Mattiu 7:5 - Tedim Bible Revision 2017

⁵ No a kineihkhem mite aw, noteʼ mit sunga singluang tang la khia masa le-uhcin, na lawmte uh mit sunga ninthem tang na lakkhiat theih nadingun hoihtakin khua na mu thei pan ding uh hi.

Tedim Bible

⁵ Nang mi simtatpa aw, na mit sungah a om singluang paaikhia masa in. Tua khit ciangin, na u na nau’ mit sunga a om ninneng tang paihkhiat ding na tel muh thei ding hi.”

Mattiu 7:5 Referans Kwoze

Luka 6:42

Na mit sunga singluang hong tang nangawn mu lo napi-in, ‘Lawm aw, na mit sunga ninthem tang hong lakkhiatsak ning,’ ci-in na lawmte kiangah bangci gen theih ding na hi hiam? No a kineihkhemte aw, na mit sung uh a singluang tang la khia masa le-uhcin, na lawmte uh mit sunga ninthem tang mu-in na la khia thei pan ding uh hi.”

Luka 13:15

Tua ciangin Topa in amah dawng a, “No a kineihkhem mite aw, note in Sabbath ni mahin zong na bawngte uh ahi a, na late uh ahi zongin a buk panin na khihna khaute uh sutin, tui pia dingin paipih hi lo na hi uh hiam?

Luka 4:23

Tua ciangin Jesu in amaute kiangah, “Paunak khat ah, ‘Zato pa aw, nangmah kidamsak tawm in,’ a cihna thu kei tungah nong cih nop ding uh ka thei hi. ‘Kapernaum khua ah na bawl thu ka zakte uh zong hih lai na khua ah hong bawl in,’ zong nong ci nuam ding uh hi,” a ci hi.

Mattiu 22:18

Ahi zongin Jesu in amauʼ gitloh geelna thei ahih manin, “Mihoih a kineihkhem mite aw, bang hangin kei hong thangsiah se na hi uh hiam?

Luka 12:56

No a kineihkhem mite aw, vanlelei na et uh ciangin a piang ding thu thei na hih uh leh, tu hun thute bang hangin theithei lo na hi uh hiam?” a ci hi.

Sawltak 19:15

Ahi zongin dawite in amau kiangah, “Jesu ka thei uh a, Paul zong ka thei uh hi. Note kua na hi uh hiam?” a cih khit uh ciangin,

Mattiu 7:3

Bang hangin na lawmteʼ mit sunga ninthem tang muhsak thei napi-in nangma mit sunga singluang tang phawk thei lo na hi hiam?

Mattiu 7:4

Nangma mit sungah singluang a tang kimlai, bangci-in na lawmte kiangah, ‘Na mit sunga ninthem tang hong lakkhiatsak ning,’ ci thei ding na hi hiam?

Mattiu 7:6

“Uite tungah a siangtho nate pia kei un. Pia le-uhcin hong pet zawsop ding hi. Vokte mai ah na suang manphate uh lot kei un. Lot le-uhcin sikcip lel ding uh hi.