Mattiu 9:24 - Tedim Bible Revision 2017

²⁴ “Na vekpi-un paikhia un. Hih numeino a si hi lo a, a ihmu bek ahi hi,” a ci hi. Ahi zongin amaute in Jesu zahpihin a nuihsan uh hi.

Tedim Bible

²⁴ “Taikhia un. Numeino a si hi lo hi, a ihmu hi,” a cih leh, tua mite in zahpihin a nuihsan uh hi.

Mattiu 9:24 Referans Kwoze

Sawltak 20:10

Paul zong va kum sukin tangvalpa tungah bokin kikhuangin kawi a, “Lunghimawh kei un, hing lai hi,” a ci hi.

Sawltak 9:40

Peter in inn sung panin amaute khempeuh a pusuahsak khit ciangin khukdinin thu a ngen hi. Tua ciangin misi nu lamah kihei a, “Tabitha aw, tho in,” a cih ciangin a mit hong hak a, Peter a muh ciangin a tu to hi.

Johan 11:4

Ahi zongin Jesu in tua thu a zak ciangin, “Hih natna pen sih nading natna hi lo a, Pasianʼ Tapa in Pasianʼ pianzia a neihna mite in a theih nading le Pasian a phat theih nadingin a na ahi hi,” a ci hi.

Isaiah 53:3

Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a hum san uh mipa bangin amah kisimmawh a, eite in amah i thusim kei hi.

Isaiah 49:7

Israel a honpa le ama Siangtho Pa ahi Topa in nakpi takin simmawhna a thuak, minamte in a muhdah, gam ukteʼ nasem pa tungah: “Nangmah a hong teel Israel-teʼ Siangtho Pa, a thuman Topa’ hangin mite na hotkhiatna thu kumpite in a muh uh ciangin zahtakna tawh na mai ah hong ding ding uh a, na mai ah uliante hong kun ding uh hi,” hong ci hi.

JOB (Job) 12:4

Ka lawmte nangawn in tu-in kei hong nuihsan uh a, kei dikin paubaang lo napi hong nuihsan uh hi. Ahi zongin Pasian in ka thungetna a hong piak hun om hi.

Marka 5:40

Amaute in Jesu zahpih bawlin nuihsan uh ahih manin Jesu in amaute khempeuh pusuaksak a, numeinoʼ pa le a nu le a nungzui thumte tawh, numeinoʼ lupna inn dei ah a pai uh hi.

Luka 8:53

Amah a sih khitna thei uh ahih manin Jesu a nuihsan lel uh hi.