Micah 4:7 - Tedim Bible Revision 2017

⁷ Amaute, a cimawhin gamlapi ah om uh a, ahi zongin keimah in amaute pansa kikin, minam vanglian khatin ka bawlkik ding hi. Tua hun a kipan a tawntungin Zion mual panin amaute ka uk paisuak ding hi.

Tedim Bible

⁷ Khebaite ka om sak lai ding a, a kipaikhia mite a thahat minamte ka hisak ding hi. Tua hun akipan a tawntungin, Zion Mual panin amaute ka uk paisuak ding hi.

Micah 4:7 Referans Kwoze

Luka 1:33

Jakob suanlekhakteʼ kumpi hi paisuak dinga, ama ukna bei hun cih omngei lo ding hi,” a ci hi.

Micah 7:18

Topa aw, nang tawh a kibang Pasian dang om lo a, a om lai na miteʼ mawhna nangmah in na maisak hi. Nang na heh paisuak kei a, na itna kip nong lak hi.

Micah 2:12

Ahi zongin no Israel mi a omlaite khempeuh pel het loin kong kaikhawmkik ding hi. Tuubuk sunga tuu khum bangin, gankhawk sungah tuu hon kaihkhop bangin note kong kaikhawmkik dinga, na gam sung uh, mi tampiteʼ husa tawh kidimkik ding hi, ci hi.

Daniel 7:14

Amah in vangliatna, minthanna le kumpi za ngah ahih manin minamkimte, minam tuamtuamte, pau nam tuamtuamte khempeuh in ama na a sem ding uh ahi hi. Amah in a tawntungin uk dinga, a kumpi gam a bei ngei kei ding hi.

Isaiah 24:23

Tua ciangin khapi mial dinga, ni taang nawn lo ding hi. Bang hang hiam cih leh Vanglian Topa in Zion Mual tung le Jerusalem khua sungah uk dinga, ama upateʼ mai ah ama minthanna vang kilangsak ding hi.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpi takin aw hong ging a, “Leitung uk nading aana neihna pen i Topa Khris aʼ hong suak khin a, amah in a tawntungin uk paisuak ding hi,” hong ci hi.

Micah 5:3

Tua ahih ciangin, numei naupaii nu, a nau a suah khit mateng, amauʼ galteʼ khut sungah Topa in a mite a pia phot hi. Ama hong khan ciangin sal a a om a gam mite a mipihte uh tawh hong kigawmkik ding hi.

Joel 3:17

Tua ciangin Topa in, “Israel-te aw, ka mual siangtho Zion tungah a teeng keimah pen Topa noteʼ Pasian ka hihna na hong thei ding uh hi. Jerusalem pen a siangtho biakna khuapi hi dinga, gamdang mite in zokik nawn lo ding uh hi.

Hosea 1:10

Ahi zongin, teh zawh loh, sim zawh loh zah dongin tuipi sehnel bangin Israel mite tampi pha ding uh a, tua hunin, “Note ka mi hi lo,” a kicih hangin ni khat ni ciangin, “A nungta Pasianʼ tate,” kici ding hi.

Daniel 7:27

“Hih leitung kumpi gam, vangliatna le liatna khempeuh a Lianpen Pasianʼ mite tungah a kipia ding hi. Amauʼ kumpi za cikmah hunin bei ngei lo dinga, leitung ukna za a nei khempeuhte in a thu uh mangin amauteʼ na a sem ding uh hi,” hong ci hi.

Isaiah 66:8

A tua ci bang kuaʼn za ngei na hi uh hiam? A tua ci bang kuaʼn mu ngei na hi uh hiam? Ni khat thu-in gam khat piang ngei ahi hiam? Tomno khat sungin minam khat piang khia ngei ahi hiam? Bang hang hiam cih leh Zion in nausuak gimna a thuak phetin a minamte suak khia pah hi.

Isaiah 60:22

A ngek pen mipa minam khat suak dinga, a neu pente milianpi suak ding hi. Kei pen Topa ka hi hi. A hun a tun ciangin keimah in thakhatin hih thu ka tungsak ding hi.

Isaiah 6:13

Mi sawm-ah-khat bang a om lai tei hangin, taak kung le tawsaw kungte a kiphuk khit ciangin a bulsum a omlaite mei tawh a kihalkik bangin amaute zong kisusia ding hi,” hong ci hi. (A bulsum pen Pasianʼ mite a kipat thakna ding lahna lim ahi hi.)

Late 2:6

“Ka mual siangtho Zion tungah ka kumpi ka tusak khin hi,” ci hi.

Isaiah 16:5

itna kip tawh kumpi tokhom khat kiphut dinga, thuman sep ding a manlang, thutang zongin thu a khen mipa pen Davidʼ buk sunga om tua tokhom tungah thuman tawh tu ding hi,” a ci uh hi.

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo dinga, tua gam in gamdang khempeuhte zo gawpin a kip tawntung ding hi.

Daniel 4:34

Tua ciangin kumpipa in, “A kiseh sa hun a cin ciangin keimah Nebukhadnezzar in vantung lam ka en to a, khua ka phawkkik hi. A nungta tawntung a Lianpen Pasianʼ min phatin, zahtakna le minthanna ka pia hi. “Amah in a tawntungin uk dinga, ama gam kip tawntung ding hi.

Joel 2:32

Ahi zongin Topaʼ tungah huhna a ngen khempeuh in hotkhiatna a ngah ding uh hi. Topaʼ gen sa bangmahin Zion Mual le Jerusalem khua sungah a suakta mi om ding uh hi. Topa in a teel mite, suakta ding uh hi.

Zefaniah 3:13

Israel mi a om lai sunte, midangte tungah gilo nawn lo ding uh a, zuau thu gen nawn loin, mi khem ding zong ngaihsun nawn lo ding uh hi. Amaute cithei-in lungmuangin om ding uh a, kuamah kihta nawn loin om ding uh hi,” a ci hi.

Ezekiel 43:7

“Mihing ahi Ezekiel aw, hih lai munah ka kumpi tokhom om hi. Israel mite lak hih lai munah ka teng dinga, amaute ka uk tawntung ding hi. Israel mite le a kumpite un pasian dang biakna tawh ahi a, a kumpi si sate uh phawk nading mual bawlna tawh ahi zongin ka min siangtho daisak ngei nawn lo ding uh hi.

Obadiah 1:21

A gualzo Jerusalem khua mite in Esauʼ gam simin uk ding uh a, tua gam pen Topaʼ gam ahi ding hi.

Micah 2:13

Pasian in note ading lampi hong honsakin hong paikhiatpih ding hi. Salsuahna khuapi kulh panin pai khia-in na suakta ding uh hi. Kumpi ahi Topa mahmah in note hong makai ding hi.

Zefaniah 3:20

Tua hun ciangin, a kithehthang na mite uh kong kaikhawm dinga, leitung mi khempeuh in note hong phat ding uh hi. A tawpna ah note na citheikik ding uh hi,” Topa in ci hi, a ci hi.