Mattiu 9:20 - Tedim Bible Revision 2017

²⁰ Tua laitakin kum sawm le kum nih tawntung a si a luang numei khat Jesuʼ nungah hong pai-in a puan mongteep a lawngsim hi.

Tedim Bible

²⁰ Tua lai takin kum sawm leh kum nih tawntung si luang natna a vei numei khat in,

Mattiu 9:20 Referans Kwoze

Mattiu 14:36

Ama puan mongteep beek a lawnkhak theih nadingun Jesu kiangah ngen uh a, a puan mongteep a lawng mi khempeuh in damna a ngah uh hi.

Marka 6:56

Khuapi, khua neu le khua kete a a paina khempeuh ah, mite in mihon kikhopna munah cinate hong pua uh a, a puan mongteep beek a lawnsak nading deihin Jesu kiangah a thum uh hi. A puan mongteep a lawng kha mi khempeuh cidam pahpah uh hi.

Thu-hilhkikna 22:12

“Na puanza uh kiu lite tungah puan mongteep na bawl ding uh hi.

Marka 8:22

Tua ciangin Bethsaida khua tung uh hi. Mi pawl khat in Jesu kiangah mittaw khat hong paipih uh a, amah a lawn nadingun a thum uh hi.

Mattiu 23:5

Amaute in a sepna khempeuh uh miteʼ muh theih dingin a hih se uh hi. Amaute in a talsuan le a banbulhte uh a gol pipi-in bawlin, a puan mongteep uh a sau theithei-in a bawl uh hi.

Sawltak 5:15

Hih bangin sawltakteʼ nasepna hangin kongzing ah cinate hong kipua a, Peter hong pai ciangin a liim in cinate a liah khak theih nading deihin a lupna le a lupna pheekte uh tawh lam gei ah a koih uh hi.

Sawltak 19:12

Ama zat mainul ahi a, a puante ahi zongin cinate kiangah a kipaipih ciangin a natnate uh damin, a sunga om dawite zong a tai khia uh hi.

Mattiu 9:19

Jesu zong ding pah a, a nungzuite tawh tua mipa a zui uh hi.