Mattiu 7:7 - Tedim Bible Revision 2017

⁷ “Ngen un; na nget uh leh hong kipia ding hi. Zong un; na zon uh leh na mu ding uh hi. Kongkhak na kiu un; na kiuh uh leh hong kihon ding hi.

Tedim Bible

⁷ “Ngen un. Na nget uh leh, hong pia ding hi. Zong un. Na zon’ uh leh, na mu ding uh hi. Kongkhak na kiu un. Na kiuh uh leh, hong hon’ ding hi.

Mattiu 7:7 Referans Kwoze

Mattiu 21:22

Upna na neih nak uh leh na nget peuhpeuh uh na ngah ding uh hi,” a ci hi.

1 JOHAN MASA 3:22

Ama thupiaknate zui-in ama lungkim nadingin gamta ihih manin ama kiang panin i nget peuhpeuh i ngah hi.

Johan 15:7

Kei tawh na hong kizop uh a, note sungah ka thu a om nakleh na deih peuhpeuh uh hong ngen le-uhcin hong kipia ding hi.

Marka 11:24

Tua ahih manin note kiangah kong genin ah: Na khat peuhpeuh na nget uh ciangin ngah ding ci-in um un; tua hileh na nget peuhpeuh uh na ngah ding uh hi.

Jeremiah 33:3

Kei nong sap leh kong dawngkik dinga, na theih ngei nai loh a ki-imcip thu lianpite kong gen ding hi.

Mattiu 6:33

Thudang khempeuh sangin Pasianʼ ukna le ama deihna na zuih theih nading uh thupi ngaihsut masa zaw un. Tua hileh hih na kisapna dangte khempeuh uh zong hong pia thuah veve ding hi.

Mattiu 7:8

Bang hang hiam na cih uh leh a ngente khempeuh in ngah ding uh a, a zongte khempeuh in mu ding uh a, a kiute khempeuh ading kong kihon ding hi.

Johan 15:16

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

Hebru 11:6

Upna lo tawh kuamah in Pasian lungkimsak zo lo hi. Pasian kiang a zuan mi peuhmah in Pasian a om takpi ahihna thu le amah a zongte Pasian in thaman pia hi, ci-in a up ding kisam hi.

Paunak 8:17

Kei hong itte ka it a, kei hong zong peuhmahte in hong mu uh hi.

Late 10:17

Topa aw, lungnemteʼ deihna na ngai ding hi. A lungsim uh na hatsak dinga, na bil na ngat ding hi.

Johan 4:10

Jesu in, “Pasianʼ hong piak theih dingte le tui dawn ding hong ngen pa thei tel hi lecin, ama kiang pan tui a ngen ding na hizaw a, amah in nuntakna tui nang hong pia ding hi,” a ci hi.

Mattiu 18:19

Leitungah note nih thukimin na nget uh na khat peuhpeuh, vantungah a om ka Pa in hong pia ding hi.

Amos 5:4

Tua ahih manin Topa in Israel mite tungah hih bangin ci hi: Kei hong zong un; tua hileh na nungta ding uh hi.

Jeim 5:15

Upna tawh thu a kinget ciangin Topa in cinate noptuamsakin, damsak dinga, mawhna nei ahihleh zong a mawhna maisak ding hi.

Late 27:8

“Ka mai hong zong in,” na hong ci khinzo hi. Keimah in nangma tungah, “Topa aw, nangma mai kong zong hi,” ka hong ci hi.

Luka 18:1

Tua ciangin amaute in thu ngen tawntungin a lungkiat ngei loh nading uh a hilh nopna-in Jesu in a nungzuite kiangah thu gentehna khat gen a,

Mattiu 7:11

Note mihoih lo hi napi-in na tate uh tungah na hoih piak ding ngaihsun thei na hih uh leh vantungah a om na Pa un a ngen mite tungah na hoihte hong pia zaw mahmah ding hi lo ahi hiam?

Late 50:15

Haksat hun ciangin keima tungah hong ko un. Note kong hon khia dinga, note in keima min nong thangsak ding uh hi,” a ci hi.

Solomon la 3:2

Tho-in khua sung tengah ka vak a, kongzing kawm tengah ka pai kawikawi a, ka ngaihno ka zong a, ka zonzon hangin ka mu zo kei hi.

ROM (Romans) 2:7

Pahtakna, minthanna le hin tawntungna deihin a gamtat hoih tawntung mite tungah Pasian in nuntak tawntungna pia dinga,

Late 119:12

Topa aw, thupha ngah ta in; na ngeina kipte kei hong hilh in.

Late 86:5

Bang hang hiam cih leh Topa aw, nangmah hoihin mawhna na maisak a, hong ngente khempeuh tungah itna kip tampi na nei hi.

Late 70:4

Nang hong zongte khempeuh lungdam mahmah in na min hangin kipak tahen. Na hotkhiat ding a utte in, “Pasian lian hi,” cici tahen.

Late 69:32

Netniamna a thuakte in hih thu mu-in lungdam uh hen. Pasian a zong note aw, na lungsim uh nosuaksakkik un.

1 KUMPI MASATE 3:5

Gibeon ah zanin mang sungah Solomonʼ tungah Topa kilang hi. Pasian in, “Nang kong piak ding hong ngen in,” a ci hi.

Late 10:4

Migilo in kiphatsakna lungsim nei a, Topa zong lo hi. Ama ngaihsutna khempeuh ah, “Pasian om kei,” a ci hi.

ROM (Romans) 3:11

a man a thei kuamah om lo a, Pasian tawh kipawl ding a hanciam kuamah om lo hi.

Luka 13:25

Inn nei pa hong tho-in kong hong khak ciangin, note kong pua lamah dingin kongkhak na kiu ding uh a, ‘Topa aw, kote zong kong hong hon in,’ na ci ding uh hi. Amah in, ‘Note koi lai panin a hong pai na hi uh hiam kong thei kei hi,’ ci-in hong dawng ding hi.

Late 34:4

Keimah in Topa ka zong a, amah in kei hong dawngin, ka launa khempeuh panin kei hong hon khia hi.

Late 37:4

Topa sungah lungkim in; amah in na deihna hong pia ding hi.

Isaiah 30:19

Jerusalem khua sunga a teeng, Zion sunga om mite aw, note na kap nawn kei ding uh hi. Noteʼ kahna aw hangin Topa in hong hehpih taktak dinga, amah in a zak ciangin note hong dawng ding hi.

Piancilna 26:32

Tua ni mahin Isaacʼ nasemte hong pai-in amauʼ tawh sa tuikhuk thu ama kiangah hong gen uh a, “Tui ka mu zo uh hi,” hong ci uh hi.