Micah 1:8 - Tedim Bible Revision 2017

⁸ Tua ahih manin kei kapin ka thum dinga, ka dahna thu ka lah nadingin khe guak le guaktangin ka vak ding hi. Gam-ui bangin ka ham dinga, vasa-kalaoh bangin ka tau ding hi.

Tedim Bible

⁸ Tua ahih manin kei kapin ka thuum ding a, ka dahna thu ka lah nadingin khe guak leh guaktangin ka vak ding hi. Gam-ui bangin ka ham ding a, kalaoh-vasa bangin ka tau ding hi.

Micah 1:8 Referans Kwoze

Isaiah 22:4

Tua ahih ciangin keimah in, “Kei hong en kei unla, khitui tampi luangin hong kapkapsak un. Ka mi tampi a sihna hangin keimah hehnep ding hong hanciam kei un,” ka ci hi.

Jeremiah 9:19

Zion khua panin a kiza kahna awging in, “I kisia khinzo a, i zumhuai mahmah khinzo hi. Bang hang hiam cih leh amaute in i innte hong suksiatsak uh ahih manin i gam i nusia ding hi,” a ci uh hi.

Jeremiah 9:10

“Mualte adingin kapin tau unla, gamlak lo nona munte adingin thumin tau un. Bang hang hiam cih leh tuate keu gawp a, kuamah pai nawn lo hi. Bawng ham zong kiza nawn lo a, van a leeng vasate le gamsate a taimang ta uh hi.

Jeremiah 9:1

Ka lutang tuikhuk hong hi thei henla, ka mitte khitui nak hong hi thei leh ka miteʼ kithah lupna hangin a sun a zanin ka kapkap ding hi.

Jeremiah 4:19

Aw, ka lungtang, ka lungtang! Na ka sa mahmah hi. Ka lungtang kisai vanvan a, ka om hithiat thei kei hi; bang hang hiam cih leh peengkul mutna aw, gal kisimna aw ka za hi.

Isaiah 21:3

Tua ahih ciangin ka kawng na a, nausuak numei in na a sak bangin na ka sa hi. Khua a za thei lo zah dongin a kuncipin ka om a, khua a mu thei lo zah dongin lungkia-in ka om hi.

Isaiah 16:9

Tua ahih ciangin Jazer khua mite a kah bangin Sibmah leengguiteʼ hangin kei ka kap hi. Heshbon le Elealeh khua mite aw, ka khitui tawh note kongkawtsak hi. Bang hang hiam cih leh gal kidona in noteʼ singgah le ante hong ban zo hi.

Isaiah 13:21

Tua munah gamsate lum ding uh a, tua mun a innte pen a hawk ganhingte tawh kidim ding hi. Tua munah vasa-kalaoh golpite teengin, tua munah keeldawite laam ding uh hi.

Late 102:6

Gamlak a om musane le mun kolhna ah a om simbu tawh ka kibang hi.

JOB (Job) 30:29

Kei pen gamkhing sunga a om ngia le vasa-kalaohte tawh kipawlin a kikhawl ka hi ta hi.

1 SAMUEL MASA 19:24

Amah in zong a puante suah khia-in Samuelʼ mai ah laamin awng a, tua sun tawntung le tua zan tawntung a guaktangin a om hi. Tua hun a kipanin, “Saul zong kamsang suak khin ahi hiam?” kici hi.

Isaiah 13:22

Mihauteʼ inn sungah ngiate, kumpi inn nuam sungah se-alte a ham ding uh hi. Babylon khuapi a siat ding hun hong nai ta a, a ni sawt nawn lo ding hi.

Isaiah 32:11

Nuam takin a om hithiat numeite aw, liing un. Nomau tumtakin a lungkimte aw, liing lawng un. Na puan uh hawk khia-in na tangguakun om unla na kawng uh ah puanhampi teng un.

Ezekiel 32:18

“Mihing ahi Ezekiel aw, Egypt mi tampiteʼ hangin kapin thum in. Misiteʼ omna Leinuai gamah a vanglian minam dangte tawh amaute paisak in. Amaute kiangah hih bangin ci in:

Micah 2:4

Tua bang hun hong tun ciangin mite in noteʼ gim ngahna thugentehna-in zangin, dah la phuakin sa ding uh a, “Eite i sia khin taktak hi. Topa in i gam hong laksak a, ei a hong mante tungah hong piaksak hi,” ci ding uh hi.

2 KUMPI NIHNATE 18:13

Kumpi Hezekiahʼ kum sawm le kum lina kumin Assiria kumpi Sennakherib, Judah khuapi kulh a neite khempeuh a sim dingin hong kuan to-in tuate a la hi.

Esther 4:1

Mordekai in hih thupiang teng a theih ciangin a puan bal kekin puanhampi silhin vut kibuak a, nakpi takin a kap kawmin khua sungah vak kawikawi hi.