Micah 3:4 - Tedim Bible Revision 2017

⁴ Topaʼ tungah huhna ngenin na kiko hun uh hong tung dinga, ahi zongin amah in note hong dawng lo ding hi. Note gamtat sia na hih manun, na ngetna uh hong ngai lo ding hi.

Tedim Bible

⁴ Topa tungah huhna ngenin na kiko hun uh hong tung ding a, ahi zongin amah in note hong dawng lo ding hi. Note gamtatsia na hih manun, na ngetna uh hong ngai lo ding hi.

Micah 3:4 Referans Kwoze

Isaiah 1:15

“Thungenin na khutte uh nong zaak uh ciangin note kong en kei dinga, thu tampi na nget uh hangin keʼn ka ngai tuan kei ding hi. Bang hang hiam cih leh sisan tawh noteʼ khut kidim hi.

Paunak 1:28

Tua bang hun ciangin kei nong sam ding uh a, ahi zongin kong dawng kei ding hi. Limtakin kei nong zong ding uh a, ahi zongin koi mahah nong mu kei ding uh hi.

Ezekiel 8:18

Tua ahih manin amaute in ka heh mahmahna thuak ding uh a, amaute zah loin, zong ka khasiat kei ding hi. Amaute in a thaneih tawpun kei kiangah thu hong nget uh hangin amauteʼ thungetna ka ngai kei ding hi,” a hong ci hi.

Late 18:41

Huh nading ngenin amaute kikoko uh a, ahih hangin a hon ding kuamah om lo hi. Amaute in Topaʼ tungah ko uh a, ahih hangin amah in dawng lo hi.

Jeim 2:13

Bang hang hiam cih leh hehpihna lungsim a nei lote tungah Pasian in thu a khen ciangin hehpih lo dinga, hehpihna lungsim a neite tungah Pasian in thu a khen ciangin a hehpihna in zo zaw ding hi.

Mattiu 7:22

Tua ni ciangin mi tampi in kei kiangah, ‘Topa, Topa aw, nangma min tawh thu hilhin, nangma min tawh dawite hawl khia-in, nangma min tawh nalamdang lian tampi bawl hi lo ka hi uh hiam?’ hong ci ding uh hi.

Isaiah 3:11

Migilo in gimna ngah tahen! Midang tungah a gitloh gamtatna tawh kizui-in ama tungah kithukkik ding ahih manin ama tungah thu sia ding hi.

Johan 9:31

Pasian in thukham a palsat miteʼ thu ngai lo a, amah bia-in, ama deih bangin a gamta miteʼ thu ngai hi, ci-in ko ka thei uh hi.

Luka 13:25

Inn nei pa hong tho-in kong hong khak ciangin, note kong pua lamah dingin kongkhak na kiu ding uh a, ‘Topa aw, kote zong kong hong hon in,’ na ci ding uh hi. Amah in, ‘Note koi lai panin a hong pai na hi uh hiam kong thei kei hi,’ ci-in hong dawng ding hi.

Zekhariah 7:13

Amaute ka hopih ciangin hong ngai nuam lo uh hi; kei zong amauteʼ hong thungetna ka ngai kei ding hi, Vanglian Topa in ci hi.

Jeremiah 33:5

Ka hehna le ka thangpaihna tawh ka thah lup ding misi luangte tawh a kidimsak dingin Khaldea mite in a hong sim ding uh hi. Bang hang hiam cih leh khuapi sunga a om miteʼ gitlohna hangin hih khuapi panin ka mai ka seel hi.

Jeremiah 5:31

Kamsangte in thuman gen lo uh a, siampite in zong amauʼ ut bangun a uk uh hi. Ka mite in phamawh sa lo sawnsawn uh hi. A tawpna hun hong tun ciangin bang cih ding uh ahi hiam, Topa in ci hi, ci-in gen in,” hong ci hi.

Paunak 28:9

Mi khat in thukham a zuih nop kei leh ama thungetna nangawn Pasian in zakthadah huai sa hi.

1 SAMUEL MASA 8:18

Tua ni ciangin note adingin na teel sa uh na kumpipa uh hangin note na kiko ding uh a, ahih hangin tua ni ciangin Topa in note hong dawng lo ding hi,” a ci hi.

JOB (Job) 27:9

Lungkhamna a thuak uh ciangin Pasian in amauʼ kikona awging ngai ding ahi hiam?

JOB (Job) 35:13

Ngetnget, gengen, a phattuamna bangmah om lo hi. Vanglian Pasian in na mu lo, na ngai lo hi.

Jeremiah 11:11

Tua ahih ciangin Topa in kong cih in ah, en un, a pelh theih loh uh gimna amauʼ tungah ka tungsak dinga, kei kiangah a hong kap liang uh zongin ka dawng nawn kei ding hi.

Jeremiah 14:12

An a tan uh hangin amauʼ thumna ka ngai kei dinga, meihal biakna le an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisak zaw ding hi,” hong ci hi.

Micah 3:7

Hih bang thugen kamsangte, a thugen kholhna uh Pasian in a tunsak loh manin maizumin mindai ding uh hi.

Micah 7:13

Ahi zongin a tungah a teeng miteʼ gitlohna hangin, leitung pen sehnel gamkhing a suak ding hi.