Mattiu 6:6 - Tedim Bible Revision 2017

⁶ Ahi zongin thu na nget uh ciangin na inn sung uh ah tumin kong khak unla, na muh theih loh uh na Pa uh kiangah na ngen un. Tua hileh kuama muh lohin na gamtatna uh a hong mu na Pa un noteʼ tungah thaman hong pia ding hi.

Tedim Bible

⁶ No thu na nget uh ciangin inn sung tawngah lut un la, kong na khak khit uh ciangin a kilang lona munah a om na Pa uh kiangah na ngen un. A kilang lona-ah a om na Pa un phattuamna a hong pia ding hi.

Mattiu 6:6 Referans Kwoze

2 KUMPI NIHNATE 4:33

Tua ahih ciangin amah bek lutin kong a kikhaknelh hi. Tua ciangin Topaʼ tungah thu ngen hi.

Mattiu 14:23

Mihonte a ciah khit ciangin thungen dingin mual tung lamah a pai to hi. Khuamial ciangin Jesu guak bek gamlak ah om a,

Isaiah 65:24

Amaute in hong sap ma-in keʼn ka dawng dinga, amaute in thu a gen laitakin keʼn ka za ding hi.

Sawltak 9:40

Peter in inn sung panin amaute khempeuh a pusuahsak khit ciangin khukdinin thu a ngen hi. Tua ciangin misi nu lamah kihei a, “Tabitha aw, tho in,” a cih ciangin a mit hong hak a, Peter a muh ciangin a tu to hi.

Isaiah 26:20

Ka mite aw, hong pai-in na inn sung uh ah tum unla, na kongte uh khak un. Hehna a dam matengin tawl khat sung bu un.

Late 34:15

Topaʼ mit in thuman miteʼ lam en a, amauʼ kikona lamah a bil a ngat hi.

Mattiu 6:18

Tua hileh midangte in na an tanlam uh a theih loh hangin na muh theih loh na Pa un hong thei veve dinga, kuama theih lohin na tanlam uh a hong thei na Pa un noteʼ tungah thaman hong pia ding hi.

Sawltak 10:9

A zing ciangin Joppa khua ah amaute a tun dektak laitakun, thungen dingin sun laitakin innkhum zang ah Peter a kah to hi.

Mattiu 6:4

kuamah theisak kei un. Tua hileh kuama muh lohin na gamtatna uh a mu na Pa un note tungah thaman hong pia ding hi.

Efesa 3:14

Hih ama geelna teng ka ngaihsut ciangin, vantung a tung khin sa mite le leitungah a om lai mite khempeuhʼ pianna i Pa Pasianʼ mai ah ka khukdin a,

ROM (Romans) 8:5

Amau pumpi deihna bangin a nungtate, amau pumpi deihna in a lungsim uh a uk hi; Kha Siangtho deihna bangin a nungtate, Kha Siangtho in amau lungsim a uk hi.

Sawltak 10:30

Kornelias in, “Tu ni tawh sim tu ma ni li lai-in tu bang hun nitak nai thum laitakin ka inn ah thungenin ka om hi. Tua bangin thungenin ka om laitakin puan pak mahmah a silh mi khat ka mai ah hong ding vat a,

Johan 1:48

Nethanel in, “Kei hong bangci theih na hi hiam?” ci-in a dot ciangin Jesu in, “Filip in nang hong sap ma-in theikung nuai ah na om laitakin ka hong mu hi,” ci-in a dawng hi.

Johan 20:17

Tua ciangin Jesu in, “Kei hong lenlen nawn kei in. Ka Pa kiangah a pai to nai lo ka hi hi. Ka sanggamte kiangah va pai inla, ‘Keima Pa le noteʼ Pa, keima Pasian le noteʼ Pasianʼ kiangah ka pai ding hi,’ ci hi, ci-in va gensak zaw in,” a ci hi.

Paunak 25:22

Tua hileh amauʼ maizum nadingin a bawl na hi a, Topa in nang tungah thaman hong pia ding hi.