Micah 4:9 - Tedim Bible Revision 2017

⁹ Bang hangin tu-in nakpi takin kap a, numei nausuak ding bangin na sa na hi hiam? Kumpi nei lo a, na thulamlakte si ahi hiam?

Tedim Bible

⁹ Bang hangin tu-in nakpi-in kap a, numei nausuak ding bangin na sa na hi hiam? Kumpi nei lo a, na thulamlakte si ahi hiam?

Micah 4:9 Referans Kwoze

Jeremiah 8:19

Ngai un, gam sung mun khempeuh ah ka miteʼ tanute kap uh a, “Zion khua ah Topa om nawn lo ahi hiam? A kumpipa uh om nawn lo ahi hiam?” a ci uh hi. Topa in dawngkik a, “Bang hangin milim bawl tawmte le a gamdang milimte uh tawh kei hong hehsak ahi uh hiam?” a ci hi.

Hosea 10:3

A sawt loin hih mite in, “Topa kihta lo ihih manin kumpi i nei kei hi. Kumpi khat lel in eite ading bang hong hihsak thei ding ahi hiam?” ci ding uh hi.

Hosea 3:4

Hih pen kumpi ahi a, makai ahi zongin, biakpiakna le biakpiakna khuampite ahi zongin, siampi puanpi le milim pasian-te nei loin hun saupi sung Israel mite om ding a cihna ahi hi.

Kah la 4:20

Amaute in galteʼ khut sung panin a hong huh zo dingin ka up uh, Pasianʼ teel a muanhuai kumpi a hong matsak uh hi.

Jeremiah 50:43

Babylon kumpipa in tua thu za khinzo a, bangmah a cih thei kei hi. Lungkhamin lumcip a, nupi nausuak ding bangin na a sa hi.

Jeremiah 22:23

Lebanon gam panin a kila taamtak inn sungah nuam takin na teeng uh hi. Ahih hangin gimna hong tun ciangin bangzah takin na tau ding uh hiam? Numei nausuak dingte tawh na kibang ding uh hi.

Jeremiah 4:21

Bang tanvei gal kisimna mu lai ding ka hi hiam? Bang tanvei peengkul aw za lai ding ka hi hiam?

Isaiah 26:17

Topa aw, nangma hangin kote pen naupaii numei a hun a nai ciangin na sa-in kiheek a, a kap tawh ka kibang uh hi.

Isaiah 21:3

Tua ahih ciangin ka kawng na a, nausuak numei in na a sak bangin na ka sa hi. Khua a za thei lo zah dongin a kuncipin ka om a, khua a mu thei lo zah dongin lungkia-in ka om hi.

Isaiah 13:8

Amaute in gim mahmahna le nat velvalna thuak ding uh a, numei nausuak ding bangin na sa ding uh hi. Amaute khatlekhat lamdangsakna tawh ki-en ding uh a, a maitangte un gimna mel pua ding hi.

Johan 16:21

Numei in a ta a suah hun a tun ciangin na sa ahih manin a dah hi. Ahi zongin a ta a suah khit ciangin leitungah naungek khat a piangsak khin ahihna hangin lungdamin a natna teng a mangngilh ta hi.

Mangmuhna 12:2

Tua numei naupaii hi a, nausuah natna tung ta ahih manin na sa-in a kiko hi.

Jeremiah 48:41

A khuapite kila-in a kulhpite zong kila ding hi. Tua ni ciangin Moab galkapte nupi nausuak ding bangin a lau ding uh hi.

Hosea 13:13

Israel mite, naungek bangin a suahkhiat hun tung napi-in, a hai luat manun suak khia loin a nu uh sung mahah omom lai uh hi.

Micah 5:3

Tua ahih ciangin, numei naupaii nu, a nau a suah khit mateng, amauʼ galteʼ khut sungah Topa in a mite a pia phot hi. Ama hong khan ciangin sal a a om a gam mite a mipihte uh tawh hong kigawmkik ding hi.

Jeremiah 4:31

Nau a suak ding numei a kiko bang khat ka za a, tacil a suak numeiʼ tauna tawh kibang hi. Zionʼ tanu husam liangin a kikona aw na hi a, a khut tegel zakin, “Gimna ka thuak ding hi. Kei hong that ding uh hi,” a ci hi.

Jeremiah 30:10

“Tua ahih manin Topa in kong cih in ah: Ka nasem pa Jakobʼ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong hon khia dinga, na suan na khakte uh a saltanna uh panin ka hon khia ding hi. Jakobʼ suante hong ciah ding uh a, nuam takin a tengkik ding uh hi. Kuamah in amaute a lausak nawn kei ding hi.