Mattiu 7:24 - Tedim Bible Revision 2017

²⁴ “Ka thuhilhna za-in a zui mi khempeuhte pen suang tungah a inn a lam mipil pa tawh kibang ding hi.

Tedim Bible

²⁴ “Tua ahih ciangin, ka thuhilhna za a, a zuite khempeuh in suang tunga inn lam mipil tawh kibang ahi cih ka genteh ding hi.

Mattiu 7:24 Referans Kwoze

Johan 13:17

Hih thu thei-in na zuih uh leh na lung uh nuam mahmah ding hi.

Luka 11:28

Ahi zongin Jesu in, “Pasianʼ thu za-in a zuite hampha zaw lai hi,” ci-in a dawng hi.

1 JOHAN MASA 2:3

Eite in ama thupiaknate i zuih leh amah a thei taktak ihihna hong kilang hi.

Late 111:10

Topa zahtakna pen pilna kipatna ahi hi. Ama thupiak a zuite khempeuh tungah thukhen siamna a pia hi. Amah phat tawntung ding ahi hi.

Paunak 10:8

Mipilte in thuhilhna mang a, a hai paute in lungkhamna tuak hi.

Johan 14:15

Tua ciangin Jesu in, “Kei na hong it uh leh ka thupiakte zong na zui ding uh hi.

Johan 15:14

Ka hong thupiak bangin na gamtat uh leh ka lawmte na hi uh hi.

JOB (Job) 28:28

“Tua ciangin amah in mihingte tungah thu genin, ‘Topa zahtakna, pilna hi a, siatna pelhna pen thutheihna hi,’ ci hi,” a ci hi.

Johan 15:10

Ka Paʼ hong thupiakte zui-in ama itna sungah ka om mah bangin note in zong ka thupiaknate na hong zuih uh leh ka itna sungah a om na hi ding uh hi.

Mattiu 12:50

Vantungah a om ka Paʼ deihna bangin a gamta mi peuhmah ka sanggam pasal, ka sanggam numei, ka nu ahi uh hi,” ci-in a dawng hi.

Late 119:99

Ka siate khempeuh sangin thu ka tel zaw hi. Bang hang hiam cih leh na teci pannate ka ngaih sunsun hi.

Late 119:130

Na thute gentelna in khua vaksak a, thu thei lote tungah thu theihtelna a guan hi.

Paunak 14:8

Thungaihsun theite a pilna in lampi man musak a, mihaite a haina in lam khialsak hi.

Paunak 10:25

Huihpi a nun ciangin migilote leen mang a, thuman mite lungmuangin om tawntung uh hi.

Paunak 12:7

Migilote in sihna tuakin cimang a, thuman mite nungta-in khang kizom hi.

Mattiu 7:25

Guah hong zu-in, tui hong khangin, huihpi hong nung a, tua inn a nawk gawp uh hangin suang tungah kilam ahih manin kisia zo lo hi.

Mattiu 7:26

Hih ka thugente za napi-in a zui nuam lote pen sehnel tungah a inn a lam mihai pa tawh kibang ding hi.

Mattiu 16:18

Keʼn kong genin ah: Nang pen suangneu a cihnopna Peter na hi hi. Hih suangpi tungah ka pawlpi ka lam dinga, sihna nangawn in zo zo ngei lo ding hi.

Mattiu 24:45

“A pil a citak nasem i cih a bangcite ahi hiam? A nasep pih dangte ukin a hun manmanin amauteʼ nekzah ding ciat an a pia dingin a topa in a seh a nasem pa ahi hi.

Mattiu 25:2

Nungak sawmte sung panin nga pil uh a, nga hai uh hi.

Mattiu 25:4

ahi zongin a pil nungak ngate in a dimtakin thunin a pai uh hi.

Mattiu 25:9

a pilte in, ‘Hong hawm le ung ko ading tawh kicing nawn lo ding ahih manin no ading va lei tawm zaw un,’ ci-in a dawng uh hi.

ROM (Romans) 2:13

Thukham zakna bek hangin Pasian tawh kipawlna a piang hi lo a, thukham sunga Pasianʼ genna bangin a gamtate bek Pasian tawh a kipawl thei ahi hi.