Micah 1:6 - Tedim Bible Revision 2017

⁶ Tua ahih ciangin Topa in hih bangin ci hi: Samaria khuapi, gamlak a ninkholna mun, leenggui suanna mun lel dingin ka bawl ding hi. A khua sunga suangte zong guam sungah ka nil suk dinga, a khuapi bulpite ka dawksak ding hi.

Tedim Bible

⁶ Tua ahih ciangin Topa in hih bangin ci hi: Samaria khuapi, gamlaka ninkholna mun, leenggui suan’na mun lel dingin ka bawl ding hi. A khua sunga suangte zong guam sungah ka nil suk ding a, a khuapi bulpite ka dawksak ding hi.

Micah 1:6 Referans Kwoze

Ezekiel 13:14

A tungtham na zut uh kulh sukhamin, thehthangin, a bul dawksak ding a sawm ka hi hi. Tua bangin ka suksiat ciangin note a hong deng lum ding hi. Tua ciangin Topa ka hihna thu mi khempeuh in hong thei ding uh hi.

Micah 3:12

Tua ahih manin noteʼ hangin lo khawh bangin Zion kikho-in, Jerusalem, nin kipaihna phualpi hong suak dinga, biakinn omna mual, gamlak a suak ding hi.

Kah la 4:1

Biakinnpi kisia ta a, suang kiciangte kongzing lakah a kithehthang hi. Khamtui tawh a kizut a tee daldalte mualmang khinzo ta hi.

2 KUMPI NIHNATE 19:25

Sawt pek lai-in ka ngaihsut sa ahih lam za nai lo na hi hiam? Tanglai pek panin ka geel kholh sa hi a, tu-a ka tunsak ding thute kulh a nei khuapite nin bulomtangin na heina ding,

Mattiu 24:2

Ahi zongin Jesu in amaute kiangah, “Hihte khempeuh na mu khinta uh hi. Keʼn a mantak a kong genin ah: Hih inn lamna-a a kiciang suangte a kithuapin a om nangawn a om nawn lo zah dongin kilawn keek mang ding hi,” ci-in a dawng hi.

Habakkuk 3:13

Na mite a hon khia dingin na paikhia a, na teel kumpipa, a hon khia dingin na kuan khia hi. Migiloteʼ makai pa na su gawp a, a nungzui khempeuh tawh zong na sumai hi.

Amos 5:11

Note in mizawngte tuancilin, a an neih teng khempeuh uh laksak na hih manun, suangseek inn na lam hangun tua suang inn sungah na teeng kha kei ding uh a, leenggui lo hoih na neih hangun a leenggahzu na dawn kha kei ding uh hi.

Hosea 13:16

Israel-te in a Pasian uh lehdo uh ahih manin a mawhna uh thuak ding uh hi. Gal sungah amaute si ding uh a, a naungekte uh lei kidenna dinga, a nupi naupaiite uh kikui kham ding hi, a ci hi.

Jeremiah 51:37

Tua ciangin Babylon khuapi innsia losia suak gawp dinga, se-alteʼ teenna mun suakin, a lipkhaphuai, simmawhna tawh a kiphitsan, kuamah a ten lohna gam khing a suak ding hi.

Jeremiah 51:25

“En in, mualpi bangin lian a, leitung khempeuh a susia zo Babylon aw, nang kong langpan hi, Topa in kong ci hi. Keimah in nangʼ lang khat ah ka khut ka zan dinga, mual dawn panin nang hong khuk khia-in, kong kaang tumsak ding hi.

Jeremiah 9:11

“Jerusalem khuapi ninkholna ka bangsak dinga, se-alteʼ teenna mun ka suaksak ding hi. Judah gam khuapite gamlak ka suaksak dinga, kuamah teeng nawn lo ding hi,” a ci hi.

Isaiah 25:12

Amah in Moab miteʼ kulh muanhuaite suksiatsakin leilak denna dinga, leivui suak khin mang ding hi.

Isaiah 25:2

Bang hang hiam cih leh nang in khuapi ninbu lomtang na suah a, a muanhuai khuapi a sia na suaksak hi. Mi kiphasakteʼ kumpi inn pen khua bang nawn lo a, cikmah hunin kilamkik nawn lo ding hi.

2 SAMUEL NIHNA 17:13

Amah khuapi khat sungah a nungkik le, Israel-te khempeuh in tua khuapi sungah khauhual paipihin tua lai munah suangtang khat nangawn a kimu nawn lo dingin kuam sungah tua khua i kai khia ding hi,” a ci hi.

Isaiah 17:1

Damaskas tawh kisai thu hih bangin gen hi: En un, Damaskas pen khuapi hi nawn loin ninbu lomtang suak ding hi.

Jeremiah 31:5

Samaria gam mual tung tengah leenggah na suankik dinga, huan bawlte in suanin a gah ne-in nuam a sa ding uh hi.

2 KUMPI NIHNATE 18:9

Israel kumpi, Elahʼ tapa Hosheaʼ kum sagihna kum ahi, Kumpi Hezekiahʼ kum lina kumin Assiria kumpi Shalmaneser, Samaria a simin hong kuan to-in umcih a,

2 KUMPI NIHNATE 18:10

kum thum a beina ah tua khua la zo hi. Israel kumpi Hosheaʼ kum kuana kum ahi, Hezekiahʼ kum gukna kumin Samaria kila hi.

Amos 6:8

Topa Pasian thupi takin kiciam khin a, Topa, Vanglian Pasian in hih bangin ci hi: Israel-teʼ kiphatsakna ka hua a, a mun muanhuaite uh ka mu nuam kei hi. Tua ahih manin a khuapi le a sunga a om teng, galteʼ khut sungah ka pia ding hi.