Mattiu 9:21 - Tedim Bible Revision 2017

²¹ Tua numei in, “A puan va lawng bek leng zong ka dam ding hi,” ci-in a lungsimah ngaihsun hi.

Tedim Bible

²¹ “Ama puan bek lawng kha leng ka dam ding hi,” ci-in lungngai a, Zeisu nung lamah pai-in a puan mong teep a lawng hi.

Mattiu 9:21 Referans Kwoze

Sawltak 19:12

Ama zat mainul ahi a, a puante ahi zongin cinate kiangah a kipaipih ciangin a natnate uh damin, a sunga om dawite zong a tai khia uh hi.

Mattiu 14:36

Ama puan mongteep beek a lawnkhak theih nadingun Jesu kiangah ngen uh a, a puan mongteep a lawng mi khempeuh in damna a ngah uh hi.

Marka 3:10

Amah in cina mi tampi damsak khin ahih manin, Jesu a lawn theih nadingun cina khempeuh in amah hong naih ciat uh hi.

Luka 6:19

Jesuʼ tung panin vangliatna pai khia-in mi khempeuh damsak ahih manin mi khempeuh in amah lawn ding a hanciam uh hi.