Mattiu 6:4 - Tedim Bible Revision 2017

⁴ kuamah theisak kei un. Tua hileh kuama muh lohin na gamtatna uh a mu na Pa un note tungah thaman hong pia ding hi.

Tedim Bible

⁴ A kilang lona-ah a mu thei na Pa un phattuamna hong pia ding hi.”

Mattiu 6:4 Referans Kwoze

Mattiu 6:18

Tua hileh midangte in na an tanlam uh a theih loh hangin na muh theih loh na Pa un hong thei veve dinga, kuama theih lohin na tanlam uh a hong thei na Pa un noteʼ tungah thaman hong pia ding hi.

Mattiu 6:6

Ahi zongin thu na nget uh ciangin na inn sung uh ah tumin kong khak unla, na muh theih loh uh na Pa uh kiangah na ngen un. Tua hileh kuama muh lohin na gamtatna uh a hong mu na Pa un noteʼ tungah thaman hong pia ding hi.

Jeremiah 17:10

Keimah Topa in mi khempeuhʼ nuntak zia le a gamtatna tawh kizui-in a pia khia dingin ngaihsutna ka en tel a, lungsim ka sittel hi,” a ci hi.

Luka 14:14

Amaute in nang hong thukkik zo lo ding uh ahih manin nang adingin a lungdamhuai hong hi ding hi. Bang hang hiam cih leh sihna panin mihoihte a thawhkik hun ciangin Pasian in nang tungah hong thukkik ding hi,” a ci hi.

Late 44:21

Pasian in hih thu mu khia lo ding ahi hiam? Bang hang hiam cih leh amah in lungsim thusim a thei hi.

Jeremiah 23:24

Mi khat peuhpeuh keiʼ muh loh dingin busim thei ding ahi hiam, Topa in kong ci hi. Leitung, vantung, mun khempeuh ah ka om lamtak thei lo na hi uh hiam, Topa in kong ci hi.

Luka 8:17

Bang hang hiam cih leh, thusimin a kikoih peuhmah, khatvei teitei thulang a suak lo ding, a kiselcip peuhmah, khatvei teitei a kipholak lo ding, bangmah om lo hi.

1 SAMUEL MASA 2:30

Tua ahih ciangin Israel-teʼ Pasian, Topa in thu hong genin: ‘Nangma innkuan le na behte keima mai ah sung tumin pusuak tawntung ding hi, ci-in thu ka ciam sa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi dinga, kei hong simmawhte ka simmawh ding hi.

Juda 1:24

Ama minthanna mai ah paubaanna om het loin lungdam takin a hong paipih theih nadingin note na puk khak nading panun a hong kem,

Hebru 4:13

Pasianʼ mai ah seelcip theih ding bangmah om lo hi. Eite khempeuh i din nading paʼ mai ah a kipiangsak na khempeuh a kiliah a ki-im thei om loin kimu sinsen hi.

Mattiu 10:42

Keima nungzui mi a neu pen khat nangawn, keima nungzui ahihna hangin tuivot hai khat bek a suahte nangawn in pel loin thaman a ngah ding lamtak phawk un,” ci-in a vaikhak hi.

Late 139:12

tua nangawn ah, nangma adingin khuamial pen mial lo a, zan khuamial pen sun nitaang tawh kibang hi. Bang hang hiam cih leh nang adingin khuamial pen khuavak mah bang lel hi.

Mangmuhna 2:23

Tua numeiʼ thu a zui mi khempeuh ka that ding hi. Tua hileh, mihingteʼ ngaihsutna le lungsim a kantel pa ka hihna thu pawlpi khempeuh in thei ding uh hi. Noteʼ gamtatna ciat tawh kizui-in ka hong thukkik ding hi.

1 KORIN MASA 4:5

Tua ahih manin a hun a tun ma-in kuamah mawhsakin thu khen kei un. Topa hong pai ciangin a tawpna thukhenna hong om dinga, amah in thusimte hong pholakin, mihingte in a lungsim sung uh ah a ipcip uh thute hong telkheh ding hi. Tua ciangin mi khempeuh in amauʼ ngah dingin a kilawm phatna, Pasianʼ kiang panin a ngah ciat ding uh hi.

Late 17:3

Keima lungsim hong sin inla, zan hun sungin ka kiangah hong hawh inla, keimah hong ze-et lecin, ka sungah gitlohna na mu kei ding hi. Ka kampau-in zong bangmah ka khial kei hi.

Paunak 25:22

Tua hileh amauʼ maizum nadingin a bawl na hi a, Topa in nang tungah thaman hong pia ding hi.

Mattiu 6:3

Ahi zongin note in mi cimawhte citna tawh na huh uh ciangin na lawm naihuai pente uh nangawn in hong theih loh nadingun pia unla,