Micah 3:7 - Tedim Bible Revision 2017

⁷ Hih bang thugen kamsangte, a thugen kholhna uh Pasian in a tunsak loh manin maizumin mindai ding uh hi.

Tedim Bible

⁷ Kamsanngte in maizumna thuak ding uh a, thu-mu theite in zumna thuak ding uh hi; amaute in a muk uh hum ding uh hi, bang hang hiam cih leh Pasian’ dawnna om lo hi.

Micah 3:7 Referans Kwoze

Zekhariah 13:4

Tua ni hong tun ciangin kamsangte in a maangmuh theihna uh kisialh pih ngam nawn loin, kamsangte bangin zong puan silh ngam nawn loin, kamsang zong kineih ngam nawn lo ding uh hi.

Isaiah 44:25

Zuau thu genteʼ hilhkholhna limte a siasak pa, aisante pen mihai a suaksak pa, mipilte leh heikikin, amauʼ thutheihte haina a suaksak pa;

Amos 8:11

“Keimah in leitungah kialpi kong tunsak hun hong tung ding hi. Tua kialpi pen anletui duhna kialpi hi lo dinga, Topaʼ thu zaknop mahmahna kialpi hi ding hi. Topa Pasian ahi keimah in hih thu kong gen khin hi.

Ezekiel 24:17

Miteʼ zakin zong na kidik kei dinga, dahna limin lukhu khu lo, khedap bulh lo, cih bangin zong na om kei ding hi. Na mai zong na khuh kei dinga, a dahteʼ annekte pawl zong na ne kei ding hi,” a hong ci hi.

1 SAMUEL MASA 28:6

Saul in Topa tungah thu a dot ciangin, Topa in mang tawh hitaleh, Urim tawh hitaleh, kamsangte tawh hitaleh dawng lo hi.

Siampi Laibu 13:45

“Tua natna a nei miphak pa in puan kekte silhin a sam phiahsak dinga, amah in a muk humin, ‘Nin, nin!,’ ci-in kiko ding hi.

Micah 7:16

Minam dangte in hih thu mu ding uh a, minam thahat hi napi-in a maizum ding uh hi. Lamdang sa-in kam khat zong pau lo ding uh a, hih thu a zakzakna un a bil uh ngong liang ding hi.

Ezekiel 24:22

Tua ciangin keima gamtat bangin note gamta-in, na mai uh na khuh kei ding uh a, a dahteʼ annekte pawl zong na ne kei ding uh hi.

Late 74:9

Kote in ka mailam thu ding uh ka thei kei uh hi. Kamsang khat zong om nawn lo a, bang tanvei hi ding, ci-in a thei kuamah ka om kei uh hi.

1 SAMUEL MASA 28:15

Tua ciangin Samuel in Saul kiangah, “Bang hangin keimah sap tohna tawh hong nawngkaisak na hi hiam?” a ci hi. Saul in dawngin, “Nakpi takin ka lungkham hi; Filistia-te in kei hong sim a, kei kiang panin Pasian kihei khia-in kamsangte tawh ahi a, mang tawh ahi zongin hong dawng nawn lo hi. Tua ahih ciangin ka gamtat nading zia a hong gen dingin nang kong sam hi,” a ci hi.

1 SAMUEL MASA 14:37

Tua ciangin Saul in Pasian kiangah thu dong a, “Filistia-te kiangah ka pai suk ding hiam? Israel-teʼ khut sungah amaute nong pia ding hiam?” a ci hi. Ahih hangin tua ni-in amah in dawng lo hi.

1 SAMUEL MASA 9:9

(Tua ma lai-in Israel-te sungah mi khat in Pasian kiangah thu dong dingin a pai ciangin amah in, “Hong pai in, thumu pa kiangah va pai ni,” ci hi. Bang hang hiam cih leh tu hun a kamsang i cihte tua ma-in thumu pa kici hi.)

Paikhiatna 9:11

Mitphial siamte in meimatum veina hangin Moses dem zo nawn lo uh hi. Bang hang hiam cih leh mitphial siamte le Egypt mite khempeuh in meimatum vei uh hi.

Micah 3:4

Topaʼ tungah huhna ngenin na kiko hun uh hong tung dinga, ahi zongin amah in note hong dawng lo ding hi. Note gamtat sia na hih manun, na ngetna uh hong ngai lo ding hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite a hong hilh dingin siampite ahi zongin, i dot ding mipilte ahi zongin, Pasianʼ thu a hong gen dingin kamsangte ahi zongin i nei hi. Hong pai un, amah mawhsakin ama thu peuhmah mal khat zong i mang kei ding hi,” hong ci uh hi.