Mattiu 7:29 - Tedim Bible Revision 2017

²⁹ Amah in Thukham hilh siate bangin thu gen loin, aana neite bangin thu a gen zaw hi.

Tedim Bible

²⁹ Bang hang hiam i cih leh, amah in laitheite bangin a hilh kei hi, ukpa bangin thu a hilh hi.

Mattiu 7:29 Referans Kwoze

Luka 20:8

Tua ciangin Jesu in amaute kiangah, “Hih bangin ka nasepnate kuaʼ thu tawh ka sep hiam cih kei zong kong gen kei ding hi,” a ci hi.

Isaiah 50:4

A lunggim mite ka thahatsak theih nadingin Topa Pasian in ka gen ding thu hong hilh khin hi. Ama hong hilhnate a ngai dingin zingsang simin lawpna hong guan hi.

Sawltak 6:10

Ahi zongin Kha Siangtho in Stefen tungah pilna guan ahih manin amaute in thusel zo lo uh hi.

Luka 21:15

Bang hang hiam cih leh tua hun ciangin noteʼ gen ding thu le pilna kong guan dinga, na galte uh khat beek in noteʼ thugen hong nial zo loin, zong hong sel zo lo ding uh hi.

Mattiu 28:18

Tua ciangin amaute mai ah Jesu hong pai a, “Leitungah ahi a, vantungah ahi zongin vangliatna khempeuh kei tungah hong kipia khinta hi.

Mattiu 5:44

Ahi zongin keʼn note kiangah kong genin ah: Na galte uh na it unla, no hong bawlsiate adingin thu na ngetsak un.

Mattiu 5:32

Ahi zongin keʼn note kiangah kong genin ah: Mi khat peuhmah in pasal dang tawh a mawhna hang lobuang, a zi a mak peuhmah a, a zi in pasal a neihkik leh mi tawh a mawh dingin a bawl a suak hi. Tua a kima numei a tenpihte, numei tawh a mawh mah ahi hi.

Mattiu 5:28

Ahi zongin keʼn kong genin ah: Mawhpih nopna lungsim tawh numei khat a en mi peuhmah in a lungsimah tua numei tawh a mawh ahi hi.

Mattiu 5:20

Tua ahih manin Pasianʼ deihna bangin gamtat nading thu ah Thukham hilh siate le Farisi mite sangin na cihtak zawk uh leh vantung ki-ukna sungah a om thei bek ding na hi uh hi.

Micah 3:8

Ahi zongin kei ka hih leh, Israel mite tungah a mawhna uh a gen khia dingin Topaʼ kha le a vang tawh ka kidim a, thutang gen ngam nading lungsim ka nei hi.

Thuhilh-sia 8:4

Kumpipa aana neihna tawh gamta hi. Ama gen bangin gamta in; kuamah in amah nial zo lo hi.

Mattiu 7:28

Jesu in hih a thugente a man khit ciangin, ama thugenna hangin mihonpite in lamdang sa mahmah uh hi.

Mattiu 8:1

Tua mual panin Jesu hong pai suk ciangin mihon tampi in amah a zui uh hi.