Micah 3:6 - Tedim Bible Revision 2017

⁶ “Keima mite lam khialsak na hih manun mailam thu gen theihna maang na mu nawn kei ding uh a, mailam thu peuhmah na gen thei nawn kei ding uh hi. Kamsangte aw, noteʼ hun bei ta dinga, ni in hong tum san ta ding hi,” ci hi.

Tedim Bible

⁶ “Ka mite lam khialsak na hih manun, mailam thugen theihna maang na mu nawn kei ding uh a, bangmah na genkhol thei nawn kei ding uh hi. Kamsangte aw, note’ hun bei ta ding a, ni in hong tumsan ta ding hi,” ci hi.

Micah 3:6 Referans Kwoze

Isaiah 29:10

Bang hang hiam cih leh Topa in noteʼ sungah ihmut nopna lungsim hong guan a, amauʼ mit ahi kamsangte mit si sakin amauʼ lutang ahi thu mu theite khuhcip hi.

Isaiah 59:10

Mittaw bangin kawm i zawt a, mit nei lote bangin i mai hi. Sun tang laipi mahin khuamial lak bangin i tuk a, a hat mite lakah misi tawh i kibang hi.

Jeremiah 15:9

Ta sagih a nei nupi khakham vei-in a sibup hi. Sunkim lai hi napi ama adingin khuamial bang a, maizumna le mindaina a thuak hi. No a nungta laite na galte un namsau tawh a hong sat lup dingun kong pia ding hi, Topa in kong ci hi,” a hong ci hi.

Jeremiah 13:16

Topa in khua mialsak a, khua mialna mual tungah na tuk ma un, na lamet uh khuavak pen khuamial bikbek a suah ma-in, Topa na Pasian uh pahtawi un.

Late 74:9

Kote in ka mailam thu ding uh ka thei kei uh hi. Kamsang khat zong om nawn lo a, bang tanvei hi ding, ci-in a thei kuamah ka om kei uh hi.

Ezekiel 7:26

Lungkhamna khat khit khat a banbanin na tuak ding uh a, thusia bekbek na zaza ding uh hi. Kamsangte kiangah thu na dong ding uh hi. Siampite in mite tungah hong hilh ding thu thei lo ding uh a, upate in hong gen ding mel thei lo ding uh hi.

Amos 8:11

“Keimah in leitungah kialpi kong tunsak hun hong tung ding hi. Tua kialpi pen anletui duhna kialpi hi lo dinga, Topaʼ thu zaknop mahmahna kialpi hi ding hi. Topa Pasian ahi keimah in hih thu kong gen khin hi.

Micah 2:6

Amaute in kei kiangah, “Tua bang thu hong gen kei in. Tua bang thu gen dingin kilawm lo hi. Tua bangin Pasian in hong minsiasak lo ding hi,” hong ci uh hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite a hong hilh dingin siampite ahi zongin, i dot ding mipilte ahi zongin, Pasianʼ thu a hong gen dingin kamsangte ahi zongin i nei hi. Hong pai un, amah mawhsakin ama thu peuhmah mal khat zong i mang kei ding hi,” hong ci uh hi.

Ezekiel 13:9

Zuau thu tawh maang mu kineihin, mite a khialh theih nadingin zuau thu a gen khol no kamsangte gim a hong pia ding ka hi ta hi. Ka mite a kikhop uh ciangin tuate lakah na kihel kei ding uh a, Israel miteʼ min a kigelhna lakah noteʼ min kigelh lo ding hi. Na gam uh ah na ciahkik ngei nawn kei ding uh hi. Tua ciangin Topa Pasian ka hihna thu na hong thei ding uh hi.