Micah 2:3 - Tedim Bible Revision 2017

³ Tua ahih ciangin Topa in hih bangin ci hi: Noteʼ tungah gimna tunsak ding ka ngaihsun a, tua gimna tawh na kipelh thei kei ding uh hi. Note adingin hunhoih lo hi ding ahih manin kiphatsakna tawh na gamta nawn kei ding uh hi.

Tedim Bible

³ Tua ahih ciangin Topa in hih bangin ci hi: Note tungah gimna tun’sak ding ka ngaihsun a, tua gimna tawh na kipelh thei kei ding uh hi. Note’ adingin hun hoih lo hi ding ahih manin, na kiphatsak gamtat nawn kei ding uh hi.

Micah 2:3 Referans Kwoze

Amos 5:13

Tua ahih manin hih bang hun siat hun laitakin thu ngaihsun thei mite, pau loin a om khikhe, lamdangsak ding hi lo hi.

Jeremiah 8:3

Hih a gilo minamteʼ lakah a om lai sunteng in ka hawl khiatna munah nuntak ding sangin sih ding a teel zaw ding uh hi, Vanglian Topa in kong ci hi.

Jeremiah 18:11

Tua ahih manin tu-in, Judah mite le Jerusalem khua miteʼ kiangah Topa in a cih in ah, ‘En un, noteʼ siat nading ka geel a, noteʼ lang khat ah ngimna khat ka nei hi. Na vekpi-un na siatna uh pan kilehkik unla, na om dan uh le na nasepnate uh bawl pha un,’ va ci in.

Jeim 2:13

Bang hang hiam cih leh hehpihna lungsim a nei lote tungah Pasian in thu a khen ciangin hehpih lo dinga, hehpihna lungsim a neite tungah Pasian in thu a khen ciangin a hehpihna in zo zaw ding hi.

Kah la 5:5

Kalaoh van pua le la van pua bangin nakpi takin a hong kihawl gawpgawp hi. Gim mahmah hi napi tawlngak nading hun a hong kipia kei hi.

Kah la 2:17

Topa in a seh sa bangin a tawpkhakna ah a hong bawl hi. Sau veipi lai-in a hong hilhkholhna bangin hong hehpih nawn loin a hong susia hi. Galte gualzo a, ei hong guallelsak a, amaute a lungdamsak hi.

Efesa 5:16

Tu hun pen hunhoih lo hun ahih manin na hun neih khempeuh uh a hoih lamin zang un.

ROM (Romans) 16:4

Amaute pen kei adingin a si ngam uh ahi hi. Amaute tungah a lungdam kei guak bek zong hi loin, Gentail pawlpi mi khempeuh zong a lungdam ahi hi.

Micah 2:1

A lupna tungah lumin gitlohna a geelgeelte in gimna ngah tahen. Zingsang khua a vak ciangin, hih theih ding hun a ngah phetun, a ngaihsut sa uh gitlohna a sem khia uh hi.

Amos 2:14

A tai hatte nangawn suakta zo lo dinga, a thahatte a hatna bei dinga, galhangte in amauʼ nuntakna hu zo lo ding uh hi.

Daniel 4:37

Tu-in keimah Nebukhadnezzar in Vantung Kumpipa phatin, zahtakin a min ka thangsak hi. Ama bawlna khempeuh a man hi. Amah a tawntungin thuman a, a kiphasakin a gamtate a neusak hi,” a ci hi.

Kah la 1:14

Amah in ka mawhna khempeuh a vekpi-in ciamteh a, tuate henin lom khat suahin ka ngawngzang ah hong khih a, gik lua mahmah ahih manin ka taang zo peuhmah kei hi. Topa in ka galteʼ khut sungah hong pia ahih manin a cimawh ta ka hi hi.

Jeremiah 43:2

Hoshaiahʼ tapa Azariah le Kareahʼ tapa Johanan a kipan migilo dangte khempeuh in kei kiangah, “Nang in zuau na phuak hi. Topa i Pasian in, ‘Egypt gamah a teeng dingin pai kei un,’ ci-in a gen dingin nang hong sawl lo hi.

Jeremiah 36:23

Jehudi in khawk thum khawk li bang a sim khit ciangin kumpipa in temta neu khat tawh at khia a, meikhuk sungah a khul hi. Tua bangin laizial buppi a kattum dong meikhuk sungah a paipai hi.

Jeremiah 34:17

Tua ahih manin Topa in kong cih in ah: Mi khempeuh in na sanggam na mipihte uh khah khia loin, suahtakna pia loin ka thu hong mang lo na hih uh leh, en un, Topa in kong cih in ah, note hong khah khia-in suahtakna kong pia ta hi. Namsau tawh kithahna, pulnatna le kialpite tawh na sih nadingun note kong khah khia a, kong suaktasak hi. Leitung gam khempeuhteʼ hong lipkhap dingin kong bawl hi.

Jeremiah 27:12

Judah kumpipa Zedekiah kiangah zong tua bangmahin ka gen a, “Na nuntak theih nadingin Babylon kumpipaʼ hakkol pua in.

Isaiah 3:16

Topa in hih bangin ci hi: Jerusalem numeite kiphasakin ngawng dok sa-in lam pai uh a, kiphatsakna tawh a mit uh hei pampamin hi tuihtuihin lam pai uh a, a khe uh gingsak sualsual ahih ciangun

Thu-hilhkikna 28:48

Topa in noteʼ langah a hong sawl ding na galte uhʼ na, gilkialna le dangtakna, pum guakin omna le na khempeuh kitangsapna tawh, na sem ding uh hi. Na galte un note hong suksiat matengin noteʼ ngawng ah sik hakkol hong thuah ding uh hi.

Amos 3:1

Israel mite aw, noteʼ lang khat a Topaʼ thugen, hih thu limtakin ngai un: Egypt gam panin na minam bupun note kong paikhiatpih hi.

Amos 3:2

Leitung minam khempeuh lakah note bek hong thei-in, note bek ka hong don hi. Tua ahih manin na khialhna khempeuh uh hangin note gim kong pia ding hi.

Isaiah 29:20

Bang hang hiam cih leh kampauna tawh a khialh nadingun mite bawlin, kongpi sungah mi a thuhilhpa thang siahin, a thuman mipa pen zuau thu tawh a hei khia, thu khual lo mite a mawkna suakin, mi a thusim lo mite bei-in, siatna hih ding a sawm mite khempeuh kisusia ding hi.