Mattiu 9:35 - Tedim Bible Revision 2017

³⁵ Tua bangin khuapite le khuaneute ah Jesu pai kawikawi a, a kikhopna uh innte ah thu hilhin, Pasianʼ ukna hangin a lungdamhuai thute gen a, natna nam khempeuh a damsak hi.

Tedim Bible

³⁵ Zeisu in kikhopna inn sungah thu hilhin, gamsung khuapi, khuaneu khempeuh ah vak kawikawi a, Vantung Gam Lungdamna Thu hilh a, cina, luna khempeuh a damsak hi.

Mattiu 9:35 Referans Kwoze

Sawltak 10:38

Nazareth khuami Jesu tungah Pasian in Kha Siangtho le vangliatna pia a, Pasian in a ompihna hangin tua Jesu in a paina khempeuh ah na hoih semin, Dawimangpa in a gimsak mite khempeuh a damsakna thu zong na thei uh hi.

Marka 6:56

Khuapi, khua neu le khua kete a a paina khempeuh ah, mite in mihon kikhopna munah cinate hong pua uh a, a puan mongteep beek a lawnsak nading deihin Jesu kiangah a thum uh hi. A puan mongteep a lawng kha mi khempeuh cidam pahpah uh hi.

Mattiu 11:5

Mittawte in khua mukik a, khebaite pai theikikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un.

Luka 13:22

Tua ciangin khuapite le khuaneute nawkin Jesu paisuak a, Jerusalem khua manawhin a pai kawmin thu a hilh hi.

Sawltak 2:22

“Ka mipih Israel-te aw, hih ka thugen na ngai un: Nazareth khuami Jesu tungtawnin Pasian in lim le nalamdangte bawlin na hong sem ahih manin, Jesu pen Pasianʼ sawl nasem ahihna teltakin na thei uh hi. Hih thu pen note lakah a piang thu ahih manin nomau mahmah in na thei uh hi.

Marka 6:6

Amaute in amah a up loh manin lamdang a sa mahmah hi. Tua ciangin tua kiim a om khuaneute ah thuhilhin a pai kawikawi hi.

Mattiu 11:1

Jesu in a nungzui sawm le nihte a vaikhakna a man khit ciangin tua kiimnai-a om khuate ah thuhilh ding le thugen dingin tua mun panin a paikhia hi.

Mattiu 10:1

Jesu in a nungzui sawm le nihte sam a, dawite a hawlkhiat theih nading uh le natna nam khempeuh a damsak theih nadingun amaute tungah vangliatna a pia hi.

Marka 1:14

Thong sungah Johan a kikhiat khit ciangin Galilee gam sungah Jesu hong pai a, Pasian kiang panin hong pai Lungdamna Thuthak gen a,