Micah 1:13 - Tedim Bible Revision 2017

¹³ Lakhish khua ah a teeng mite aw, na sakol galkapte uh a leeng bulh pak un. Note in Israel-teʼ khialhna teng zui kha na hih manun, Jerusalem zong a khialsakte na hi uh hi.

Tedim Bible

¹³ Lakhish khua-a teeng mite aw, na sakol galkapte uh a leng bulh pak un. Note in Zion tanute’ khialhna teng zui kha na hih manun, Jerusalem zong a khialsakte na hi uh hi.

Micah 1:13 Referans Kwoze

2 KUMPI NIHNATE 18:17

Tua ciangin Assiria kumpipa in Lakhish panin Kumpi Hezekiah kiang Jerusalem ah galkap hon lianpi khat tawh a galkap maang lianpen pa, a inn sung mang lianpen pa le a ulian khat a sawl hi. Amaute pai to-in Jerusalem tung uh hi. Amaute a tun uh ciangin amaute hong pai-in Puansawp paʼ nasepna phual zuatna lampi a om bual tungnung tuilakna gei ah hong ding uh hi.

2 KHANG TANGTHU NIHNATE 32:9

Hih thute khit ciangin a galkap khempeuh tawh Lakhish a umcih, Assiria kumpipa Sennakherib in Judah kumpipa Hezekiah le Jerusalem ah a om Judah mi khempeuh kiang Jerusalem ah a nasemte sawlin,

Joshua 10:3

Tua ahih ciangin Jerusalem kumpipa Adonizedek in Hebron kumpipa Hoham kiang, Jarmuth kumpipa Piram kiang, Lakhish kumpipa Jafia kiang le Eglon kumpipa Debir kiangah kamtai sawlin,

Mangmuhna 2:20

Ahi zongin note ka hong mawhsak nading thu khat om hi. Kamsang numei ka hi, ci-in thu a gen Jezebel na nial kei uh hi. Ama thuhilhna hangin ka nasemte in numei pasal paktatna gamta-in milim biakna ante a ne uh hi.

Mangmuhna 2:14

Ahi zongin note ka hong mawhsak nading thu tawm khat a om hi. Milim biakna ante nesakin, nulepa paktatna piangsak a, Israel mite mawhna a gamtasak Balak tungah thu a hilh Balaamʼ thuhilhnate a um mi pawl khat note lakah a om hi.

Micah 1:5

Pasianʼ tungah Israel-teʼ mawhna le a khialhnate uh hangin hih thute khempeuh a piang ahi hi. Israel-teʼ khialhna kua ngawh ding ihi hiam? Samaria mite ngawh ding ihi hiam? Judah gam sungah milim bia-in a khial kua ahi hiam? Jerusalem mite ahi hi.

Ezekiel 23:11

“A naunu Oholibah in hih thu thei napi-in, a unu Oholah sangin zong a sia zaw, a suk zaw-in paktat lai hi.

Jeremiah 4:29

Sakol tunga tuangte le thal tawiteʼ aw a kizak ciangin mi khempeuh galtai mang uh a, gamlak ah tai-in suang lakah a kah to uh hi. Khuapi khempeuh kinusia khin a, kuamah teeng nawn lo hi.

Jeremiah 3:8

A zulhzau Israel, midang tawh a khialhna hangin kimakna lai pia-in, ka hawlkhiat zong amah in a mu hi. Ahih hangin numei gina lo Judah lau tuan loin, amah zong numei paktat khat mah a va suak veve hi.

Isaiah 37:8

Tua ciangin a ulian pa ciahkik a, Assiria kumpipa in Libnah khua a simna ah a va pai hi. Bang hang hiam cih leh kumpipa in Lakhish khua a nusiat khitna thu za zo ahih manin tua lai a va zuan pah ahi hi.

Isaiah 10:31

Madmenah khua mite tai khia a, Gebim khua-a a teeng mite a suakta dingin a tai uh hi.

2 KHANG TANGTHU NIHNATE 11:9

Adoram, Lakhish, Azekah,

2 KUMPI NIHNATE 8:18

Ahabʼ tanu ama zi ahih manin Ahabʼ innkuanteʼ gamtatna sa, Israel kumpiteʼ lampi mah amah in tawn hi. Topaʼ muhna ah amah a sia gamta hi.

1 KUMPI MASATE 16:31

Nebatʼ tapa Jeroboamʼ khialhnate zuih ding ama adingin a thuzang tawh a kibat mah bangin, amah in Sidon miteʼ kumpi Ethbaalʼ tanu Jezebel zi-in la a, pai-in Baal na semin a bia hi.

1 KUMPI MASATE 14:16

Tua ciangin ama khialhna le Israel-te a khialhsakna ahi Jeroboamʼ khialhna hangin amah in Israel nusia ding hi,” a ci hi.

Joshua 15:39

Lakhish, Bozkath, Eglon,

Paikhiatna 32:21

Moses in Aaron kiangah, “Amauteʼ tungah khialhna lianpi khat na tunpih nadingin hih mite in nangʼ tungah bang hong gen uh ahi hiam?” a ci hi.

Piancilna 19:17

Amaute in a paikhiatpih khit uh ciangin, “Na nuntak nadingun tai un. Nunghei kei unla, kuam sungah zong khawl kei un. Note hong kaang tum kha ding ahih manin mual tungah tai to un,” a ci uh hi.

1 KUMPI MASATE 4:28

Amauʼ nasep ciat tawh kizui-in a kisapna munah sakolte le sakol zaptelte adingin mangbuhham le buhtu zong paipih uh hi.

2 KUMPI NIHNATE 14:19

Tua ciangin amaute in Jerusalem ah amah sawm sim uh a, amah zong Lakhish ah tai hi. Ahih hangin amaute in ama nung zui-in Lakhish ah mi sawl uh a, tua lai ah amah that uh hi.

Isaiah 36:2

Lakhish khua panin Assiria kumpipa in Jerusalem khua-a kumpi Hezekiah a lut ding a gen dingin ama nuai-a ulian khat le galkap honpi a sawl hi. Puansawp paʼ nasepna phual zuatna lampi a bual tungnung tui lampi gei ah a ulian pa a khawl hi.

JOB (Job) 39:10

Nangmah in khauhual tawh khih zo dinga, na lo ah na lokhawhna leeng kaisak zo ding na hi hiam?

Jeremiah 34:7

Tua hun pen Babylon kumpipaʼ galkapte in Jerusalem khuapi le Judah gam a khuapi muanhuai lakah a om lai Lakhish khua le Azekah khuate gel zong a sim laitak uh ahi hi.