Micah 3:11 - Tedim Bible Revision 2017

¹¹ Khuapi ukte in sumgolh ngah theih nading ngaihsutna bek tawh thu khen a, siampite in sum ngah theih nading ngaihsutna bek tawh thu gen a, kamsangte in zong sum ngah theih nading ngaihsutna bek mah tawh mailam thu gen khol uh hi. Tua bang hi napi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Tedim Bible

¹¹ Khuapi ukte in sumgolh ngah nading bekin thu khenin, siampite in sum ngah nading bekin thu gen uh a, kamsangte in zong sum ngah theih nading bek mahin, mailam thu genkhol uh hi. Tua bang hi napi-in amaute in Topa, muan’in nei uh a, “Topa in eite hong ompih a, i tungah siatna hong tung lo ding hi,” ci uh hi.

Micah 3:11 Referans Kwoze

Jeremiah 6:13

Bang hang hiam cih leh a neu pen pan a lian pen dongin, thuman lopi tawh sum zongin a huaiham uh hi. Kamsangte a kipan siampite dongin thuman lo khin uh hi.

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh le letsong a deih uh hi. Amaute in pa nei lote panpih lo uh a, meigongnuʼ thu amaute in sang lo uh hi.

Micah 3:5

Sum a pia zo mite kiangah thunuam gen a, a pia lo mite kiangah gal tuah ding a gen kamsangte in mite lam a khialsak uh hi. Topa in tua bang kamsangte kiangah,

Jeremiah 7:4

‘A muanhuai sungah i om hi. Hih pen Topaʼ biakinn ahi hi, Topaʼ biakinn ahi hi, Topaʼ biakinn ahi hi,’ a kicici zuauthute um kei un.

1 PETER MASA 5:2

Pasian in noteʼ khut sungah a hong piak tuuhonte hoihtakin na cing unla, ut lo pipi hi loin, Pasianʼ hong deih bangin utna lungsim takpi tawh na cing un. Sum ngah nopna bek tawh a sem hi loin utna lungsim tawh a semte na hi un.

Titu 1:11

Sum ngah theih nading bekin a kilawm lopi-in thu hilhin biakna innkuan buppi nawngkaisak uh ahih manin thu a gen nawn loh nadingun khaktan ding ahi hi.

Micah 7:3

A sia lam a gamtat ding siam mahmah uh a, uliante le thukhente in sumgolh ngenin, mi liante in amauʼ deih teng pulak uh a, kipawlin vaihawm khawm uh hi.

Isaiah 48:2

Note tua bang hi napi-in, khuapi siangtho sungah a teeng mite ihi a, Israel Pasian i muang hi. Ama min pen Vanglian Topa ahi hi, ci-in kisaktheihna-in na nei zaw lai uh hi.

Jeremiah 8:10

Tua ahih manin a zite uh midangte ka piaksak dinga, a lote uh zong midangte ka luahsak ding hi. Bang hang hiam cih leh a neu pen pan a lian pen dongin thuman lopi tawh sum zongin a huaiham uh hi. Kamsangte a kipan siampite dongin thuman lo khin uh hi.

1 SAMUEL MASA 8:3

Ahih hangin a tapate amah bangin gamta lo uh a, sum ngah ding lam bek kin uh ahih manin sumgolh la-in thuman hei khia uh hi.

Gamlak-vakna 16:15

Moses heh mahmah ahih manin Topaʼ kiangah, “Amauʼ biakna thupi ngaihsut kei in. Amaute tungah bangmah ka gamta khial kei a, a la uh khat beek nangawn ka laksak kei hi,” a ci hi.

Juda 1:11

Hih mite adingin dahhuai mahmah hi. Bang hang hiam cih leh Kainʼ gamtat bangin gamta-in, sum ngaihsutna-in Balaamʼ khialh bangin khial uh a, Korahʼ lehdo bangin lehdo-in siatna thuak uh hi.

1 TIMOTI MASA 3:3

zu a kham lo mi, a ngongtat lo mi, lungsim nem mi, kitot a uk lo mi, sum a deih lua lo mite hi ding uh hi.

Amos 9:10

Keima miteʼ sung panin, “I tungah siatna hong tung ngei lo ding hi,” a ci mawhneite khempeuh, gal sungah si ding uh hi.

Hosea 4:18

Amaute, zukham honpi hi uh a, nulepa mawhna a bawlbawl uh hi. Min phat ding sangin min siat ding ut zaw uh hi.

Isaiah 56:11

Uite in nakpi takin duh uh a, kham hun cih nei ngei lo uh hi. Tuucingte in zong thutheihna nei lo uh hi. Amaute khempeuh amau tum ciatin gamta uh a, a vekpi-un amauʼ phattuam nading bek a zong ciat uh hi.

Mattiu 3:9

‘Abrahamʼ suante ihi ngawn hi,’ cihna lungsim nei mawk kei un. Keʼn kong cih in ah, Pasian in hih suangte nangawn Abrahamʼ suanlekhakte-in a bawl thei hi lel hi.

Malakhi 1:10

Vanglian Topa in, “Ka biakna tau tungah, bangmah-a kimang lo mei na tawh mawkmawk theih loh nadingun, note khatpeuh in biakinn kongkhakte khak le-uhcin ka ut hi. Note tungah ka lungkim kei a, nong piak uh biakpiaknate kong sang kei ding hi.

Zefaniah 3:3

A uliante, humpinelkai gilkial bang a, a thukhente, keivom gilkial bang uh hi. Zingsang khuavak mateng a saguh nek a nusia nuam lo, a huaiham gamsate tawh kibang uh hi.

Ezekiel 22:27

A kumpi uliante uh, a sa mat sa uh a bal gawpgawp ngia hon tawh kibang uh hi. Sum ngah theih nadingin mi that uh hi.

Ezekiel 22:12

Pawl khat in sum deih manin mi that uh hi. Pawl khatte in a Israel mipih sum leitawi a late tungah nuamtak sa-in a meet lakna tawh hauhlawh uh hi. Amaute in kei hong mangngilh uh hi, Topa Pasian in ci hi.

Paunak 17:23

A gina lo thukhente in sumgolh sang sim uh a, a thukhenna uh ah thuman om nawn lo hi.

Isaiah 5:23

mimawhte sumgolh tawh khah a, midikte a mawhsakte in gimna ngah tahen!

Jeremiah 23:17

Keimah Topaʼ thugenna a hong ngai lo mite kiangah, hong hoih na ve, ci-in a gen tawntung uh hi. Amauʼ lungsimʼ deihna bang ciat bek a zui tentan mi khempeuhte kiangah zong, gimna hong tung zenzen lo ding hi, ci-in a gen uh hi,” a ci hi.

Jeremiah 26:7

Siampite, kamsangte le mi khempeuh in hih thu a gen teng a za uh hi.

Ezekiel 34:2

“Mihing ahi Ezekiel aw, keima tuu hon ahi Israel mi a cingte mawhsakna thu gen in. Amaute kiangah thu gen inla, Topa Pasian ahi keima thugen, amaute kiangah hih bangin gen in: Israel mi a cing note aw, gimna na thuak ding uh hi. Nomau mahmah na kivak uh a, tuute na don kei uh hi.

Hosea 4:8

Ka miteʼ mawhna amaute in hauhlawh uh a, ka mite a mawh semsem ding uh a ut uh hi.

Amos 5:14

Note na nuntak theih nadingun siatna gamta loin, thumanin gamtat ding hanciam un. Tua hileh na gen sa uh mah bangin Topa, Vanglian Pasian in note hong ompih ding hi.

Malakhi 2:9

Tua ahih manin, note in ka thuhilhna zui loin, keima thu na hilh uh ciangin zong a kibangin hilh loin mi na deidan mah uh bangin, kei zong mi khempeuh mai ah simmawhna le niamkhiatna kong ngahsak ding hi,” a ci hi.

Gamlak-vakna 22:7

Tua ahih ciangin Moab upate le Midian upate aisanna man ding tawh kuan khia-in Balaam kiangah pai uh a, Balakʼ thu ama kiangah sung uh hi.

Jeremiah 5:12

“Amaute in Topa hong nial uh a, ‘Amah in bangmah hih lo ding hi. Eite tungah siatna hong tung lo dinga, gal ahi zongin kial ahi zongin i thuak kei ding hi.

Zefaniah 3:4

A kamsangte kihisak uh a, kamsang citak hi lo uh hi. A siampite in a siangtho nate ninsak uh a, amau angsung ding bek a khualna-un Pasianʼ thukham leh hei uh hi.