Mattiu 9:5 - Tedim Bible Revision 2017

⁵ ‘Na mawhna hong kimaisak hi,’ cih ding le, ‘Tho inla pai in,’ cih ding koi baih zaw ahi hiam? Kampau lel pen baih mahmah hi.

Tedim Bible

⁵ Bang ci leng a baih zaw hiam? ‘Na mawhnate kimaisak zo hi,’ ci leng a baih zaw hiam? ‘Tho inla, pai in,’ ci leng a baih zaw hiam?

Mattiu 9:5 Referans Kwoze

Sawltak 3:16

Hih Jesu minʼ vangliatna in hih khebai mipa tungah thahatna a pia ahi hi. Note khempeuh in na theih uh mah bangin hih mipa bangzah takin khebai ahih hangin Jesu upna le ama min hangin hih mipa in dam sianthona a ngah ahi hi.

Sawltak 9:34

Peter in tua pa kiangah, “Aineas aw, Jesu Khris in nang hong damsak hi; tho-in na lupna zial in,” a ci hi. Amah zong thakhatin tho to pah hi.

Mattiu 9:2

Mi pawl khat in khutlekhe zaw mi khat, a lupna pheek tawh hong pua-in Jesu kiang a hong tunpih uh hi. Jesu in amauteʼ upna a muh ciangin a cina mipa kiangah, “Ka ta aw, na lungsim kinuamsak in; na mawhna hong kimaisak khinta hi,” a ci hi.

Mattiu 9:6

Ahi zongin Mihing Tapa in leitungah mawhmaisak theih nading thu nei hi, ci-in na theih nadingun kong lak ding hi,” a cih khit ciangin khutlekhe zaw mipa kiangah, “Tho in; na lupna pheek pua inla na inn ah ciah in,” a ci hi.

Marka 2:5

Jesu in hih miteʼ up mahmahna thu a muh ciangin khutlekhe zaw mipa kiangah, “Ka ta aw, na mawhnate hong kimaisak hi,” a ci hi.

Luka 5:20

Jesu in amauteʼ upna a muh ciangin a mipa kiangah, “Lawm aw, na mawhnate hong kimaisak khinta hi,” a ci hi.

Luka 7:48

Tua ciangin Jesu in numei kiangah, “Na mawhnate hong kimaisak khin hi,” a ci hi.