Mattiu 8:22 - Tedim Bible Revision 2017

²² Jesu in, “Nangmah in kei hong zui inla, misi bang ahi mite in misite a vui dingun nusiat in,” ci-in a dawng hi.

Tedim Bible

²² Zeisu in, “Misite in amau misite na vui ta hen. Ka nung hong zui in,” a ci hi.

Mattiu 8:22 Referans Kwoze

Luka 15:32

Tu-in na naupa a si sa hong hingkik a, a mang sa hong tungkik ahih manin lungdamin pawi i bawl ding ahi hi,’ ci-in a pa in a dawng hi,” a ci hi.

Kolose 2:13

A beisa hunah na mawhna uh hangin kha thu tawh kisai-in misi na hi uh a, Gentail mi na hih manun Thukham nei lote na hi uh hi. Ahi zongin Khris hangin Pasian in note hong hingsak a, i mawhna khempeuh hong maisak khinta hi.

Efesa 5:14

Tua ahih manin la sungah, “A ihmu mi aw, khanglo inla, sihna panin tho in. Tua hileh Khris in nang hong taan ding hi,” kici hi.

Efesa 2:5

i mawhna hangin kha thu tawh kisai-in misi ihih laitakin Khris tawh eite hong nungtasak hi. Pasianʼ hehpihna hangin hotkhiatna a ngah thei ihi hi.

Efesa 2:1

A beisa hunah na thuman lohna uh le na mawhna uh hangin kha thu tawh kisai ah a si na hi uh hi.

1 TIMOTI MASA 5:6

Ahi zongin a pumpi uh deihna zui-in a gamta meigong numeite pen a pumpi uh a nuntak hangin kha thu ah a si khin ahi uh hi.

Johan 1:43

A zing ciangin Jesu in Galilee gamah pai ding ngaihsun hi. Filip tawh kituak a, ama kiangah, “Hong zui in,” a ci hi.

Mattiu 9:9

Tua lai mun panin Jesu a paikhiat ciangin siahdongpa Matthai a zumah tu-in a om mu a, “Hong zui in,” a cih leh amah zong dingin a zui pah hi.

1 KUMPI MASATE 19:20

Tua ciangin amah in a bawngtalte nusia-in Elijahʼ nungah tai a, “Ka nu le ka pa kam vaikhakin hong namsak phot in; tua ciangin nang kong zui ding hi,” a ci hi. Amah in Elisha kiangah, “Paikik in; nang hong khaktan ka hi hiam?” a ci hi.

Mattiu 8:21

Tua ciangin amah a zui midang khat in, “Topa aw, kei hong ciahsak inla, ka pa hong vuisak masa in,” a cih leh

Marka 2:14

Tua bangin a paina ah Alfeas tapa Levi, a siahdonna zumah tu-in a om a mu hi. Jesu in ama kiangah, “Kei hong zui in,” a ci hi. Levi zong dingin Jesuʼ nung a zui pah hi.

Luka 9:59

Tua ciangin Jesu in midang khat kiangah, “Kei hong zui in,” a ci hi. Ahi zongin amah in, “Topa aw, kei hong ciahsak inla, ka pa hong vuisak masa in,” a ci hi.

Luka 9:60

Ahi zongin Jesu in, “Misi bang ahi mite in misite na vui tahen. Nang na hih leh va pai inla Pasianʼ Ukna thu va hilh in,” a ci hi.

Luka 15:24

Bang hang hiam cih leh ka tapa a si sa hong nungta a, ka tapa a mang sa hong tungkik hi,’ a ci hi. Tua ahih manin lungdamna pawi bawl a kipan uh hi.

Johan 21:19

(Hih bangin a thugenna pen Peter a sih nading zia le Pasianʼ min a thansak nading thu a gen nopna ahi hi.) Tua ciangin Jesu in Peter kiangah, “Hong zui un,” a ci hi.

Johan 21:22

Jesu in, “Ka hong paikik mateng amah a nungta dingin ka deih nakleh nang bang phamawh sa na hi hiam? Nangmah in ka nung hong zui peuh in,” ci-in a dawng hi.