Mattiu 9:3 - Tedim Bible Revision 2017

³ Tua ciangin Thukham hilh siate pawl khat in a lungsim uh ah, “Pasian tawh a kikim bangin kampau ahih manin hih mipa in Pasian a dem ahi hi,” ci-in a ngaihsun uh hi.

Tedim Bible

³ Laitheite kimkhat in, “Hihpa in Pasian tungah a pau khial hi,” ci-in a lungngai uh hi.

Mattiu 9:3 Referans Kwoze

Mattiu 26:65

Tua ciangin siampi lianpen pa in a puan bal kek a, “Pasianʼ tungah a pau khial zo hi. Bang thudang kisam nawn ahi hiam? A paukhialhna na za uh hi.

Luka 5:21

Tua ciangin Thukham hilh siate le Farisi mite in a lungsim sung uh ah, “Hih bangin Pasian tawh a kikimin a pau ngam mipa kua ahi hiam? Mihing kuamah in mawhna maisak thei lo a, Pasian bek in maisak thei hi,” a ci uh hi.

Siampi Laibu 24:16

Topaʼ min a gen sia mipa kithat ding hi. Mihonte khempeuh in amah deng lum ding uh hi. Peemta hitaleh tualsung mi hitaleh, Min Siangtho a gensiate kithat ding hi.

Marka 14:64

Pasianʼ tungah a paukhialhna na za zo uh hi. Bangci ngaihsut na hi uh hiam?” a ci hi. Hih mipa thah dingin kilawm hi, ci-in amaute khempeuh in thu a khen uh hi.

Marka 7:21

Bang hang hiam cih leh mihingteʼ lungsim sung panin nungak tangval mawhnopna, guktaakna, mi thahna, zilepasal nei sate tawh mawhnopna,

Mattiu 7:29

Amah in Thukham hilh siate bangin thu gen loin, aana neite bangin thu a gen zaw hi.

Gamlak-vakna 15:30

“Ahih hangin tualsung mi hitaleh peemta hitaleh, na khat peuhpeuh a hih teitei mipa in Topa a simmawh hi a, tua mipa kithat ding hi.

Marka 3:28

“Tua ahih ciangin hih thu phawk un! Mihingteʼ mawhna le a kampau siatnate uh kimaisak thei ding hi.

Marka 3:29

Ahi zongin Kha Siangtho langpangin thu a gente in mawhna kip su kha uh ahih manin a mawhna uh kimaisak ngei lo ding hi,” a ci hi.