Micah 3:5 - Tedim Bible Revision 2017

⁵ Sum a pia zo mite kiangah thunuam gen a, a pia lo mite kiangah gal tuah ding a gen kamsangte in mite lam a khialsak uh hi. Topa in tua bang kamsangte kiangah,

Tedim Bible

⁵ Sum a pia zo mite kiangah thunuam gen a, a pia lo mite kiangah, gal tuah ding a gen, kamsangte in mite lam khialsak uh hi. Topa in tua bang kamsangte kiangah,

Micah 3:5 Referans Kwoze

Jeremiah 6:14

Amaute in ka miteʼ thuaknate thupi simsak lo uh a, hoihna om keei lopi, ‘Hoih hi, hoih hi,’ ci mawkmawk uh hi.

Jeremiah 23:32

En un, Topa in kong genin ah, ka sawl lohpi zuau mang manin tua thu hilh a, a zuau thu uh le a kiphatsakna uh tawh ka mite lam a khialhpih miteʼ lang khat ah kei ka pang hi. Ka mite adingin amaute a kimanna uh themkha beek om lo hi, Topa in kong ci hi.

ROM (Romans) 16:18

Tua bang mite in i Topa Khrisʼ na a sem hi loin, gilpi vai bek a sem uh ahi hi. Amaute in mite phatin kam khum nono zang uh ahih manin mihoih pawl khat a khem zo uh hi.

Mattiu 15:14

Hih mite lunghihmawh ngaihsut kei un. Amaute pen mittaw makai ahi uh hi. Mittaw khat in mittaw dang khat makaih leh a nihun hawkguam sungah kia khawm ding uh hi,” ci-in a dawng hi.

Mattiu 7:15

“Kamsang taktak ahi lote na muh uh ciangin limtakin kikem un. Amaute in a tungtham ah tuu lim hong pua-in, ahi zongin a sung tawng taktak uh ngia hangsan bang ahi uh hi.

Malakhi 2:8

“Ahi zongin, no siampite na hih uh leh lampi man panin na pial khin uh hi. Na thuhilhnate un mi tampi tak khialsak hi. Note tawh ka bawl thuciamna na palsat khin uh hi.

Micah 3:11

Khuapi ukte in sumgolh ngah theih nading ngaihsutna bek tawh thu khen a, siampite in sum ngah theih nading ngaihsutna bek tawh thu gen a, kamsangte in zong sum ngah theih nading ngaihsutna bek mah tawh mailam thu gen khol uh hi. Tua bang hi napi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Micah 2:11

Zuau genin khemna tawh thu gen kawikawi a, “Note adingin leenggahzu le khamtheih zu tampi tak hong om ding hi,” a hong ci kamsangte pawl, noteʼ deih kamsangte ahi hi.

Jeremiah 23:27

A pute a pate un keiʼ min hong mangngilhin Baal a biak uh bangin a mangmat uh a gen kawikawina uh tawh ka mite in ka min hong mangngilh ding uh hi, ci-in a ngaihsun uh hi.

Isaiah 3:12

Keima mite ahihleh naupangte in bawlsia uh a, numeite in zong uk uh hi. Ka mite aw, na makaite un note lam hong lakkhial a, noteʼ lampi zuih pen hong siasak hi.

Joel 3:9

“Minam dangte tungah hih bangin thu zaksakna bawl in: Galhang mite sam unla, galdo dingin kithawi un. Galkap khempeuh kaikhawmin hong kuan un!

Paunak 28:21

Mi langbawlna hoih lo a, ahi zongin letsong neucik khat hangin thukhente gamta khial thei zel hi.

Jeremiah 6:4

Amaute in, “Jerusalem khua a sim dingin kisa un. Tho un, sun ciangin i sim ding hi,” a ci ding uh hi. Ahih hangin amau mah in, “Citciat aw, zekai lua hang! Ni tum dektak ta a, i liimte sau keei ta hi.

Kah la 2:14

Na kamsangte un zuau thu longal thudang gen ding nei lo uh a, a thuhilhna uh khemna thu bek ahih manin, a khial na hih lam uh a hong hilh tel kei uh hi. Amaute in lam hong lakkhial uh a, kisikkik theih nading hun a hong pia kei uh hi.

Ezekiel 13:9

Zuau thu tawh maang mu kineihin, mite a khialh theih nadingin zuau thu a gen khol no kamsangte gim a hong pia ding ka hi ta hi. Ka mite a kikhop uh ciangin tuate lakah na kihel kei ding uh a, Israel miteʼ min a kigelhna lakah noteʼ min kigelh lo ding hi. Na gam uh ah na ciahkik ngei nawn kei ding uh hi. Tua ciangin Topa Pasian ka hihna thu na hong thei ding uh hi.

Hosea 4:5

A sun a zan cih om loin na nasepnate uh a kimanna mel om lo hi; kamsangte zong note bangmah hi lel hi. Na nu uh Israel ka susia ding hi.