Micah 2:7 - Tedim Bible Revision 2017

⁷ Israel mite aw, “Topa a lung tom ta a, hihte khempeuh, ama hong bawl mah ahi hiam?” na cih ding uh kilawm lo hi. Ka thugenna kammalte, a thuman mite adingin a hoih hi lo ahi hiam?

Tedim Bible

⁷ Israel mite aw, “Topa a lungtom ta a, hihte, ama hong bawlna mah ahi hiam?” na cih ding uh kilawm lo hi. Ka thugenna kammalte in a thuman mite adingin a hoih hilo ahi hiam?

Micah 2:7 Referans Kwoze

Late 84:11

Bang hang hiam cih leh Topa Pasian pen eite a hong hupa a minthang i kumpi hi a, maipha le pahtawina a hong pia pa ahi hi. Thumanin a gamta mite tungah Topa in na hoih bangmah siit lo hi.

Jeremiah 15:16

Na thute in kei hong kem a, an bangin ka ne hi. Na thute kei adingin kipahna le lungdamna ahi hi. Bang hang hiam cih leh nangma minin kei hong kilo hi, aw, Topa, Vanglian Pasian aw.

Late 15:2

Paubaang loin gamta-in, a manin na sem a, lungsim tak a gen mi,

Zekhariah 4:6

Tua ciangin vantungmi in kei kiangah, “Topa in Zerubbabel tungah hih bangin thu gen hi: Galkap tam neihna hang hi lo, nangma vangliatna hang zong hi lo, keima tung panin na ngah vangliatna bek tawh na ma na tun zo ding hi.

Hosea 14:9

Mipil, thu ngaihsun theite in hih thute thei telin limtakin ciamteh tahen. Topaʼ lampi tang mahmah a, a thutang mite in tua lampi a tawn uh hi. Mawhneite in tua lampi tawn lo ahih manin a puk uh hi.

Isaiah 50:2

“Kong pai ciangin bang hangin mi khat zong om lo ahi hiam? Kong sap ciangin bang hangin hong dawng ding khat zong om lo ahi hiam? Hong hon zo lo zah dingin ka khut hat lo lua ahi hiam? Tua ahih kei leh zong note khah khiatna ding vangliatna nei lo ka hi hiam? Keima taina tawh tuipi ka keusak a, gunte pen sehnel gam ka suaksak hi. Tui om loh manin a ngasate dangtakin si-in a uih gawp hi.

Paunak 28:18

Thumanin a gamta mite lungmuangin om ding uh a, a zuau tat mite ahihleh puk ding uh hi.

Paunak 10:29

Topa in midikte hu a, migilote a susia hi.

Paunak 10:9

Thuman mite lungnuamin om hithiat a, thuman lote kiman hi.

2 TIMOTI NIHNA 3:5

biakna thu a puatham teng zui napi-in biakna hangin vangliatna thu a omte deih lo ding uh hi. Tua bangin a gamta mite na pelh in.

2 KORIN NIHNA 6:12

Kote in ka lungsim uh a hong pia lo hi loin note in na lungsim uh a hong pia lo na hizaw uh hi.

ROM (Romans) 7:13

Tua ahihleh a hoih na khat in keiʼ sih nading hong piangsak ahi hiam? Hi lo hi. Tua sihna pen mawhnaʼ nasepna hi a, mawhna pianzia bangci bang taktak hiam, cih a kitheih nadingin a hoih na khat zangin kei tungah sihna a hong piangsak ahi hi. Tua ahih manin thukham a om manin mawhna a siahuai mahmah ahihna hong kilang zaw kan lai hi.

Johan 8:39

Amaute in, “Koteʼ pa Abraham ahi hi,” ci-in a dawn uh ciangin Jesu in, “Abrahamʼ tate taktak hi le-uhcin Abrahamʼ gamtat bangin na gamta ding uh hi.

Mattiu 3:8

Na kisikkikna uh a kilangsak ding gamtatna gamta unla,

Micah 3:9

Ngai un! Israel a uk makaite aw. Note in thutang deih loin, thuman kimlai a khialin na hei uh hi.

Jeremiah 2:4

Jakob suan le Israel innkuan khempeuhte aw, Topaʼ kammal ngai dih un.

Isaiah 58:1

Na aw siit het loin nakpi takin kiko inla, peengkul aw bangin gingsak in. Ka mihingte tungah amauʼ khialhnate gen inla, Jakob innkuan tungah amauʼ mawhnate gen in.

Paunak 14:2

Thumanin a gamta mite in Topa zahtak uh a, a sia-in a gamta mite in Topa simmawh uh hi.

Paunak 2:7

Pasian in thuman mite pilna guan a, midikte a hu hi.

Late 119:65

Topa aw, na thuciamna bangin na nasem pa na limbawl hi.

Gamlak-vakna 11:23

Topa in Moses kiangah, “Topaʼ hih theih ding zah kiciangtan sa na hi hiam? Ka thugen a manin hong tun leh hong tun loh tu-in na mu ding hi,” a ci hi.

Late 119:68

Nangmah na hoih a, a hoih nate na sem hi. Na ngeina kipte kei hong hilh in.

Late 18:26

A siangtho mi tungah na siangtho gamtat a, thukawi mite na galbawl hi.