Mattiu 7:3 - Tedim Bible Revision 2017

³ Bang hangin na lawmteʼ mit sunga ninthem tang muhsak thei napi-in nangma mit sunga singluang tang phawk thei lo na hi hiam?

Tedim Bible

³ Na mit sunga singluang lungngai loin na u na nau’ mit sunga ninneng tang bang hangin na en hiam?

Mattiu 7:3 Referans Kwoze

Galati 6:1

Sanggamte aw, mi khatpeuh a gamta khial a om ciangin, Kha Siangthoʼ deihna bangin a nungta note in tua a khial pa a manin a gamtatkik theih nadingin thunem zangin na huh un. Note in zong amah bangin ze-etna na tuah khak loh nadingun na kikem un.

Luka 18:11

Farisi mipa dingin thu ngen a, ‘Pasian aw, kei pen midangte bangin a huaiham, a thuman lo, numei tungah a mawh mi ka hi kei hi; hua lai-a siahdongpa bang hi lo ka hih manin nangma tungah ka nuamna kong pulak hi.

Mattiu 7:4

Nangma mit sungah singluang a tang kimlai, bangci-in na lawmte kiangah, ‘Na mit sunga ninthem tang hong lakkhiatsak ning,’ ci thei ding na hi hiam?

Mattiu 7:5

No a kineihkhem mite aw, noteʼ mit sunga singluang tang la khia masa le-uhcin, na lawmte uh mit sunga ninthem tang na lakkhiat theih nadingun hoihtakin khua na mu thei pan ding uh hi.

ROM (Romans) 2:1

Tua ahih ciangin midangteʼ thu a khen note pen kuakua hi ta le-uhcin na suakta tuan kei ding uh hi. Midangte na mawhsakna uh thute mah note zong gamta veve na hih manun, no zong a mawh mah na hi uh hi.