantung galkapte a siangtho puan pak hoih tawh kizem uh a, sakol kangte tungah tuangin amah a zui uh hi.

Mangmuhna 17:14

Amaute in Tuuno a sim ding uh hi. Ahi zongin Tuuno pen kumpiteʼ Kumpi, topateʼ Topa ahih manin, amah le ama sap, a teel, citakin amah a zuite in tua kumpi sawmte a zo gawp ding uh hi,” hong ci hi.

Johan 16:33

Keimah tawh na hong kipawlna uh hangin lungnopna na neih theih nadingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

Zekhariah 12:6

“Tua ni ciangin Judah minamte, tulak kaang le buhphual kaang ka bangsak dinga, a kiim a om minam dangte khempeuh a susia ding uh hi. Ahi zongin Jerusalem mite, a khuapi sungah lungmuangin a om hithiat ding uh hi.

Zekhariah 9:13

Grik mite, sim nadingin Judah, thal bangin keekin, Israel thaltangin ka zang dinga, Zion mite, namsau-in ka zang ding hi.

Amos 1:6

Topa in hih bangin ci hi: Gaza khua mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in minam bup khat sal dingin manin, Edom mite tungah ap uh hi.

Amos 1:3

Topa in hih bangin ci hi: Damaskas khua mite thum vei a khialh khit, a li veina hangin pel loin amaute gim ka pia ding hi. Bang hang hiam cih leh amaute in an gawina suang tawh gawizan bangin, Gilead gam mite gawi gawp uh hi.

Jeremiah 33:15

Tua hun ciangin Davidʼ suan lak panin kumpi dingin a dik tat mi khat ka khangsak dinga, amah in gam sungah thuman tawh thu hong khen ding hi.

Isaiah 65:8

Topa in hih bangin ci hi: “Leenggahzu pen leenggah bom panin kingah a, mite in, ‘Tuate kimang thei ding ahih ciangin susia kei un,’ a cih mah bangun kei zong a minam bupun susia loin, keima na hong semte ka suaktasak ding hi.

Isaiah 59:19

Tua ahih ciangin nisuahna le nitumna kikalah a om mi khempeuh in amah zahtakin, a vangliatna kihta ding uh hi. Bang hang hiam cih leh huihpi nung bang, tuipi khang bangin amah hong pai ding hi.

Isaiah 44:28

‘Sairas kumpipa pen ka tuucingpa hi a, ka deihna teng tungsak ding hi,’ a ci pa; ‘Jerusalem kilamkik dinga,’ biakinn pen, ‘Na bulpi kiphutkik ding hi,’ a ci Topa ka hi hi,” a ci hi.

Isaiah 7:14

Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei dinga, ama min Immanuel kici ding hi.

Paunak 30:29

A gamtatna i et ciangin a thupi suak mahmah thum, eh! li om hi.

Paunak 30:18

Ka theih zawh het loh a lamdang mahmah thu thum om a, eh! li hizaw:

Late 72:7

Ama hun sungin thuman pung henla, khapi a bei mateng nopna om tahen.

Paunak 6:16

Topa in a muhdah, a khah khong ngei loh ding, thu guk, tua zah bek hi lo, thu sagih tak om a, tuate pen

Isaiah 14:25

Keimah in ka gam sungah Assiria mite ka susia dinga, ka mual tungah ka sikcip ding hi. Ka miteʼ tung panin Assiria-teʼ hakkol amauteʼ liangko panin Assiria-teʼ van gik kia khia ding hi,” a ci hi.

Zekhariah 10:11

Amaute in lungkhamna tuipi a phutkhak uh ciangin keimah in tuihualte ka vatmai dinga, Nail gun tui thukte kangcip ding hi. Assiria mite ka niamkhiat dinga, Egypt in a vangliatna taan ding hi.