Micah 2:2 - Tedim Bible Revision 2017

² Lo deih le-uh, mi-aʼ sut uh a, inn deih le-uh, mi-aʼ mah sut uh hi. Mite bawlsia-in, a inn le a neihsa uh a sut uh hi.

Tedim Bible

² Lo deih le uh, mi’ aa sut uh a, inn deih le uh, mi’ aa mah sut uh hi. Mite bawlsia-in, a inn leh a neihsa sut uh hi.

Micah 2:2 Referans Kwoze

Isaiah 5:8

Leitang tungah amau guak a teeng ding dong zahin midangte adingin mun khempeuh a bei matengin inn khatlekhat, lo khatlekhat gawmin a la thuah tawntung mite in gimna ngah tahen.

Amos 8:4

Mi cimawhte tuancil gawpin, gam sung mizawngte a susia gawp mite aw, hih thu ngai un:

Jeremiah 22:17

Ahih hangin note in thuman lo tawh ngah nading ahi zongin, mimawh loteʼ sisan luanna ding ahi zongin, mi nuaisiahna le ngongtatna ding ahi zongin, na mitte uh le na lungsim uh na zang uh hi.

Ezekiel 18:12

Mizawng mi cimawhte khemin, miʼ na sut a, sum leitawi a lapa in khapna-in a piak nate piakik loin kem suak hi. Milim bia-in a zumhuai-in gamta hi.

1 TIMOTI MASA 6:10

Sum deih luatna in siatna namkim piangsak hi. Mi pawl khat in sum deih lua liang uh ahih manin a upna panun pial khia-in gimna lungkhamna tampi a thuak lawh uh hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lut nuam kei uh a, a lut nuamte lah na lutsak kei uh hi.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeiteʼ thaman piakna ah khemna a zangte; meigong, tagah le gamdang mite a zawhthawh bawlte le kei hong zahtak lo mi khempeuhteʼ lang khat ah thakhatin teci pangin thu ka khen ding hi.

Micah 3:9

Ngai un! Israel a uk makaite aw. Note in thutang deih loin, thuman kimlai a khialin na hei uh hi.

Ezekiel 22:12

Pawl khat in sum deih manin mi that uh hi. Pawl khatte in a Israel mipih sum leitawi a late tungah nuamtak sa-in a meet lakna tawh hauhlawh uh hi. Amaute in kei hong mangngilh uh hi, Topa Pasian in ci hi.

2 KUMPI NIHNATE 9:26

‘Za ni-in Naboth le a tapate a kithahna ka muh taktak mah bangin leitang tung hih munah nang kong thuk ding hi,’ Topa in ci hi. Tua ahih ciangin tu-in Topaʼ thugen bangin amah tawmin tua mun leitang tungah amah paai in,” a ci hi.

Paikhiatna 20:17

“Na veengte uh inn na deihgawh kei ding uh hi. Na veengte uh zi hitaleh, ama nasem pa hitaleh, ama nasem nu hitaleh, ama bawngtal hitaleh, ama la hitaleh, na veengte aʼ ahi na khat peuhpeuh na deihgawh kei ding uh hi,” a ci hi.

JOB (Job) 31:38

“Ka khawh leitang ka guk ahih a, a nei taktak paʼ tung pan ka suh ahih a,

1 KUMPI MASATE 21:1

Tua laitakin Jezreel khuami Naboth in Samaria kumpi Ahabʼ kumpi inn gei ah leenggui lo khat nei hi.

Ezekiel 8:17

Tua ciangin amah in, “Mihing ahi Ezekiel aw, huate na mu hiam? Hih Judah gam mite in na muh sa a muhdahhuai a gamtatnate uh tawh lungkim nai lo lai uh a, gam sung khempeuh ah ngongtatna dimsak uh hi. Tua banah ka heh semsem nadingin hih bangin gamta uh hi. A sia thei tawpin hih bangin kei hong simmawh bawlna hong thei in.

Ezekiel 22:13

“A man loin miʼ na na suhna le mi na thahna hangin ka khuttum ka zial ding hi.

Ezekiel 33:26

Note in namsau suanin na nei uh a, na gamtatnate uh kihhuai mahmah hi. Mi khempeuh in nulepa mawhna na gamta uh hi. Tua bangpi-in hih gam luah thei ding na hi uh hiam, ci-in gen in.

Ezekiel 46:18

Gam uk ulian pa in midangteʼ neihsa leitang laksak ngei lo ding hi. Ama tungah a kipia leitang sung panin a tapate khen khia bek ding hi. Ka miteʼ leitang laksakin, bawlsia lo ding hi, ci-in gen in,” hong ci hi.

Amos 2:7

Amaute in mizawngteʼ lutang leivui lakah tuancil uh a, keima min siangtho a ninsak dingin biakinn-a numei paktatte kiangah tangvalte le papite a pai uh hi.

Micah 6:12

Na mihaute uh mizawngte tungah tatsia mahmah in, na khua sung mi khempeuh uh zuaugen vive ahi uh a, a kam un khemna thu bekbek gen hi.

Isaiah 3:14

Topa pen upate le ama miteʼ uliante tawh thukhen dingin kipan a, “Leenggui lo a netumte, note na hi uh a, mizawngteʼ na a kisutte noteʼ inn sungah om hi.

Ezekiel 45:9

“Topa Pasian in hih bangin ci hi: No Israel a uk uliante aw, na mawh gamtatna uh sauvei zo lua ta hi. Na ngongtatnate uh le mi na nenniamnate uh khawl unla, thuman thutangin na sem un. Amauʼ leitang panun ka mite not khia nawn kei un. Topa Pasian keimah in hih thu kong gen hi.

Amos 4:1

Bashan gam bawngpi bangin a thau mahmah, mizawngte nengniamin mi cimawhte a su gawp, na pasalte uh kiangah, “Ka dawn ding bang khatpeuh hong puak in,” ci-in a vaikhak no Samaria numeite aw, hih thu limtakin ngai un: