Micah 1:11 - Tedim Bible Revision 2017

¹¹ Shafir khua ah a teeng mite aw, guaktangin maizumna tawh salin pai un. Zanaan khua-a teeng mite, a hingin paikhia ngei lo ding hi. Bethezel khua miteʼ kahna le thumna na zak uh ciangin, tua khua sungah belh ding mun muanhuai a om lohna na thei ding uh hi.

Tedim Bible

¹¹ Shafir khua-a teeng mite aw, guaktangin maizumna tawh salin pai un. Za-anan khua-a teeng mite, a hingin paikhia ngei lo ding hi. Beth-ezel khuamite kahna leh thuumna na zak uh ciangin, tua khua sungah belh ding munmuanhuai a om lohna na thei ding uh hi.

Micah 1:11 Referans Kwoze

Isaiah 20:4

Assiria kumpipa in, Egypt gam miteʼ maizumna ahi, a moi a hamin, tangguak kheguakin, tawbo dawk sa-in, Egypt mite galin manin, Ethiopia mite salin manin paikhiatpih ding hi.

Nahum 3:5

Tua ahih manin Vanglian Topa in hih bangin ci hi: “Nineveh khuapi aw, gim kong pia ding hi. Na nik kong hawk khiatsak dinga, minamte in na guak omna hong mu ding uh a, na zumhuaina teng hong mu ding uh hi.

Micah 1:8

Tua ahih manin kei kapin ka thum dinga, ka dahna thu ka lah nadingin khe guak le guaktangin ka vak ding hi. Gam-ui bangin ka ham dinga, vasa-kalaoh bangin ka tau ding hi.

Ezekiel 23:29

Amaute zong nangma tungah hong muhdah gamtat ding uh a, na thalawh sa na khempeuh hong laksakin na hawmguakin hong nusia ding uh hi. Na paktat gamtatna teng hong kipholak ding hi. Na hukna le na paktat gamtatna in

Ezekiel 16:37

na lawm luite khempeuh - na it hitaleh na muhdahte hitaleh a vekpi-in ka kaikhawm ding hi. Na kimkot ah amaute omsakin, tua ciangin na puan teng kong hawk khiatsak dinga, na guaktangin na omna ka ensak ding hi.

Jeremiah 48:9

Moab mite a leenkhiat theih nadingun a kha ding uh pia un. A khuapite uh gamlak suak dinga, kuamah a teeng kei ding hi.

Jeremiah 48:6

‘Tai un! Na suahtak nadingun tai un! Sehnel gam a gamlak late bangin tai mang un!’ a ci uh hi.

Jeremiah 13:22

Bang hangin hih thute kei tungah hong tung ahi hiam, ci-in na ngaihsut leh na mawhna a liatluatna hang ahi hi. Tua thu hangin na nik hong kihawk gawp a, a hong kibuan gawp ahi hi.

Isaiah 16:2

A bu a kipaih khiatsak ciangin a cih nading thei loin a leng kawikawi vasate bangin Arnon gun tui ngahmun ah Moab mite om uh hi.

Joshua 15:37

Tua banah Zenan, Hadashah, Migdalgad,

Zekhariah 14:5

Hinnom kuam sung kivukcip dinga, Judah kumpi Uzzahʼ hun lai-in zinlinna a, a kivukcip mah bang ding hi. Tua ciangin Topa ka Pasian hong pai dinga, a mi siangthote khempeuh hong tonpih ding hi.