Micah 4:5 - Tedim Bible Revision 2017

⁵ Bang hang hiam cih leh midangte in amauʼ pasian ciat bia-in a thu mang ding uh a, ahi zongin eite in ahihleh eima Topa Pasian mah a tawntungin bia-in ama thu i mang ding hi.

Tedim Bible

⁵ Bang hang hiam cih leh mi khempeuh in, amau’ pasian ciat bia-in a thu mang ding uh a, ahi zongin eite in i hih leh i Topa Pasian a tawntungin bia-in a thu i mang ding hi.

Micah 4:5 Referans Kwoze

Zekhariah 10:12

Ka mite ka thahatsak dinga, amaute in kei hong bia-in ka thu hong mang ding uh hi, Topa in ci hi.

Kolose 3:17

Na kampauna, na gamtatnate khempeuh uh ah, Topa Jesu hangin Pa Pasian tungah lungdam kohna-in Jesu min paulamin na hih ding uh hi.

Joshua 24:15

Topaʼ na na sepnop kei uh leh, Gun gal khat a, a na na sepsak uh na pu na pate uh pasian ahi a, noteʼ teenna gam Amor miteʼ pasian ahi zongin, a na na sepsak ding peuhpeuh uh tu ni-in teel un. Ahih hangin kei le ka innkuanpihte in ka hih uh leh Topaʼ na ka sem ding uh hi,” a ci hi.

Isaiah 2:5

Jakobʼ suanlekhakte aw, hong pai un; Topa’ khuavak sungah gamta ni.

Kolose 2:6

Note hong honpa dingin Topa Khris na san sa uh ahih mah bangin amah tawh hoihtakin kipawlin nungta un.

Isaiah 26:8

Topa aw, nangma deihna kong zui uh a, nang kong ngak uh hi. Nang pen koteʼ deih kicinna na hi hi.

2 KUMPI NIHNATE 17:34

Tu ni dongin amaute in a nidang a ngeina bangin gamta uh hi. Amaute in Topa bia lo uh hi. Israel min a phuah Jakobʼ suanteʼ Topa in a thupiak thukhamte ahi a, ngeina kipte ahi a, zuih ding ngeinate ahi a, a thupiakna ahi zongin amaute in zui lo uh hi.

2 KUMPI NIHNATE 17:29

Ahih hangin minam khempeuh in amauʼ pasian ciat bawl uh a, minam khempeuh in amauʼ teenna khuapi sung, Samariateʼ bawl sa mual tunga biakna munte ah tuate koih uh hi.

Piancilna 17:1

Abram kum sawm kua le kum kua a phak ciangin ama tungah Topa kilang a, “Kei, Vanglian Pasian ka hi hi. Hoihtakin gamta inla, paubaang kei in.

Late 71:16

Topa Pasian aw, na nasep liante ka phat dinga, na thumanna bek genin ka nei ding hi.

Sawltak 14:16

A beisa hun sungah Pasian in mi khempeuh amau ut bang ciatin hong gamtasak hi.

Isaiah 26:13

Topa, koteʼ Pasian aw, nang ahi lo to dangte in ko tungah hong uk hangin, nangmah bek mah koteʼ Topa na hi hi.

Thu-hilhkikna 27:10

Tua ahih ciangin Topa noteʼ Pasianʼ thu mangin, tu ni-a kong gen uh ama thupiaknate le ama thukhamte na zui ding uh hi,” a ci uh hi.

Late 20:6

Topa in a sathau nilh pa a huh ding tu-in ka thei ta a, ama vantung siangtho panin amah dawng dinga, a vangliatna tawh amah gualzosak ding hi.

Jeremiah 32:40

Amaute tungah a tawntungin hoihna ka bawl den nadingin amaute tawh tawntung thuciamna khat ka bawl ding hi. Kei kiang panin a kiheikhiat loh nadingun amaute sungah kei hong zahtak nading uh lungsim ka guan ding hi.