Micah 5:3 - Tedim Bible Revision 2017

³ Tua ahih ciangin, numei naupaii nu, a nau a suah khit mateng, amauʼ galteʼ khut sungah Topa in a mite a pia phot hi. Ama hong khan ciangin sal a a om a gam mite a mipihte uh tawh hong kigawmkik ding hi.

Tedim Bible

³ Tua ahih ciangin, numei naupai nu, a nau a suah khit mateng, amau’ galte khut sungah Topa in amaute pia phot hi. Ama hong khan’ ciangin, sal-a om a gam mite, a mipihte uh tawh hong kigawm kik ding hi.

Micah 5:3 Referans Kwoze

Mattiu 1:21

Amah in tapa khat hong nei dinga, tua tapa in ama mite a mawhna uh panin hon khia ding ahih manin ama min dingin Jesu na phuak ding hi,” ci-in thu a gen hi.

Micah 4:7

Amaute, a cimawhin gamlapi ah om uh a, ahi zongin keimah in amaute pansa kikin, minam vanglian khatin ka bawlkik ding hi. Tua hun a kipan a tawntungin Zion mual panin amaute ka uk paisuak ding hi.

Hosea 11:8

Israel mite aw, bangci-a hong nusia thei dinga, bangci-a hong paidak thei ding ka hi hiam? Admah khua ka suksiat bangin kong susia nuam kei a, Zeboiim khua ka bawl bangin kong bawl nuam kei hi. Note hong khasiat mahmah ka hih manin tua ci banga hih ding ka lungsimah om lo hi.

Micah 7:13

Ahi zongin a tungah a teeng miteʼ gitlohna hangin, leitung pen sehnel gamkhing a suak ding hi.

Hosea 2:14

Tua ahih ciangin sehnel gamah amah ka paipihkik dinga, itna kam tawh hopihin ka zolkik ding hi.

Hosea 2:9

Tua ahih manin anlak hun ciangin ama tungah ka piak ngei an le leenggahzute ka pia nawn kei dinga, a silh dingin ka piak samul puan le saihadial puante ka pia nawn kei ding hi.

ROM (Romans) 8:29

Pasianʼ Tapa mi khempeuh lakah a upa pen a suah theih nadingin Pasian in a teel kholh sa mite, a Tapa tawh a kibang dingin a seh sa ahi hi.

Mattiu 25:40

Tua ciangin Kumpipa in amaute kiangah, ‘Note kiangah kong genin ah: Hih ka sanggamte a neu pen khat nangawn na limbawl uh ciangin kei tungah a hong bawl na hi uh hi,’ ci-in a dawng ding hi.

Mattiu 12:50

Vantungah a om ka Paʼ deihna bangin a gamta mi peuhmah ka sanggam pasal, ka sanggam numei, ka nu ahi uh hi,” ci-in a dawng hi.

Micah 6:14

An na nek hangun na kham kei ding uh a, na gil uh kial lai veve ding hi. Na na koihcing uh hangin phatuam lo ding hi. Galte in tua na koihcing uh nate susia veve ding hi.

Jeremiah 31:1

“Topa in kong cih in ah, tua hun ciangin kei pen Israel mi khempeuhteʼ Pasian ka hi dinga, amaute pen keima mite ahi ding uh hi,” a ci hi.

Isaiah 11:11

Tua ni ciangin Topa in Assiria gam, Egypt gam, Pathros gam, Ethiopia gam, Elam gam, Shinar gam, Hamath gam le tuipi gei-a gamte panin ama mi a omlaite a ngahkik nadingin a vangliatna zangkik ding hi.

2 KHANG TANGTHU NIHNATE 30:7

Note in na theih uh bangin, amauʼ pute pateʼ Topa Pasianʼ tungah a cihtak lohna uh hangin nakpi takin gim a piak na pute na pate uh le na sanggamte uh bang kei un.

1 KUMPI MASATE 14:16

Tua ciangin ama khialhna le Israel-te a khialhsakna ahi Jeroboamʼ khialhna hangin amah in Israel nusia ding hi,” a ci hi.

Amos 5:15

Thusia mudahin thupha deih unla, thukhen zumah a manin thu khen un. Tua hileh Josef minam a suakta sunte tungah Topa, Vanglian Pasian hong thunuam kha thei ding hi.

Micah 5:7

Tua ciangin a om lai Israel mite pen Topa in minam tampite adingin a piak, lopate a nosak zing daitui, lopate a khangsak guahtui, a bang ding uh hi. Amaute in mihingte muanin nei loin Pasian bek a muang ding uh hi.

Micah 5:8

A om lai Israel mite pen minam dangteʼ lakah, gamlak ah sa a beng, tuute a tuah ciangin manin balnen gawp a, a kam sung pan a hon khia zo a om lo, humpinelkai a bang ding uh hi.

Late 67:3

Pasian aw, mi khempeuh in nangmah hong phat henla, mi khempeuh in nangmah hong pahtawi tahen.

Isaiah 49:6

Amah in, “Jakob minamte a laam to ding le a suakta lai Israel mite a ngei uh a bangsakkik dingin keima nasem na hihna pen a baih lua mahmah nasep ahi hi. Keima hotkhiatna in leimong dong a phak theih nadingin minam dangte tungah khuavak ahi dingin nang kong pia ding hi,” hong ci hi.

Jeremiah 23:5

“En un, Topa in kong cih in ah, keimah in Davidʼ suan lak panin kumpi dingin a dik tat mi khat ka khan khiatsak ni hong tung ding hi. Amah gam uk siam mahmah dinga, gam sungah thuman thutang tawh thu hong khen ding hi.

Ezekiel 34:16

Keimah in a mangte zongin, a lampialte kaikhawmin, a liamte a liamma tuamsakin, a cinate damsakin, a cidam a thahatte zong a kibangin ka en ding hi. Bang hang hiam cih leh kei pen a manin a gamta tuucingpa ka hi hi.

Micah 4:4

A kuamah peuh lungnuamin a leenggui phung le a theikung nuai ah tu hithiat dinga, kuamah in patausak nawn lo ding hi. Bang hang hiam cih leh Vanglian Topa mahmah in hih thu hong gen khinta hi.

Zekhariah 10:6

Judah mite ka thahatsak dinga, Israel mite ka hon khia ding hi. Amaute ka khasiat dinga, inn ah ka ciahpih ding hi. Amaute cikmah hunin ka nial ngei loh bang keekin nuam takin a om ding uh hi. Kei pen Topa, amauʼ Pasian ka hi a, amauʼ thungetnate ka pia ding hi.