Mattiu 7:22 - Tedim Bible Revision 2017

²² Tua ni ciangin mi tampi in kei kiangah, ‘Topa, Topa aw, nangma min tawh thu hilhin, nangma min tawh dawite hawl khia-in, nangma min tawh nalamdang lian tampi bawl hi lo ka hi uh hiam?’ hong ci ding uh hi.

Tedim Bible

²² Tua Ni ciangin, ‘Topa, Topa, kote in nangma min tawh Pasian thu hilh hilo ka hi uh hiam? Nangma min tawh dawite hawlkhia hilo ka hi uh hiam? Nangma min tawh nalamdang tampi hih hilo ka hi uh hiam?’ ci-in mi tampite in hong gen ding uh hi.

Mattiu 7:22 Referans Kwoze

2 TIMOTI NIHNA 1:12

Tua ahih manin hih bang teng a thuak ka hi hi. Ahi zongin ka up pa ka thei a, ama tungah ka apte tua Ni dong hong kepsak zo ding hi, ci-in thei ka hih manin ka maizum het kei hi.

2 TIMOTI NIHNA 4:8

Thu a manin a khen Topa in tua Ni ciangin kei a hong piak ding thuman lukhu ahi gualzawhna thaman in tu-in kei hong ngak gige hi. Kei tung bekah a hong pia ding hi lo a, ama hong paikik ding itna tawh a ngakte khempeuh tungah zong a pia ding ahi hi.

Johan 11:51

Hih bangin thu a gen ciangin ama lungsim a gen hi lo a, tua kumin siampi lianpen a sem ahihna tawh Jew miteʼ tangin Jesu a si ding ahihna thu a gen khol ahi hi.

Gamlak-vakna 24:4

Pasianʼ thute a za, Vanglian paʼ maangmuhna a mu, maang mu napi-in a mit in khua a mu thei mipaʼ thugen:

1 THESALONIKA MASA 5:4

Ahi zongin sanggamte aw, note na hih uh leh khuamial gamtatnate gamta lo na hih manun guta bangin tua Ni hong tun vat ciangin lamdang na sa kei ding uh hi.

Luka 10:12

Keʼn kong cih in ah, Thukhen Ni ciangin Sodom khua miteʼ thuak ding sangin tua khua miteʼ thuak ding haksa zaw lai ding hi,” a ci hi.

Mattiu 25:11

Tua khit ciangin nungak haite zong hong tung uh a, ‘Topa, Topa aw, kong hong hon in,’ a cih uh ciangin

Mattiu 24:36

Ahi zongin a ni le a nai hun ding pen kuamah in thei lo hi. Vantungah a om vantung mite ahi a, Tapa nangawn in ahi zongin thei lo a, Pa Pasian bek in thei hi.

Mattiu 7:21

“Kei kiangah, ‘Topa, Topa aw,’ hong ci mi khempeuh, vantung ki-ukna sungah lut thei kim lo ding uh a, vantungah a om ka Paʼ deihna bangin a gamta teng bek lut thei ding uh hi.

Isaiah 2:17

Miteʼ kiliatsakna kiniamkhiat dinga, miteʼ kiphatsakna a niamin kikoih suk ding hi. Tua ni ciangin Topa bek a lianin kikoih ding hi.

Isaiah 2:11

Miteʼ kiliatsakna pen kiniamkoih dinga, mihingteʼ kiphatsakna pen kiniamkhiat ding hi. Tua ni ciangin Topa bek a lianin kikoih ding hi.

2 TIMOTI NIHNA 1:18

Topa in tua Ni ciangin ama tungah hehpihna thupha pia tahen. Efesa khua ah ka om lai-in nakpi takin kei a hong huhnate khempeuh na theih sa ahi hi.

Mattiu 10:15

Thukhen ni ciangin tua khua miteʼ thuakna sangin Sodom khua le Gomorrah khua miteʼ thuakna ol zaw lai ding ahihna thu hoihtakin phawk un.

Gamlak-vakna 31:8

Amaute in midangte le Midian kumpi ngate Evi, Rekem, Zur, Hur le Reba a thahna uh ah, Beorʼ tapa Balaam zong namsau tawh that khawm uh hi.