Micah 4:13 - Tedim Bible Revision 2017

¹³ Topa in hih bangin ci hi: Jerusalem khua mite aw, kipan unla, na galte uh su gawp un. Sumngo khe le sik ki a nei bawngtal bangin note kong thahatsak ding hi. Minam tampite na su gawp zo ding uh a, amauʼ neihsa teng keima-aʼ na suaksak ding uh a, amauʼ hauhna teng leitung buppiʼ Topaʼ neihsa na suaksak ding uh hi.

Tedim Bible

¹³ Topa in hih bangin ci hi: Jerusalem khuamite aw, kipan un la, na galte uh sugawp un. Sumngo khe leh sik ki a nei bawngtal bangin note kong thahatsak ding hi. Minam tampite’ na sugawp zo ding uh a, amau’ neihsa teng keima aa na suaksak ding uh a, amau’ hauhna teng, leitung khempeuhte’ Topa’ neihsa na suaksak ding uh hi.

Micah 4:13 Referans Kwoze

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo dinga, tua gam in gamdang khempeuhte zo gawpin a kip tawntung ding hi.

Isaiah 23:18

Ama sumbuk vante le ama sepna panin a ngah nate pen Topa’ tungah kipia ding hi. Ahih hangin tuate kikholcip mawk loin, Topa a bia miteʼ an ding le puan hoih nono leina-in kizang ding hi.

Isaiah 18:7

Tua hun ciangin, amauʼ gam gunpi in a phelkhap, a vanglian a gualzo minam, a nai a gamla ah a kikihta mi, a tun sang mi, a cineel mite kiang panin Vanglian Topa’ min omna Zion mual, Vanglian Topa’ tungah letsong hong kipuak ding hi.

1 KORIN MASA 16:2

Kei ka hong pai ciangin sumpi kaihkhop tawm a om loh nadingin na ngahna uh tawh kizui-in Nipi simin na tuam koih unla, na na khol un.

Zekhariah 6:5

Tua ciangin amah in hong dawng a, “Hihte pen huih leeng li a cihnopna hi a, leitung khempeuhteʼ Topaʼ kiang panin a hong paikhia ahi uh hi,” hong ci hi.

Zekhariah 4:14

Tua ciangin amah in, “Leitung khempeuhʼ Topaʼ na a sem dingin Pasian in teelin sathau a nilh mi nihte a cihnopna ahi hi,” hong ci hi.

Jeremiah 51:33

Vanglian Topa, Israel-teʼ Pasian in ka hong genin ah, Babylon mite tawl khat khit ciangin an lak bangin kila dinga, sual tunga ancil bangin a kicil gawp ding hi.

Late 68:29

Jerusalem-a na biakinn hangin kumpite in nang tungah letsong hong puak uh hi.

Joshua 6:19

Ahih hangin ngun le kham, sumngo le sik tawh kibawl nazatte Topa adingin a siangtho ahi hi. Topaʼ sumkoihna ah tuate tung ding hi,” a ci hi.

Isaiah 5:28

Amauʼ thaltangte hiam a, a thal khempeuh uh a kikeek sa ahi hi. Amauʼ sakolteʼ khecinte meisuang bangin sak a, a leengpeite uh pingpei bangin manlang hi.

Late 72:10

Tarshish kumpite le tuikulh neu-a kumpite in ama tungah siah pia uh henla, Sheba le Seba kumpite in letsong puak ta uh hen.

Thu-hilhkikna 33:25

Na khuapite, sik le sumngo tawh kidal dinga, na nuntak lai teng na thahatna tua bang hi ding hi,” a ci hi.

Isaiah 21:10

A kicil sa, a kiseep sa keima mite aw, Israel-teʼ Pasian, Vanglian Topa’ tung panin ka zak sa thu teng note tungah kong gen hi.

Jeremiah 51:20

“Babylon aw, nang pen ka sekpi le ka galhiam na hi a, nang hong zangin gamdangte ka satnen a, kumpi gamte ka susia hi.

Hosea 10:11

Israel pen limtakin a kihilh sa, an a cil nuam bawngla tawh kibang hi. Ahi zongin a etlawm a ngawngzang ah kol bulhin lo khawhsak ding ka ngaihsun hi. Lokhawhna leeng, Judah ka kaisak a, lei kalhkhapna singka, Israel ka kaisak hi.

Habakkuk 3:12

A hehsa-in leitungah na pai a, a sin so sa-in minamte na tuancil hi.

Late 24:1

Leitung le a tunga omte, leitung le a tunga teengte Topa-aʼ ahi hi.

Micah 5:7

Tua ciangin a om lai Israel mite pen Topa in minam tampite adingin a piak, lopate a nosak zing daitui, lopate a khangsak guahtui, a bang ding uh hi. Amaute in mihingte muanin nei loin Pasian bek a muang ding uh hi.

Zekhariah 12:3

Tua hun hong tun ciangin suangtumpi gik mahmah bangin Jerusalem khuapi ka bawl dinga, likkhiat a sawm minam khat peuhpeuh in liamlawh ding hi. Leitung minamdang khempeuh kipawlin Jerusalem a sim ding uh hi.

Zekhariah 12:6

“Tua ni ciangin Judah minamte, tulak kaang le buhphual kaang ka bangsak dinga, a kiim a om minam dangte khempeuh a susia ding uh hi. Ahi zongin Jerusalem mite, a khuapi sungah lungmuangin a om hithiat ding uh hi.