Micah 5:4 - Tedim Bible Revision 2017

⁴ Amah in Topaʼ thahatna tawh a mite uk dinga, Topa ama Pasianʼ vangliatna tawh a uk ding hi. Leitung mi khempeuh in ama liatna phawk ding uh ahih manin ama mite lungmuang takin om thei ding uh hi.

Tedim Bible

⁴ Amah in Topa’ thahatna tawh a tuute uk ding a, Topa ama Pasian’ min vangliatna tawh uk ding hi. Leitung mi khempeuh in ama liatna phawk ding uh ahih manin, ama mite lungmuang takin om thei ding uh hi.

Micah 5:4 Referans Kwoze

Micah 7:14

Topa aw, nangma tuu ahi na mite hong cing in. Gam nuam lei hoihna sungah amau guakin om uh hi. Tanglai huna mah bangin, Bashan le Gilead gam nuamah amaute gamtasak in.

Luka 1:32

Amah mi lian hi dinga, A Lianpen Pasianʼ Tapa kici ding hi. Topa Pasian in ama pu David mah bangin kumpi-in bawl dinga,

Mangmuhna 11:15

Tua ciangin a sagihna vantungmi in a peengkul hong tum a, vantungah nakpi takin aw hong ging a, “Leitung uk nading aana neihna pen i Topa Khris aʼ hong suak khin a, amah in a tawntungin uk paisuak ding hi,” hong ci hi.

1 PETER MASA 1:5

Noteʼ upna hangin nitawp ni ciangin na ngah ding uh hotkhiatna nomau-aʼ ahihna a kilatsak nadingin Pasian in ama vangliatna tawh a hong kepsak ahi hi.

Juda 1:1

Jesu Khrisʼ sila ka hih banah Jamesʼ nau keimah Jude in: Pasianʼ sapna hangin Jesu Khris kepna sungah Pasian itna tawh a om mite tungah lai ka hong khak hi.

Efesa 1:3

Khris tawh eite i kipawlna hangin vantung gam panin kha tawh kisai letsong namkim hong pia ahih manin eiteʼ Topa Jesu Khrisʼ Pa ahi Pasian tungah i lungdamna ko ciat ni.

Johan 20:17

Tua ciangin Jesu in, “Kei hong lenlen nawn kei in. Ka Pa kiangah a pai to nai lo ka hi hi. Ka sanggamte kiangah va pai inla, ‘Keima Pa le noteʼ Pa, keima Pasian le noteʼ Pasianʼ kiangah ka pai ding hi,’ ci hi, ci-in va gensak zaw in,” a ci hi.

Johan 10:38

Ahi zongin keimah in ka Paʼ na sem ka hih manin keima thu na hong um nuam lo uh ahi ta zongin, Pa tawh pum khat ka hihna thu na theih nadingun ka nasepnate na up dingun kilawm buang hi,” a ci leuleu hi.

Mattiu 25:31

“Mihing Tapa a vantung mite tawh Kumpi-in hong pai khawm uh ciangin a kumpi tokhom tungah hong tu ding hi.

Mattiu 16:18

Keʼn kong genin ah: Nang pen suangneu a cihnopna Peter na hi hi. Hih suangpi tungah ka pawlpi ka lam dinga, sihna nangawn in zo zo ngei lo ding hi.

Zekhariah 9:10

Gal kidona leengte Israel gam pan beisakin, sakol galkapte, Judah gam pan ka la khia dinga, galdona a kizang thalte kisusia ding hi. Na kumpipa un minam dangte lakah kilemna thu gen dinga, amah in tuipi mong khat pan tuipi mong khat dong, Eufratis Gunpi panin leimong dongin a uk ding hi.

Isaiah 52:13

Topa in, “En un; ka nasem pa a dau pai-in, amah a lianin kikoihin kilaam to dinga, sang mahmah ding hi.

Isaiah 49:5

Ama kiangah Jakob kipaipihkikin, ama kiangah Israel-te a kikaihkhop theih nadingin Topa’ mai ah kei hong kipahtawi a, Pasian pen keima thahatna suakin, ama nasem dingin ka nu sung panin keimah a hong piangsak Topa in tu-in thu hong gen hi.

Late 145:12

a vanglian nangma sepnate le na kumpi gam a hoihna, a minthannate mi khempeuh tungah kitheisak ding uh hi.

Late 98:3

Amah thutakin, it tawntungna nei ahih manin Israel-te tungah a thuciamna a tungsak hi. Leitung mi khempeuh in eiteʼ Pasianʼ gualzawhna mu khinta uh hi.

Late 93:1

Topa in uk a, vangliatna kumpi puan kisilhsak hi. Topa, kumpi puan kisilhsak a, thahatna tawh amah kidim hi. Leitung kikipsak a, kiliing ngei lo ding hi.

Late 72:19

A minthang ama min in thupha ngah tawntung henla, ama minthanna tawh leitung khempeuh kidim tahen. Amen! Amen!

Late 72:8

Ama ukna, tuipi khat pan tuipi khat, Gunpi panin leimong dongin om tawntung tahen.

Late 22:27

Leitung mi khempeuh in phawkin Topaʼ lamah kihei ding uh a, minam khempeuh in ama mai ah bia ding uh hi.

Paikhiatna 23:21

Amah thudonin ama aw ngai unla, amah lehdo kei un. Bang hang hiam cih leh amah in noteʼ thupalsatna hong maisak lo ding hi. Bang hang hiam cih leh keima min tawh nasem ahi hi.

Isaiah 52:10

Topa in minam khempeuh mai ah a vangliatna siangtho zangin ama mite hon khia hi. Leitung mi khempeuh in i Pasianʼ hotkhiatna mu ding uh hi.

Isaiah 45:22

“Leitung mi khempeuhte aw, kei lamah hong kihei unla hotkhiatna ngah un! Bang hang hiam cih leh kei pen Pasian ka hi a, kuamah dang om lo hi.

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang dinga, ka tuute gim ka pia ding hi.

Malakhi 1:5

Noteʼ mit mahmah tawh hih thupiang na mu ding uh a, “Israel gam pualam nangawn ah Topa in vangliatna nei hi,” na ci ding uh hi.

Isaiah 8:7

Tua ahih ciangin Topa in Assiria kumpipa le ama galkap honpite, a tam mahmah a piau dimletin a khang Gunpi tui bangin amaute a sim dingin hong luangsak ding hi.