Mattiu 7:26 - Tedim Bible Revision 2017

²⁶ Hih ka thugente za napi-in a zui nuam lote pen sehnel tungah a inn a lam mihai pa tawh kibang ding hi.

Tedim Bible

²⁶ Tu-a ka thuhilhte za napi, a ngai lo mi khempeuhte in sehnel tungah inn lam mihai tawh kibang ahi cih ka genteh ding hi.

Mattiu 7:26 Referans Kwoze

Luka 6:49

Ahi zongin ka thuhilhna za napi-in a zui lote pen bulkip a nei lo, leilak mawkmawk ah inn a lam pa tawh kibang hi. Tuikhang in tua inn a nawk ciangin thakhat thu-in sia gawp pah a, tua inn pen naksiat mahmah hi,” a ci hi.

Jeremiah 8:9

Na mipilte uh maizum ding uh a, lungmangin a cih nading a thei kei ding uh hi. En un, amaute in Topaʼ thu nial uh hi. Bang pilna nei nawn ahi uh hiam?

Jeim 2:20

Lawmte aw, gamtatna in a zui lo upna pen a hawmpi ahihna thu kong lak ding hi.

1 SAMUEL MASA 2:30

Tua ahih ciangin Israel-teʼ Pasian, Topa in thu hong genin: ‘Nangma innkuan le na behte keima mai ah sung tumin pusuak tawntung ding hi, ci-in thu ka ciam sa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi dinga, kei hong simmawhte ka simmawh ding hi.

Paunak 14:1

Numei pilte in inn sung nuntakna khangsak a, numei haite in inn sung susia hi.

JOB (Job) 22:16

Amauʼ hun tung lopi-in tuikhang in amaute taai hi.

Mattiu 7:24

“Ka thuhilhna za-in a zui mi khempeuhte pen suang tungah a inn a lam mipil pa tawh kibang ding hi.

Mattiu 7:25

Guah hong zu-in, tui hong khangin, huihpi hong nung a, tua inn a nawk gawp uh hangin suang tungah kilam ahih manin kisia zo lo hi.

Mattiu 7:27

Guah hong zu-in, tui hong khangin, huihpi hong nung a, tua inn a nawk gawp uh ciangin a kisia hi. Tua inn naksiat mahmah hi,” ci-in thu a gen hi.